Mose V, 28:45 - BAIBLO ALOO NGMAMI KLƆUKLƆU Ɔ

⁴⁵ “Haomi nɛ ɔmɛ tsuo maa ba nyɛ nɔ, nɛ e ma tsa nɔ jã kɛ̃ kɛ yaa su be nɛ nyɛ hɛ mi ma kpata pɛsɛpɛsɛ; ejakaa nyɛ bui Yawɛ, nyɛ Mawu ɔ gbi tue, nɛ nyɛ yi e mlaa amɛ tsuo nɛ i wo nyɛ ɔ a nɔ.

Mose V, 28:45 ပူးပေါင်းရင်းမြစ်များ

Mose V, 28:15

“Se ke nyɛ bui Yawɛ, nyɛ Mawu ɔ gbi tue, nɛ nyɛ yi e fami ɔmɛ, kɛ e mlaa amɛ tsuo nɛ i ngɛ nyɛ woe mwɔnɛ ɔ a nɔ pɛpɛɛpɛ ɔ, gbiɛmi nɛ ɔmɛ tsuo maa ba nyɛ nɔ.

Yesaya 1:20

Se ke nyɛ kpale we, nɛ nyɛ tsɔ atuã a, lɛɛ nyɛ ma gbo ngɛ klaate nya. Imi, Yawɛ, lɛ i de.”

Ezekiel 14:21

Bɔ nɛ Nyɔmtsɛ Yawɛ ngɛ dee ji nɛ ɔ nɛ: “Ma ha tue gblami nɛ nya wa eywiɛ nɛ ɔmɛ maa ba Yerusalem nɔ: ta, hwɔ, lohwe awi yeli, kɛ gbenɔ hiɔ. Nimlihi, kɛ lohwehi tsuo a hɛ mi ma kpata ngɛ lejɛ ɔ.

Ezekiel 7:15

A maa hia klaate kɛ nyɛɛ gbɛjegbɛ ɔmɛ a nɔ; nɛ gbenɔ hiɔ maa ba we ɔmɛ a mi. Nɔ nɛ ngɛ ta nga nɔ ɔ maa nɔ ngɛ ta a nya; nɔ nɛ ngɛ ma a mi ɔ, gbenɔ hiɔ, loo hwɔ ma kpata e hɛ mi.

Abɛ Womi 13:21

Haomi nyɛɛɔ yayami peeli a se. Se nihi nɛ peeɔ nɔ́ nɛ da lɛɛ a ma na hiɔwo kpakpa.

La 119:21

O kaa he woli a hɛ mi; á gbiɛ nihi nɛ tlaa blɔ kɛ jee o mlaa amɛ a he.

Matsɛmɛ II, 17:20

Yawɛ kua Israel nina amɛ tsuo. E ha nɛ a na amanehlu, nɛ e ngɔ mɛ kɛ wo ní hali a dɛ mi kɛ ya si e je e hɛ ngɛ a nɔ kulaa.

Mose V, 28:5

“Yawɛ maa gbaa nyɛ niba ní, kɛ niye ní nɛ nyɛ peeɔ kɛ jeɔ mi ɔ.

Mose III, 26:28

lɛɛ ye mi mi ma fu nyɛ, nɛ ma je nyɛ se. Imi nitsɛ ma gbla nyɛ tue kɛ bɔ he totoe kpaago ngɛ nyɛ he yayami ɔmɛ a he.

Mose I, 19:13

ejakaa wa yaa kpata ma a hɛ mi. Yawɛ nu ma nɛ ɔ mi a he sane yayamihi babauu nitsɛ, nɛ lɔ ɔ he ɔ, e tsɔ wɔ konɛ wa ba kpata Sodom hɛ mi.”

Mose V, 4:25

“Ke nyɛ se kɛ ngɛ zugba a nɔ, nɛ nyɛ ná bimɛ, kɛ bibimɛ ɔ, nyɛ ko pee yayami kaa nyɛ maa puɛ amaga ko nɛ ngɛ su ko kulaa ha nyɛ he. E ji yayami agbo ngɛ Yawɛ hɛ mi nɛ ma ha e mi mi maa wo la.

Mose V, 4:26

I tsɛ hiɔwe kɛ zugba odase kaa ke nyɛ bui mi tue ɔ, nyɛ hɛ mi ma kpata ngɛ zugba a nɔ. Lɛɛ zugba a nɛ nyɛ yaa ngɔ ngɛ Yordan pa a se ɔ, nyɛ se be kɛe ngɛ nɔ. A ma kpata nyɛ hɛ mi pɛsɛpɛsɛ.