Mose V, 28:53 - BAIBLO ALOO NGMAMI KLƆUKLƆU Ɔ

⁵³ “Ke nyɛ he nyɛli ɔmɛ ngɛ nyɛ ma amɛ a yi sae, nɛ nyɛ yi fi, nɛ hwɔ bɔni nyɛ yemi wawɛɛ ɔ, nyɛ maa ye nyɛ nitsɛ nyɛ mi mi bimɛ nɛ ji nyɛ binyumu ɔmɛ, kɛ nyɛ biyi ɔmɛ nɛ Yawɛ, nyɛ Mawu ɔ ngɔ ha nyɛ ɔ a lo.

Mose V, 28:53 ပူးပေါင်းရင်းမြစ်များ

Kɔmɔ Yemi 4:10

Ye ma a hɛ mi kpatami ɔ ngɛ gbeye. Binyɛmɛ nɛ suɔ a bimɛ kaa nɔ́ ko po, hoo mɛ nitsɛmɛ a bimɛ kaa niye ní nɛ a ye.

Kɔmɔ Yemi 2:20

Yawɛ lee, hyɛ koo! Moo hyɛ nihi nɛ o ngɛ mɛ yi mi wae ɔ! Yihi ngɛ mɛ nitsɛmɛ a muklii mi bimɛ nɛ a suɔ ɔ yee! Mawu we ɔ nitsɛnitsɛ mi po a ngɛ osɔfohi, kɛ gbalihi gbee!

Yeremia 19:9

Ma ha nɛ he nyɛli ma ba sa ma a yi, nɛ a maa hao ma mi bi ɔmɛ wawɛɛ nitsɛ, hluu kɛ yaa si ni nɛmɛ nɛ ngɛ ma a mi ɔ ma bɔni mɛ nitsɛmɛ a he, kɛ a bimɛ nyumuhi kɛ yihi yemi.”

Mose III, 26:29

Hwɔ maa ye nyɛ wawɛɛ nitsɛ; nɛ e maa ba mi kaa nyɛ maa ye nyɛ nitsɛmɛ nyɛ bimɛ.

Ezekiel 5:10

Bɔ nɛ e maa ba ji kaa fɔli ngɛ Yerusalem maa ye mɛ nitsɛmɛ a bimɛ, nɛ bimɛ ɔmɛ hu maa ye a fɔli. Ma gbla o tue wawɛɛ; nɛ nihi nɛ a yi ma na wami ɔ, ma gbɛ mɛ ngɔ fĩa je ɔ mi tsuo.

Mateo 24:19

Jamɛ a be ɔ, yihi nɛ maa hɛɛ hɔ, kɛ ni nɛmɛ nɛ maa hi bi nyɔ hae ɔ, due ha mɛ!

Mose V, 28:18

“Yawɛ maa gbiɛ nyɛ bimɛ, nɛ a he be hiɛe. E maa gbiɛ nyɛ na amɛ, kɛ to ɔmɛ; a be bɔe, nɛ nyɛ zugba a hu ma gbo; nyɛ be nɔ́ kpakpa ko nae ngɛ mi.

Mose V, 28:54

Ke a ba sá ma a yi kikɛ nɛ ɔ, nyumu nɛ ji odehe mi odehe nɛ mi mi jɔ po yi ma fi, nɛ e maa ye lɛ nitsɛ e bimɛ ɔmɛ ekomɛ; ejakaa e nɛ niye ní kpa ko. E be e nyɛminyumu, loo lɛ nitsɛ e yo nɛ e suɔ lɛ saminya, loo e bimɛ ɔmɛ nɛ piɛ ɔ lo ɔ eko hae.