Mose V, 28:32 - BAIBLO ALOO NGMAMI KLƆUKLƆU Ɔ

³² Nyɛ hɛ mi paa nɛ a maa ngɔ nyɛ binyumu ɔmɛ kɛ yi ɔmɛ kɛ ha ma je li. Daa ligbi ɔ, nyɛ maa hi nyɛ bimɛ blɔ hyɛe wawɛɛ kaa a maa kpale kɛ ba lo, se lɛ tsuo maa pee yaka.

Mose V, 28:32 ပူးပေါင်းရင်းမြစ်များ

Yoel 3:6

Nyɛ ngɔ Yuda kɛ Yerusalem bi ɔmɛ kɛ je a zugba nɔ kɛ ho ma se lokoo ya, nɛ nyɛ jua mɛ ngɔ ha Hela bi.

Mose V, 28:41

Nyɛ ma fɔ binyumuhi kɛ yihi lɛɛ, se a be nyɛ bimɛ pee; ejakaa a maa nuu mɛ nyɔguɛ ngɛ ta mi kɛ je.

Kronika II, 29:9

Wa nɛmɛ ɔmɛ nɔ ngɛ ta mi, nɛ wa yi ɔmɛ, kɛ wa bimɛ ɔmɛ lɛɛ a nuu mɛ nyɔguɛ kɛ je.

Mika 4:10

Nyɛ Yerusalem ma mi bi, nyɛɛ kɛ nyɛ he nɛ wuwlua si, nɛ nyɛ kɛmɛ kaa yo nɛ ngɛ kɔe. Ejakaa jehanɛ lɛɛ nyɛ maa je ma a mi kɛ ya hi nga nɔ. A maa ngɔ nyɛ kɛ ya Babilon tɔɔ. Se Yawɛ ma kpɔ nyɛ kɛ je nyɛ he nyɛli ɔmɛ a dɛ mi ngɛ lejɛ ɔ.

Amos 5:27

nɛ ma ngɔ nyɛ kaa nyɔguɛhi kɛ maa ya Damasko se tsitsaa a.” Yawɛ Tabohiatsɛ Mawu ɔ lɛ de.

Ezekiel 24:25

“Nɛ mo, nɔmlɔ adesa, jamɛ a ligbi ɔ nɛ ma kpɔ a he wami ɔ ngɛ a dɛ, nɛ a bua jɔmi, a hɛ mi nyami, kɛ afɛu nɔ́, kɛ nɔ́ nɛ a suɔ kɛ a tsui tsuo ɔ maa laa mɛ ɔ, a binyumuhi, kɛ a biyihi tsuo a hɛ mi ma kpata.

Kɔmɔ Yemi 5:17

Enɛ ɔ ha nɛ wa ngɛ wa tsui yee wawɛɛ, nɛ wa vo nyu ɔ ha we nɛ waa hyɛ nɔ́ kpakpa ko hu;

Kɔmɔ Yemi 4:17

Wa hyɛ yemi kɛ buami blɔ hluu kɛ ya si pɔ tɔ wa hɛngmɛ he, nɛ e ko hu bɛ. Wa mlɛ kaa je ma ko maa je ngmlaa ha wɔ lo, se lɛ tsuo pee yaka; nɔ ko nɔ ko bɛ nɛ e ba je ngmlaa ha wɔ.

Kɔmɔ Yemi 2:11

I fo ya hluu, nɛ ye hɛngmɛ tsuo fuu. I ngɛ he hiami mi wawɛɛ. Ye tsui ngɛ mi yee, ejakaa a ywia ye we bi ɔmɛ a ma a. Jokuɛwi kɛ bimwɔwi ngɛ hɛlie ngɛ gbɛjegbɛ ɔmɛ a nɔ ngɛ ma a mi.

Yesaya 38:14

Ye gbi mia, he wami ko be hu. I ngɛ kɛmɛe kaa beleku lahuɛ. I hyɛ hiɔwe hluu kɛ ya si pɔ tɔ ye hɛngmɛ he. Nyɔmtsɛ, i kpa mo pɛɛ, e fi mi; jé mi kɛ je haomi nɛ ɔ mi.

La 119:123

I hyɛ blɔ hluu kaa o ma ba he ye yi wami, kaa o maa ye o siwo ɔ nɔ; se jehanɛ ye hɛ se gbo.

La 119:82

Ye hɛngmɛ tlɔ blɔ; i hyɛ blɔ hluu kaa o maa ye o siwo ɔ nɔ lo. Lɔ ɔ he ɔ, i ngɛ bie ke, “Mɛni be po nɛ o ma ha ye bua maa jɔ?”

La 69:3

I kpa ngmlaa kɛ tsɛ balɔ hluu nɛ pɔ tɔ mi, nɛ ye kuɔ si kpɔ; i hyɛ blɔ hluu kɛ ya si ye hɛngmɛ se gbo.

Hiob 17:5

Nimeli ke, “Nɔ nɛ tsɔɔ e huɛmɛ a se blɔ, nɛ e nine suu a weto ní nɔ ɔ, e bimɛ a hɛngmɛ ma yu.”

Hiob 11:20

Se yayami peeli lɛɛ a maa na kaa a yi ta pɛ; he ko he ko be nɛ a maa tu fo kɛ ya. Nɔ́ nɛ blɔ nɛ a maa hyɛ kɛkɛ ji gbenɔ.

Mose V, 28:65

Nyɛ be tue mi jɔmi nae ngɛ he ko he ko; he ko be nɛ nyɛ ma tsɛ ke nyɛ nitsɛmɛ nyɛ nɔ́; Yawɛ ma ha nyɛ tsui maa hi poe; nyɛ hɛ kɛ nɔ fɔmi maa ta, nɛ nyɛ nine mi maa je wu.

Mose V, 28:18

“Yawɛ maa gbiɛ nyɛ bimɛ, nɛ a he be hiɛe. E maa gbiɛ nyɛ na amɛ, kɛ to ɔmɛ; a be bɔe, nɛ nyɛ zugba a hu ma gbo; nyɛ be nɔ́ kpakpa ko nae ngɛ mi.

Mose IV, 21:29

Moab bi, due ha nyɛ! Nyɛ Kemosh jali, nyɛ hɛ mi kpata! Nyɛ mawu ɔ ha nyɛ binyumu ɔmɛ pee ko bɔli; nɛ nyɛ biyi ɔmɛ hu pee Amor matsɛ, Sihon nyɔguɛhi.

Mose V, 28:31

A maa gbe nyɛ na ngɛ nyɛ hɛ mi paa, se nyɛ be e lo ɔ eko nae maa ye. Nyɛ hɛ mi paa nɛ a ma kpɔ̃ nyɛ tejihi pani nya kɛ je kɛ ho, nɛ a be kpalee kɛ ba ha nyɛ hu. A maa ngɔ nyɛ tohi kɛ ha nyɛ he nyɛli, nɛ nɔ ko nɔ ko be ngmlaa jee ha nyɛ.

Kɔmɔ Yemi 1:18

“Yawɛ nɔ́ da. Ejakaa imi lɛ i tsɔ atuã, nɛ i bui e munyu ɔ; se kɛ̃ ɔ, nyɛ nihi tsuo nyɛɛ bu mi tue, konɛ amanehlu nɛ ba ye nɔ nɛ ɔ, nyɛɛ na. A nuu ye nihewi ɔmɛ, kɛ yihewi ɔmɛ nyɔguɛ kɛ ho.

Mika 2:1

Musu tloo nihi nɛ soɔ yi wu tso níhi, nɛ a toɔ yayami peemi he ga nyɔ mi ngɛ sa mi. Ke je na nɛ a na he blɔ pɛ, a peeɔ yayami nɛ a to he ga a.

Hiob 31:8

lɛɛ níhi nɛ i du ɔ, ni kpahi nɛ a ba ye; aloo ní ɔmɛ a hɛ mi nɛ kpata.