Mose V, 29:1 - BAIBLO ALOO NGMAMI KLƆUKLƆU Ɔ

¹ Somi nɛ Yawɛ fa Mose ke e kɛ Israel bi ɔmɛ nɛ a so ngɛ Moab zugba a nɔ ɔ mi munyu komɛ ji nɛ ɔmɛ nɛ. E slo somi nɛ Yawɛ nitsɛ kɛ Israel ma a so ngɛ Sinai yo ɔ he ɔ.

Mose V, 29:1 ပူးပေါင်းရင်းမြစ်များ

Hebribi 8:9

Somi he nɛ ɔ maa slo kulaa ngɛ somi nɛ i kɛ a nɛmɛ ɔmɛ so blema benɛ i je mɛ kɛ je Egipt ɔ he. Somi nɛ i kɛ mɛ so ɔ, a yi nɔ; lɔ ɔ he ɔ, i ngmɛɛ a he.

Yeremia 31:32

Somi nɛ ɔ maa je kpa ngɛ somi nɛ i kɛ a nɛmɛ ɔmɛ so ɔ he. Benɛ i kɛ a nɛmɛ ɔmɛ so ɔ, jamɛ a be ɔ nɛ i nu a kɔni si nɛ i kpaka mɛ kɛ je Egipt zugba a nɔ. I kɛ mɛ hi si kaa a huno, se somi nɛ i kɛ mɛ so ɔ lɛɛ a yi nɔ fɛɛ.

Matsɛmɛ II, 23:3

E ya da titima a kasa nya, nɛ e kɛ Yawɛ so. E ka lɛ kita ke e maa bu lɛ tue, nɛ e maa ye e mlaa amɛ a nɔ kɛ e tsui tsuo, kɛ e klaa tsuo; nɛ níhi nɛ a ngma ngɛ mlaa womi ɔ mi ɔ, e maa pee lɛ tsuo pɛpɛɛpɛ. Kɛkɛ nɛ ma a tsuo wo si kaa a maa ye somi ɔ nɔ.

Ni Tsumi 3:25

Si nɛ Mawu wo kɛ gu gbali ɔmɛ a nɔ ɔ, nyɛ nɔ́, nɛ somi nɛ Mawu kɛ nyɛ nɛmɛ ɔmɛ so ɔ, nyɛ piɛ he. Bɔ nɛ e de Abraham ji, ‘Ma gu o nina nɔ nɛ ma gbaa nimli tsuo ngɛ zugba a nɔ.’

Yeremia 34:18

I kɛ Yuda ma nimeli ɔmɛ, Yerusalem ma nimeli ɔmɛ, matsɛ we ɔ tsɔli ɔmɛ, osɔfo ɔmɛ, kɛ ma hɛ mi nyɛɛli ɔmɛ tsuo so somi. Okadi nɛ a pee ji a gbe na bi, nɛ a gba mi enyɔ, nɛ a nyɛɛ fa enyɔ ɔmɛ a mi kɛ be. Se a yi somi ɔ, kɛ blɔ nya tomi ɔmɛ a nɔ. Lɔ ɔ he ɔ, bɔ nɛ a pee na bi ɔ, ja nɔuu ma pee mɛ.

Yeremia 11:6

Jehanɛ Yawɛ de mi ke, “Yaa fiɛ ngɛ Yuda ma amɛ a mi, kɛ Yerusalem gbɛjegbɛ ɔmɛ a nɔ, nɛ o de ni ɔmɛ ke a bu somi munyu ɔmɛ tue, nɛ a ye nɔ.

Yeremia 11:2

“Bu somi munyu ɔmɛ tue. De Yuda ma a, kɛ Yerusalem ma bi ɔmɛ ke,

Mose V, 29:25

Mɛni he je e mi mi fu wawɛɛ kikɛ nɛ ɔ?’ Heto nɛ a ma na ji, ‘Nɔ́ he je nɛ e ba ja a ji kaa Yawɛ ma a yi somi nɛ a kɛ lɛ, a nɛmɛ a Mawu ɔ so ɔ nɔ. Lɛ ji nɔ nɛ kpaka mɛ kɛ je Egipt ɔ nɛ.

Mose V, 29:21

Yawɛ ma je e hɛ kɛ pi lɛ, nɛ e maa gbla e tue. Gbiɛmihi tsuo nɛ a ngma ngɛ Yawɛ mlaa womi nɛ ɔ mi, nɛ a to kɛ ha nihi nɛ ma tɔ̃ somi nɛ ɔ nɔ ɔ maa ba e nɔ.

Mose V, 29:12

Nyɛ ba hiɛmɛ nɛ ɔ, konɛ nyɛɛ fua ngɔ fɔ somi nɛ Yawɛ, nyɛ Mawu ɔ kɛ nyɛ ngɛ soe ɔ nɔ, nɛ nyɛɛ pɛtɛ níhi nɛ sa nɛ nyɛ tsu ngɛ mi ɔ a he.

Mose V, 4:23

Nyɛɛ hyɛ nɛ hi, konɛ nyɛ hɛ ko je somi nɛ Yawɛ, nyɛ Mawu ɔ kɛ nyɛ so ɔ nɔ. Mlaa nɛ e wo nyɛ ke nyɛ ko pee amaga ko ɔ, nyɛɛ ye nɔ.

Mose V, 4:10

kaa ligbi ɔ nɛ nyɛ da si ngɛ Sinai yo ɔ he ngɛ Yawɛ, nyɛ Mawu ɔ hɛ mi ɔ, Yawɛ de mi ke, ‘Bua ma a nya. Ha nɛ a bu nɔ́ nɛ ma de mɛ ɔ tue, konɛ a ye mi gbeye a wami be tsuo; nɛ a tsɔɔ a bimɛ, nɛ mɛ hu a ye mi gbeye.’

Mose V, 4:13

E tsɔɔ nyɛ bɔ nɛ nyɛ maa pee kɛ ye somi nɛ e kɛ nyɛ so ɔ nɔ; lɔ ɔ ji kaa nyɛ maa ye mlaa nyɔngma amɛ nɛ e ngma ngɛ tɛ tɛtlɛɛ enyɔ ɔmɛ a nɔ ɔ a nɔ.

Mose III, 26:46

Mlaahi, kɛ blɔ nya tomihi nɛ Yawɛ ngɔ ha Mose ngɛ Sinai yo ɔ nɔ nɛ e kɛ ha Israel ma a ji nɛ ɔmɛ nɛ.

Mose III, 27:34

Mlaahi nɛ Yawɛ ngɔ ha Mose ngɛ Sinai yo ɔ nɔ nɛ e kɛ ha Israel ma a ji nɛ ɔmɛ nɛ.

Mose V, 28:68

E ngɛ mi kaa Yawɛ de ke nyɛ be kpalee kɛ ya Egipt gblegbleegble lɛɛ, se e maa wo nyɛ lɛ, nɛ e maa kpale nyɛ kɛ ya lejɛ ɔ. Nyɛ ma hla kaa nyɛ maa jua nyɛ he kaa nyɔguɛ ha nyɛ he nyɛli ɔmɛ ngɛ lejɛ ɔ, se a be nɔ ko nae nɛ ma he nyɛ.”

Mose V, 29:2

Mose tsɛ Israel ma a tsuo kɛ kpe, nɛ e de mɛ ke, “Nyɛ nitsɛmɛ nyɛ na nɔ́ nɛ Yawɛ pee Egipt matsɛ ɔ, e tsɔli ɔmɛ, kɛ e zugba a tsuo.

Mose V, 1:1

Munyuhi nɛ Mose tu kɛ tsɔɔ Israel ma a ngɛ nga kplanaa a nɔ ngɛ Yordan pa a beleku je ji nɛ ɔmɛ nɛ. Jamɛ a be ɔ mi ɔ, Israel ma a ngɛ Yordan kɔ̃ ɔ mi, ngɛ Suf hanɔ ngɛ Paran, kɛ ma nɛ ɔmɛ, Tafel, Laban, Hazerat, kɛ Dizahab a kpɛti.

Samuel I, 12:24

Nɔ́ nɛ sa nyɛ peemi kɛkɛ ji nyɛɛ ye Yawɛ gbeye, nɛ nyɛ kai ní nguahi nɛ e pee ha nyɛ ɔ.

La 105:27

Mawu ha nɛ a pee okadihi, kɛ nyakpɛ níhi ngɛ Egipt zugba a nɔ.