Mose V, 28:62 - BAIBLO ALOO NGMAMI KLƆUKLƆU Ɔ

⁶² E ngɛ mi kaa nyɛ ma ba fɔ babauu nɛ nyɛ he maa hiɛ kaa dodoehi ngɛ hiɔwe lɛɛ, se nyɛ ti nihi bɔɔ pɛ nɛ a yi ma na wami; ejakaa nyɛ bui Yawɛ, nyɛ Mawu ɔ gbi tue.

Mose V, 28:62 ပူးပေါင်းရင်းမြစ်များ

Matsɛmɛ II, 13:7

Siria matsɛ ɔ kpata Matsɛ Yehoahaz tabo ɔ hɛ mi, nɛ nɔ́ nɛ ɔ ha nɛ a he wami nɔ gbɔ. Matsɛ Yehoahaz ta buli tsuo nɛ piɛ ha lɛ ji okpɔngɔ ta buli nyingmi enuɔ, ta zugba lɛ nyɔngma, kɛ nane nyɛɛli akpe nyɔngma.

Matsɛmɛ II, 24:14

Nebukadnezar ngɔ Yerusalem ma mi bi ɔmɛ, ganɔ ɔmɛ, kɛ katsɛmɛ ɔmɛ tsuo nyɔguɛ kɛ je; mɛ tsuo pɛpɛɛpɛ a yibɔ ji akpe nyɔngma. E nuu ga ní tsuli, kɛ sɔli tsuo kɛ je; nimli gu ɔmɛ nɛ be nɔ́ ko mi ɔ pɛ ji ni nɛmɛ nɛ piɛ ngɛ Yuda.

Nehemia 7:4

Yerusalem ji ma ngua lɛɛ, se nihi nɛ ngɛ ma a mi ɔ, a he pi, nɛ a na we nɛ a ma wehi fuu ngɛ mi lolo.

Nehemia 9:23

O ha nɛ a bimɛ ɔmɛ hu a he hiɛ babauu kaa dodoehi ngɛ hiɔwe; nɛ zugba a nɛ o de a nɛmɛ ɔmɛ ke a ya ngɔ ɔ, o kpaka mɛ kɛ ya lejɛ ɔ.

Yesaya 1:9

Kaa Yawɛ Tabohiatsɛ ɔ ha we nɛ wa ti ni komɛ a yi nɛ na wami ɔ, wa ko pee kaa Sodom kɛ Gomora.

Yesaya 24:6

Lɔ ɔ he ɔ, Mawu gbiɛ zugba a. Ni ɔmɛ ngɛ nɔ́ nae ngɛ yayami nɛ a pee ɔ he. Nihi babauu a hɛ mi kpata; nihi bɔɔ pɛ lɛ piɛ.

Yesaya 6:11

I bi ke, “Nyɔmtsɛ, nɔ́ nɛ ɔ maa ya nɔ kɛ yaa si mɛni be?” E he nɔ ke, “Kɛ yaa su be nɛ ma amɛ a hɛ mi ma kpata, nɛ a maa pee ma dokuhi nɛ a be nɔ ko nɔ ko nae ngɛ we ɔmɛ a mi, nɛ zugba a nitsɛ hu nɔ maa je gu.

Yesaya 6:13

Ke nɔ kake pɛ nɛ maa piɛ ngɛ ni nyɔngma mi po, lɛ hu a ma kpata e hɛ mi; e maa pee kaa tso ngua ko nɛ a po, nɛ e piɛ tso kpɔ ɔ kɛkɛ.” (Tso kpɔ nɛ ɔ daa si ha Mawu ma he ɔ sisi jemi.)

Yeremia 42:2

ba, nɛ a ba de mi ke, “Wa kpa mo pɛɛ nɛ o pee nɔ́ nɛ wa ma bi mo ɔ ha wɔ! Kpa Yawɛ, wa Mawu ɔ pɛɛ ha waa kɛ nihi tsuo nɛ a yi na wami ɔ. Be ko ɔ, wa he hiɛ babauu, se piɔ lɛɛ wɔ nihi bɔɔ pɛ lɛ piɛ, kaa bɔ nɛ mo nitsɛ o ngɛ hyɛe ɔ.

Mose III, 26:22

Ma ngmɛɛ pu mi lohwe dikali a he ngɔ pue nyɛ nɔ, nɛ a maa gbe nyɛ bimɛ; a ma kpata nyɛ we mi lohwehi a hɛ mi, nɛ ma ha nyɛ nɔ ma gbɔ, nɛ nimli be hiɛe ngɛ blɔ ɔmɛ a nɔ hu.

Amos 5:3

Nyɔmtsɛ Mawu ke, “Ta buli akpe maa je Israel ma ko mi kɛ ya ta, se nihi lafa pɛ ji ni nɛmɛ nɛ maa kpale kɛ ba; ta buli lafa maa je ma kpa ko mi kɛ ya, se nihi nyɔngma pɛ lɛ maa kpale kɛ ba.”

Marko 13:20

Se Nyɔmtsɛ ɔ po ligbi ɔmɛ a nɔ; ke pi jã a, jinɛ a be nɔ ko nɔ ko yi wami hee. Nihi nɛ Mawu hla a a he ɔ, e po ligbi ɔmɛ a nɔ.

Mose V, 1:10

Yawɛ nyɛ Mawu ɔ ha nɛ amlɔ nɛ ɔ nyɛ he hiɛ babauu kaa dodoehi ngɛ hiɔwe.

Mose V, 1:11

Yawɛ, nyɛ nɛmɛ a Mawu ɔ ma ha nyɛ maa hiɛ pe bɔ nɛ nyɛ ngɛ nɛ ɔ si akpe abɔ; nɛ e maa gbaa nyɛ kaa bɔ nɛ e wo si ɔ.

Mose V, 10:22

Benɛ nyɛ nɛmɛ ɔmɛ yaa Egipt ɔ, mɛ nimli nyingmi kpaago pɛ nɛ a ho, se amlɔ nɛ ɔ, Yawɛ, nyɛ Mawu ɔ ha nyɛ he hiɛ babauu kaa dodoehi ngɛ hiɔwe.

Mose V, 4:27

Yawɛ maa gbɛ nyɛ ngɔ fĩa je ma kpa amɛ a mi, nɛ nyɛ ti nihi bɔɔ pɛ nɛ a yi ma na wami.