Mose V, 28:49 - BAIBLO ALOO NGMAMI KLƆUKLƆU Ɔ

⁴⁹ Yawɛ ma ha je ma ko nɛ nyɛ nui a gbi maa je zugba a nyagbe he ɔmɛ nɛ a kɛ nyɛ ba hwu. A ma ba tua nyɛ tlukaa kaa bɔ nɛ kɔle gblɔɔ nɔ́ ɔ.

Mose V, 28:49 ပူးပေါင်းရင်းမြစ်များ

Kɔmɔ Yemi 4:19

He nyɛli ɔmɛ nyɛɛ wa se kɛ fo. A he sɔɔ pe kɔlehi ngɛ kɔɔhiɔ mi. A nyɛɛ wa se kɛ gu yo ɔmɛ a nɔ, nɛ a wo wɔ ka ngɛ nga kplanaa a nɔ.

Yeremia 49:22

He nyɛlɔ ɔ ma ba tua Bozra tlukaa kaa kɔle nɛ gbɛ e pɛlihi a mi kɛ ma. Jamɛ a ligbi ɔ, Edom ta buli ɔmɛ maa nu sawale kaa yo nɛ nu kɔɔmi.”

Yeremia 48:40

Bɔ nɛ Yawɛ de to ji nɛ ɔ nɛ. E ke, “Je ma ko ma ba tua Moab tlukaa kaa kɔle nɛ gbɛ e pɛlihi a mi kɛ ma.

Hosea 8:1

Yawɛ ke, “Nyɛ kpa titimati! Ejakaa he nyɛli ma nɛ a ba tua ye zugba a kaa bɔ nɛ kɔle he sɔɔ kɛ saa nɔ́ ɔ. Somi nɛ i kɛ ye ma a so ɔ, a yi nɔ, nɛ a tɔ̃ ye mlaa amɛ hulɔ.

Ezekiel 17:3

nɛ o de mɛ ke bɔ nɛ imi Nyɔmtsɛ Yawɛ i ngɛ dee ji nɛ ɔ nɛ: Kɔle agbo ko hi si. E ngɛ pɛli agbohi, kɛ tsɛli pinopino nɛ hɛɛ asasa su. Ligbi ko ɔ, kɔle ɔ te kɛ ba Lebanon yo ɔmɛ a nɔ, nɛ e ba ma seda tso ko yi mi. E kplɔ tso ɔ he kɔnihi nɛ e je ɔ yi mi mlɔmlɔɔmlɔ ɔ.

Ezekiel 17:12

“Bi ma atuã tsɔli nɛ ɔmɛ ke a nu abɛ ɔ sisi lo. De mɛ ke Babilonia matsɛ ɔ ba Yerusalem, nɛ e ba nuu ma a mi matsɛ ɔ, kɛ ganɔ ɔmɛ tsuo kɛ ho Babilonia ya.

1 Korintobi 14:21

A ngma ngɛ Mose mlaa a mi ke, “Ma gu nihi nɛ tuɔ gbi slɔɔtohi a nɔ, Nɛ ma tu munyu kɛ tsɔɔ ye ma a; Nyɔmtsɛ ɔ lɛ de. Ma tu munyu kɛ gu nibwɔhi a nɔ, se kɛ̃ ye ma a be mi tue bue.”

Mateo 24:28

“He tsuaa he nɛ gbogboe fɔɔ si ngɛ ɔ, lejɛ ɔ okpokuhi ma bua a he nya ngɛ.

Daniel 9:26

Jeha lafa kɛ nyingmi etɛ kɛ eywiɛ se ɔ, a maa gbe hɛ mi nyɛɛlɔ ɔ nɛ Mawu hla a yaka gu. Lɔ ɔ se ɔ, ganɔ ngua ko ma ba tua Yerusalem, nɛ e tabo ɔ ma kpata ma a, kɛ Yawɛ we ɔ a hɛ mi. Nyagbe ɔ maa ba kaa nyu kpekpemi, nɛ ta kɛ hɛ mi kpatami nɛ Mawu de to ɔ maa nyɛɛ se.

Yeremia 4:13

Hyɛ, he nyɛli ɔmɛ ngɛ fo nɔ kɛ ma kaa bɔku. A ta zugba lɛ ɔmɛ hia kɛ ma kaa lasiogblee, nɛ a we okpɔngɔ ɔmɛ a he sɔɔ kulaa pe kɔlehi. Akuanyɛ! Wa yi ta pɛ!

Mose IV, 24:24

Lɛhi maa je Kipro wo nya kɛ ba, nɛ a maa hao Asiria, kɛ Eber. Nɛ mɛ nitsɛmɛ hu a hɛ mi ma kpata!”

Ezekiel 3:6

Ke ma nguahi nɛ tuɔ gbi kpahi nɛ wa, nɛ o nui a gbi ɔmɛ a ngɔ nɛ i ngɛ mo tsɔe ɔ, jinɛ mɛɛ lɛɛ a maa bu mo tue.

Mose I, 11:7

Nyɛ ha nɛ wa kple si nɛ wa ya tsaka a gbi ɔ; konɛ ke nɔ ko tu munyu ɔ, e nyɛmi nɛ ko nu sisi hu.”

La 81:5

Mawu wo Israel bi ɔmɛ mlaa nɛ ɔ, benɛ e ya puɛ ní ngɛ Egipt zugba a nɔ ɔ. I nu nɛ nɔ ko nɛ i li lɛ ngɛ dee ke,

Abɛ Womi 30:19

Kɔle nɛ ngɛ tee ngɛ kɔɔhiɔ mi kɛ bee; sinɔ nɛ ngɛ si sããe ngɛ tɛ sa nɔ, lɛ nɛ ngɛ nyɛɛe ngɛ wo nɔ, kɛ nyumu kɛ yo a bɔmi.

Yesaya 7:18

“Ke jamɛ a be ɔ su ɔ, Yawɛ ma kpa bɛ kɛ tsɛ Egipt kɛ Asiria bi ɔmɛ. Egipt bi ɔmɛ ma bu kɛ je pa amɛ a nya kɛ ba babauu kaa anunuhi, nɛ Asiria bi ɔmɛ hu maa je a zugba a nɔ ja nɔuu kaa hwo bihi.

Yesaya 33:19

Ma nɛ peeɔ nya puu, nɛ a tuɔ munyu nɛ nɔ ko nɔ ko nui sisi ɔ, nyɛ be mɛ nae hu.

Yesaya 39:3

Kɛkɛ nɛ gbalɔ Yesaya ba Matsɛ Hezekia ngɔ, nɛ e ba bi lɛ ke, “Nyumu ɔmɛ nɛ ba o ngɔ ɔ, jije a je, nɛ mɛni a ba de mo?” Hezekia he nɔ ke, “A je Babilonia zugba a nɔ, ngɛ tsitsaa lokoo.”

Ezekiel 11:9

Ma je nyɛ kɛ je ma a mi; nɛ ma ngɔ nyɛ kɛ wo nibwɔhi a dɛ mi. A kɛ klaate ma kpata nyɛ hɛ mi ngɛ nyɛ nitsɛmɛ nyɛ zugba nɔ,

Daniel 7:4

Kekleekle lohwe ɔ ngɛ kaa jata, se e pɛlihi lɛɛ a ngɛ kaa kɔle pɛlihi. Benɛ i ngɛ lɛ hyɛe kɛ mwɔɔ ɔ, a ba kplɔ e pɛli ɔmɛ ngɛ e he. Jehanɛ, a wo lohwe ɔ nɔ ngɛ zugba; a kɛ lɛ da si ngɛ e nanehi a nɔ kaa nɔmlɔ, nɛ a ha lɛ nɔmlɔ juɛmi.