Mose V, 28:31 - BAIBLO ALOO NGMAMI KLƆUKLƆU Ɔ

³¹ A maa gbe nyɛ na ngɛ nyɛ hɛ mi paa, se nyɛ be e lo ɔ eko nae maa ye. Nyɛ hɛ mi paa nɛ a ma kpɔ̃ nyɛ tejihi pani nya kɛ je kɛ ho, nɛ a be kpalee kɛ ba ha nyɛ hu. A maa ngɔ nyɛ tohi kɛ ha nyɛ he nyɛli, nɛ nɔ ko nɔ ko be ngmlaa jee ha nyɛ.

Mose V, 28:31 ပူးပေါင်းရင်းမြစ်များ

Manyadali 6:1

Israel bi ɔmɛ pee yayami kɛ si Yawɛ ekohu. Lɔ ɔ he ɔ, Yawɛ hu ngɔ mɛ kɛ wo Midian bi ɔmɛ a dɛ mi jeha kpaago.

Mose V, 28:30

“Nyɛ ma bi yo si, se nyumu kpa maa ngɔ lɛ; nyɛ maa ma tsu, se nyɛ be mi hie; nyɛ ma hu wai ngmɔ, se nyɛ be e mi wai yiblii ɔ eko yee.

Mose V, 28:32

Nyɛ hɛ mi paa nɛ a maa ngɔ nyɛ binyumu ɔmɛ kɛ yi ɔmɛ kɛ ha ma je li. Daa ligbi ɔ, nyɛ maa hi nyɛ bimɛ blɔ hyɛe wawɛɛ kaa a maa kpale kɛ ba lo, se lɛ tsuo maa pee yaka.

Manyadali 6:4

Ke a ba kikɛ nɛ ɔ, a ma kpata zugba a nɔ niba ní tsuo hɛ mi hluu kɛ yaa si Gaza tɔɔ. A maa nuu to ɔmɛ, na amɛ, kɛ teji ɔmɛ tsuo kɛ ho; nɛ a be nɔ́ ko sie ha Israel bi ɔmɛ nɛ a ye.

Hiob 20:28

Ligbi ɔ nɛ Mawu mi mi ma fu ɔ, a ma kpata nɔmlɔ nɛ ɔ weto ní tsuo hɛ mi kaa bɔ nɛ pa muɔɔ níhi kɛ yaa a.

Yesaya 62:8

Yawɛ ka e he kita, nɛ bɔ nɛ e ngɛ nɔ mi mae ngɛ dee ji, “Ye ma, i be o blɛfo ngɔe kɛ ha o he nyɛli nɛ a ye hu, nɛ o wai nɛ o gbo he dengme ɔ, nibwɔhi ba be nue hu.

Yeremia 5:17

A maa ye nyɛ ngmɔ niba ní ɔmɛ, kɛ nyɛ niye ní ɔmɛ tsuatsuaatsua; a maa gbe nyɛ binyumu ɔmɛ, kɛ nyɛ biyi ɔmɛ. A ma tsɔtslɔɔ nyɛ to ɔmɛ, kɛ nyɛ na amɛ, nɛ a ma kpata nyɛ wai, kɛ nyɛ ngmɔkɔ ɔmɛ a hɛ mi. Nyɛ mahi nɛ a fia gbogbo ngɔ wo a he, nɛ nyɛ ngɔ nyɛ hɛ kɛ fɔ a nɔ ɔ, he nyɛli ɔmɛ a tabo ɔmɛ ma kpata jamɛ a ma amɛ a hɛ mi.