Mose V, 28:36 - BAIBLO ALOO NGMAMI KLƆUKLƆU Ɔ

³⁶ “Yawɛ maa ngɔ nyɛ, kɛ nyɛ matsɛ ɔ kɛ ya ma se he nɛ nyɛ li, he nɛ nyɛ nɛmɛ tete hí hyɛ; nyɛ ma ya sɔmɔ mawuhi nɛ a kɛ tso kɛ tɛ pee ngɛ lejɛ ɔ.

Mose V, 28:36 ပူးပေါင်းရင်းမြစ်များ

Yeremia 16:13

Enɛ ɔ he je ɔ, ma fie nyɛ kɛ je zugba nɛ ɔ nɔ kɛ ya zugba nɛ nyɛ, loo nyɛ nɛmɛ ɔmɛ po li nɔ. Nyɛ ma ya sɔmɔ mawu kpahi ngɛ lejɛ ɔ nyɔ kɛ pia, nɛ i be nyɛ mɔbɔ nae.’ ”

Matsɛmɛ II, 25:11

Ni nɛmɛ nɛ piɛ ngɛ ma a mi, kɛ ni nɛmɛ nɛ kú nigii kɛ ho Babilonia matsɛ ɔ ngɔ ya a, Nebuzaradan ngɔ mɛ tsuo kɛ ho Babilonia ya.

Mose V, 4:28

Nyɛ ma ya sɔmɔ mawuhi nɛ a kɛ nɔmlɔ adesa nine pee ngɛ lejɛ ɔ, mawuhi nɛ a kɛ tso pee, mawuhi nɛ a kɛ tɛ pee, mawuhi nɛ hyɛ we nɔ́, nɛ a nui nɔ́, kɛ mawuhi nɛ a yi ní, nɛ a nui nɔ́ he fu.

Kronika II, 36:20

Ni nɛmɛ nɛ a yi na wami ɔ, e muɔ mɛ kɛ ho Babilonia ya, nɛ a ya sɔmɔ lɛ, kɛ e nina hluu kɛ ya si be nɛ a to Persia matsɛ yemi ɔ sisi.

Kronika II, 36:6

Benɛ Yehoyakim ngɛ matsɛ yee ɔ, Babilonia matsɛ, Nebukadnezar hia ta ba tua Yuda, nɛ e nu Yehoyakim kɛ ho Babilonia ya, ngɛ pã mi.

Kronika II, 36:17

Enɛ ɔ he je ɔ, Yawɛ ngɔ Babilonia matsɛ ɔ kɛ ba tua mɛ. Babilonia matsɛ ɔ kɛ klaate gbe Yuda nihewi ɔmɛ ngɛ Yawɛ we ɔ mi po. E nɛ́ nɔ ko nɔ ko mɔbɔ, jokuɛyo jio, nɔkɔtɔma jio, yo jio, nyumu jio, hiɔtsɛ jio, nɔ nɛ ngɛ he wami jio. Mawu ngɔ mɛ tsuo pɛpɛɛpɛ ngɔ wo e dɛ mi.

Kronika II, 33:11

Enɛ ɔ he je ɔ, Yawɛ ha nɛ Asiria tabo ɔ asafoatsɛmɛ ɔmɛ ba tua Yuda. A kɛ gbowehi nu Manase nɛ a wo lɛ kɔsɔkɔsɔ, nɛ a ngɔ lɛ kɛ ho Babilon ya.

Mose V, 28:64

“Yawɛ maa gbɛ nyɛ ngɔ fĩa je ma amɛ tsuo a mi, kɛ maa je je ɔ nyagbe he kake kɛ maa ya nyagbe he kake, nɛ lejɛ ɔ nyɛ ma sɔmɔ mawuhi nɛ a kɛ tso kɛ tɛ pee, mawuhi nɛ nyɛ, loo nyɛ nɛmɛ ja we hyɛ.

Ezekiel 20:39

Nyɔmtsɛ Yawɛ ke, “Amlɔ nɛ ɔ lɛɛ, nyɛ Israel bi, nyɛɛ pee nɔ́ nɛ nyɛ suɔ; nɔ tsuaa nɔ nɛ ya sɔmɔ e we amagahi. Se pee se ɔ, nyɛ maa bu mi tue kɛ̃; nyɛ be nyɛ we amaga amɛ ngɔe kɛ ble ye biɛ klɔuklɔu ɔ hu.

Kɔmɔ Yemi 4:20

Wa matsɛ ɔ nɛ Yawɛ nitsɛ hla lɛ, nɛ woɔ wɔ he wami, nɛ wa ngɔ wa hɛ kɛ fɔ e nɔ kaa e ma ba kpɔ wɔ kɛ je he nyɛli ɔmɛ a dɛ mi ɔ sɛ a kpa mi, nɛ a nu lɛ.

Yesaya 39:7

A maa nuu mo nitsɛ o bimɛ ɔmɛ ekomɛ po kɛ ya Babilonia; a maa puɛ mɛ, nɛ a ma ya sɔmɔ ngɛ Babilonia matsɛ we ɔ mi.”

Mose V, 29:17

Nyɛ na a musu ní hiemi ní ɔmɛ, amagahi nɛ a kɛ tso, kɛ tɛ, kɛ sika hiɔ, kɛ sika tsu pee ɔ.

Kronika II, 36:1

Yuda ma a hla Yosia binyumu Yehoahaz, nɛ a pɔ lɛ nu, nɛ a wo lɛ matsɛ ngɛ Yerusalem.

Yeremia 15:14

Ma ha nɛ a ma sɔmɔ a he nyɛli ɔmɛ ngɛ zugba ko nɛ a li nɔ; ejakaa ye mi mi fumi ɔ ngɛ kaa la nɛ a slɛ, nɛ maa tso daa nɛ.”

Yeremia 39:1

Yuda matsɛ, Zedekia yi nɔ jeha nɛɛne ɔ we nyɔhiɔ nɛ ji nyɔngma a mi ɔ, Babilonia matsɛ, Nebukadnezar ngɔ e tabo ɔ tsuo kɛ ba Yerusalem, nɛ e ba sa ma a yi.

Ezekiel 11:9

Ma je nyɛ kɛ je ma a mi; nɛ ma ngɔ nyɛ kɛ wo nibwɔhi a dɛ mi. A kɛ klaate ma kpata nyɛ hɛ mi ngɛ nyɛ nitsɛmɛ nyɛ zugba nɔ,

Mose V, 4:27

Yawɛ maa gbɛ nyɛ ngɔ fĩa je ma kpa amɛ a mi, nɛ nyɛ ti nihi bɔɔ pɛ nɛ a yi ma na wami.

Samuel I, 12:25

Se ke nyɛ tsa nɔ pee yayami ɔ, lɛɛ e ma kpata nyɛɛ kɛ nyɛ matsɛ ɔ tsuo nyɛ hɛ mi.”

Matsɛmɛ II, 25:21

Babilonia matsɛ ɔ fia mɛ ní nɛ e gbe ngɛ Ribla, ngɛ Hamat zugba a nɔ. Bɔ nɛ a pee kɛ ngɔ Yuda bi ɔmɛ nyɔguɛ kɛ je a zugba a nɔ ji nɛ ɔ nɛ.

Yeremia 9:15

Lɔ ɔ he ɔ, nyɛɛ bu nɔ́ nɛ imi, Yawɛ Tabohiatsɛ, Israel Mawu ɔ, i to kaa ma pee ɔ tue: ma gbla ye ma mi bi ɔmɛ a tue. Ma ha mɛ agba nɛ a ye, kɛ duɔ nɛ a nu.

Kɔmɔ Yemi 2:9

Zu ha agbo ɔmɛ a nɔ; a ku a se lami ní ɔmɛ a mi dukuduku. A nuu matsɛmɛ ɔmɛ, kɛ ganɔ ɔmɛ kɛ ho ma se ya. Nɔ ko tsɔɔ we mlaa a hu. Yawɛ je we nina kɛ ha we gbali ɔmɛ hu.