Mose V, 28:9 - BAIBLO ALOO NGMAMI KLƆUKLƆU Ɔ

⁹ “Ke nyɛ bu Yawɛ, nyɛ Mawu ɔ gbi tue, nɛ nyɛ ye mlaa amɛ nɛ e ngɛ nyɛ woe ɔ tsuo a nɔ ɔ, e maa pee nyɛ lɛ nitsɛ e ma, kaa bɔ nɛ e wo si ɔ.

Mose V, 28:9 ပူးပေါင်းရင်းမြစ်များ

Mose V, 7:6

Nyɛɛ pee ja, ejakaa Yawɛ, nyɛ Mawu ɔ hla nyɛ kɛ je nihi tsuo nɛ ngɛ je ɔ mi ɔ a kpɛti, bɔ nɛ pee nɛ nyɛɛ pee lɛ nitsɛ e ma pɔtɛɛ.

1 Petro 5:10

Se ke nyɛ na amanehlu be bɔɔ se ɔ, Mawu nɛ dlooɔ wɔ níhi tsuo ɔ, lɛ nitsɛ e maa pee nɔ́ tsuaa nɔ́ nɛ he hia ha nyɛ. E maa waje nyɛ; e maa wo nyɛ he wami, nɛ e ma ha nɛ nyɛ ma fi si kaa nyɛ le lɛ daa. Lɛ nɛ e tsɛ nyɛ, konɛ nyɛɛ kɛ lɛ ba hi e hɛ mi nyami nɛ ngɛ kɛ yaa neneene ɔ mi; ejakaa nyɛɛ kɛ Kristo ba pee kake.

Mose V, 13:17

Nyɛ ko ngɔ níhi nɛ a ma kpata a hɛ mi ɔ eko kɛ to ha nyɛ he. Kɛkɛ ɔ, Yawɛ mi mi nɛ fu nyɛ wawɛɛ ɔ nya maa ba si, nɛ e maa na nyɛ mɔbɔ. E maa na nyɛ mɔbɔ, nɛ e ma ha nyɛ he maa hiɛ babauu kaa bɔ nɛ e wo nyɛ nɛmɛ ɔmɛ si ɔ.

Tito 2:14

E ngɔ lɛ nitsɛ e he ngɔ ha ngɛ wa he. E kpɔ wɔ kɛ je yi wu tso níhi a peemi mi, nɛ e ngɔ wɔ ngɔ pee lɛ nitsɛ e ma klɔuklɔu, nihi nɛ a hɛ dɔɔ ngɛ nɔ́ kpakpa peemi he.

Yesaya 62:12

A ma tsɛ nyɛ ke, “Ma klɔuklɔu”, “Ma nɛ Yawɛ kpɔ mɛ.” A ma tsɛ Yerusalem ke, “Ma nɛ a ya hla nɛ a na”, “Ma nɛ Mawu kua we lɛ.”

Yeremia 11:5

Kɛkɛ ɔ, si ko nɛ i wo a nɛmɛ ɔmɛ kaa ma ha mɛ zugba kpakpa nɛ baa ní ɔ, ma ye nɔ. Jamɛ a zugba a nɔ a ngɛ amlɔ nɛ ɔ nɛ.” I he nɔ ke, “Yawɛ, ha nɛ e ba mi ja.”

Yesaya 1:26

Ma ha nyɛ ma nimeli, kɛ ga woli kpakpahi kaa nihi nɛ hi si blema a. Ke enɛ ɔ ba mi ɔ, a ma tsɛ Yerusalem ke ma nɛ a yeɔ dami sane kɛ anɔkuale ngɛ mi.”

La 87:5

A ma tsɛ Zion ke je ma amɛ tsuo a nyɛ, ejakaa Hiɔwe No ɔ nitsɛ maa to lɛ si.

2 Tesalonikabi 3:3

Se Nyɔmtsɛ ɔ yeɔ anɔkuale. E maa wo nyɛ he wami, nɛ e maa bu nyɛ he, nɛ dikalɔ ɔ be nyɛe maa pee nyɛ nɔ́ ko.

Mose V, 7:8

Suɔmi mohu Yawɛ suɔ nyɛ; nɛ kita nɛ e ka nyɛ nɛmɛ ɔmɛ ɔ, e suɔ kaa e maa ye nɔ. Enɛ ɔ he je nɛ Yawɛ kɛ kɔni si wami je nyɛ, nɛ e kpɔ̃ nyɛ kɛ je nyɔguɛ yemi mi kɛ je Egipt matsɛ ɔ dɛ mi ɔ nɛ.

Mose I, 17:7

“Si nɛ i wo mo nɛ ɔ maa pee neneene somi; ma ye nɔ ha mo kɛ yaa si yi nɔhi nɛ maa ba ngɛ o se ɔ a nɔ. Ma pee o Mawu kɛ o nina hu a Mawu.

Mose II, 15:26

E de mɛ ke, “Ke nyɛ maa bu Yawɛ, nyɛ Mawu ɔ tue, nɛ nyɛ maa pee nɔ́ nɛ da ngɛ e hɛ mi, nɛ nyɛ maa ye e kita amɛ, kɛ e mlaa amɛ tsuo a nɔ ɔ, lɛɛ hiɔ ɔmɛ nɛ i kɛ gbla Egipt bi ɔmɛ a tue ɔ, ekoeko be nyɛ nɔ bae. Imi ji Yawɛ; imi ji nyɛ tsalɔ.”