Mose V, 28:56 - BAIBLO ALOO NGMAMI KLƆUKLƆU Ɔ

^56-57 Yo odehe mi odehe nɛ na ní kpɔtɔɔ, nɛ e hia we lɛ kaa e nyɛɛ kɛ ya he ko po maa pee jã kɛ̃. Ke he nyɛli ɔmɛ ba sá ma a yi ɔ, lɛ hu e yi ma fi ngɛ niye ní blɔ fa mi; e maa ye bimwɔyo he nɛ lɛ nitsɛ e fɔ ɔ ngɛ laami mi, nɛ e maa ye fɔmi se ɔ hulɔ. Lɛ nɔ kake e maa laa maa ye, nɛ e be e huno nɛ e suɔ lɛ saminya a, loo e bimɛ ɔmɛ eko hae.

Mose V, 28:56 ပူးပေါင်းရင်းမြစ်များ

Mose V, 28:54

Ke a ba sá ma a yi kikɛ nɛ ɔ, nyumu nɛ ji odehe mi odehe nɛ mi mi jɔ po yi ma fi, nɛ e maa ye lɛ nitsɛ e bimɛ ɔmɛ ekomɛ; ejakaa e nɛ niye ní kpa ko. E be e nyɛminyumu, loo lɛ nitsɛ e yo nɛ e suɔ lɛ saminya, loo e bimɛ ɔmɛ nɛ piɛ ɔ lo ɔ eko hae.

Yesaya 3:16

Yawɛ ke, “Hyɛ bɔ nɛ Yerusalem yi ɔmɛ ngɛ a he tsɔɔe ha! Ke a ngɛ nyɛɛe ɔ, a woɔ a hɛ mi nɔ kɛ hii kɔɔhiɔ mi fue. Basabasa peemi pɛ a suɔ be tsuaa be. A hiaa a nane bitibiti kɛ kɔsɔɔ, nɛ a nane si ga amɛ hii pɛe ngmleingmlei.

Mateo 11:8

Mɛni nyɛ ho hyɛmi ya? Nɔmlɔ nɛ wo tade bɔdɔɔ lo? Hyɛ, ni nɛmɛ nɛ woɔ tade bɔdɔɔ ɔ, matsɛmɛ a we mi nɛ a hii.

Yesaya 47:1

Yawɛ ke, “Babilon, mo kple si kɛ je matsɛ sɛ ɔ nɔ! Ba hi si ngɛ zugba, ngɛ bunyuku mi! Be ko nɛ be ɔ, o ngɛ kaa yomiyo, se jehanɛ lɛɛ a be mo hɛɛ dɔdɔɔdɔ hu!

Yeremia 6:2

Zion ma, Yerusalem ɔ ngɛ fɛu kaa yiheyo saminyayoo ko. Se kɛ̃ ɔ, a ma kpata e hɛ mi.

Kɔmɔ Yemi 4:10

Ye ma a hɛ mi kpatami ɔ ngɛ gbeye. Binyɛmɛ nɛ suɔ a bimɛ kaa nɔ́ ko po, hoo mɛ nitsɛmɛ a bimɛ kaa niye ní nɛ a ye.