Mose V, 28:38 - BAIBLO ALOO NGMAMI KLƆUKLƆU Ɔ

³⁸ “Nyɛ ma du ní babauu ngɛ nyɛ ngmɔ mi, se ní bɔɔ pɛ nyɛ ma kpa; ejakaa baalɛ maa ye nyɛ niba ní ɔmɛ.

Mose V, 28:38 ပူးပေါင်းရင်းမြစ်များ

Hagai 1:6

Nyɛ du ní gidiglɛmɛɛ, se nyɛ kpa bɔbɔyoo pɛ. Nyɛ yeɔ ni, se nyɛ tɔɛ gblee. Nyɛ nuɔ dã, se e sui nyɛ nya. Nyɛ ngɛ heha ní, se e ha we nɛ nyɛ he mi nɛ pee kulɔɔ. Nyɛ yeɔ apaa, nɛ a woɔ nyɛ hiɔ, se nyɛ kɛ woɔ kotoku nɛ sisi gu mi. Yawɛ Tabohiatsɛ ɔ ke, ‘Nyɛ na bɔ nɛ níhi ngɛ yae ha.’

Mika 6:15

Nyɛ ma du ní, se nyɛ be ní kpae. Nyɛ maa nga oliv yiblii kɛ pee nu, se nyɛ be nu kpae. Nyɛ maa pee wai, se nyɛ be nue.

Yoel 1:4

Baalɛ kuuhi babauu ba, ba puɛ ngmɔ niba ní tsuo: Kekleekle kuu ɔ ba poo ní, nɛ a kpe. Enyɔne ɔ ba kpe niba ní nɛ piɛ ɔ. Etɛne ɔ ba kpe kakaaka nɛ piɛ ngɛ se ɔ. Nyagbe kuu ɔ ba ye niba ní nɛ piɛ ngɛ sisi ɔ tsuo.

Amos 4:9

“I ha nɛ latsa kɛ gɔgɔ kpata nyɛ niba ní ɔmɛ a hɛ mi. Baalɛhi ye nɔ́ tsuaa nɔ́ ngɛ nyɛ ngmɔ ɔmɛ, kɛ nyɛ wai abɔɔ ɔmɛ a mi; ngmɔkɔ tso ɔmɛ, kɛ oliv tso ɔmɛ hu a kpe mɛ tsuo. Loloolo ɔ, nyɛ kpale we kɛ bɛ ye ngɔ.

Yoel 2:25

Ní nɛ baalɛ ɔmɛ ba ha nɛ a ye jeha babauu ɔ, ma ha nyɛ ekohu. Imi nitsɛ nɛ i je baalɛ slɔɔtoslɔɔtohi a ta nguaa nɛ ɔ kɛ wo nyɛ ɔ nɛ.

Yoel 2:3

A maa ye nɔ́ tsuaa nɔ́ pɛsɛpɛsɛ kaa bɔ nɛ la sãã nɔ́ ɔ. Ngɛ a hɛ kpɛ ɔ, zugba a maa hi kaa Eden ngmɔ ɔ mi pɛ; a se je ɔ maa pee zugba kplanaa. A be nɔ́ ko nɔ́ ko piɛe.

Yesaya 5:10

Wai ngmɔ nɛ na nyɔngma ma hu ligbi kake ɔ ma ha wai yiblii bɔbɔyoo pɛ; nɛ wuhi nɛ a du ngɛ ngmɔ kpa nyɔngma mi ɔ, kpa kake pɛ nɔ yiblii a ma na ngɛ ngmɔ ɔ tsuo mi. A ma hu gbajaa nɛ a ma du ní fuu, se yiblii bɔbɔyoo pɛ a ma na kɛ maa je a dengme gbomi ɔ mi.”

Mose II, 10:4

Ke o kplɛɛ we nɛ ye ma a nɛ ya a, lɛɛ hwɔɔmɛ a je hwɔɔ ɔ, ma ha baalɛhi maa ba o zugba a nɔ.

Mose V, 28:42

Baalɛ maa sɛ nyɛ tso ɔmɛ a mi, nɛ a ma puɛ niba ní ɔmɛ.

Matsɛmɛ I, 8:37

“Ke hwɔ, loo gbenɔ hiɔ, loo tsohi a he hiɔ, loo baalɛ ba zugba a nɔ, aloo ke he nyɛli ba sa o ma mi bi ɔmɛ a yi ngɔ wo a ma amɛ eko mi ɔ, haomi tsuaa haomi, aloo hiɔ tsuaa hiɔ nɛ ji ɔ,

Yeremia 12:13

Ye ma mi bi ɔmɛ du ngma, se a kpa mio mohu. A gbo dengme, se nɔ́ ko nɔ ko ji mi kɛ bɛ. A ngmɔ ɔmɛ bɛ ní, ejakaa ye mi mi fu mɛ wawɛɛ nitsɛ.”

Malaki 2:3

Ma gbla nyɛ bimɛ ɔmɛ a tue. Lohwehi nɛ nyɛɛ kɛ ba sãã bɔ ha mi ɔ, ma ngɔ a fĩ kɛ kpa nyɛ hɛ mi. Nɛ a maa ngɔ nyɛ kɛ ya pue kuku nɔ.

Hagai 1:9

“Nyɛ hyɛɛ blɔ kaa ke nyɛ kpa ní ɔ, nyɛ ma na babauu, se bɔbɔyoo pɛ nyɛ naa. Jehanɛ, ke nyɛ ngɔ kɛ ba we mi ɔ, kɛkɛ i ha nɛ e pee kɔɔhiɔ. Mɛni he je i ngɛ ja pee ɔ? Nyɛɛ hyɛ, be mi nɛ ye we ɔ ku kɛ pueɔ si ɔ, nyɛɛ lɛɛ nyɛ ti nɔ tsuaa nɔ ngɛ lɛ nitsɛ e we mae.