Mose V, 28:29 - BAIBLO ALOO NGMAMI KLƆUKLƆU Ɔ

²⁹ Nyɛ maa hi si tataae piani katakata kaa nɔ nɛ hyɛ we nɔ́, nɛ nyɛ be blɔ nae. Nyɛ nɔ́ ko nɔ́ ko be nɔ yae? A maa wa nyɛ yi mi, nɛ a maa fia nyɛ ojo be tsuaa be; se nyɛ be nɔ ko nae nɛ maa je ngmlaa ha nyɛ.

Mose V, 28:29 ပူးပေါင်းရင်းမြစ်များ

Yesaya 59:10

nɛ wa tataa si kɛ yaa gbogbo he kaa hɛ yuyuili. Wa tɛɔ si piani katakata kaa nɔ nɛ nyɔ mi. Wa peeɔ kaa ni gbogboehi ngɛ hɛ ngmengmletsɛmɛ a kpɛti.

Hiob 5:14

Piani nɛ la ngɛ po, a hii si tataae kaa nɔ́ nɛ diblii mi lɛ a ngɛ nyɛɛe.

Manyadali 13:1

Israel bi ɔmɛ pee yayami kɛ si Yawɛ ekohu; nɛ Yawɛ ngɔ mɛ kɛ wo Filisti bi ɔmɛ a dɛ mi jeha nyingmi eywiɛ.

Manyadali 10:8

A hao Israel bi tsuo nɛ ngɛ Amor bi a zugba a nɔ, ngɛ Yordan pa a se, ngɛ Gilead ɔ wawɛɛ nitsɛ, nɛ a wa mɛ yi mi jeha nyɔngma kɛ kpaanyɔ sɔuu.

Manyadali 3:14

Nɛ Israel bi ɔmɛ sɔmɔ Moab matsɛ, Eglon jeha nyɔngma kɛ kpaanyɔ.

Romabi 11:25

Ye nyɛmimɛ, anɔkuale laami sane ko ngɛ nɛ i suɔ kaa nyɛɛ le, bɔ nɛ pee nɛ nyɛ ko susu kaa nyɛ hɛ mi lɛ tɛ̃. Sane ɔ ji kaa Israel bi ɔmɛ ɔ, pe a ha a wa tue be kuku kɛkɛ kɛ yaa si ma je li ɔmɛ tsuo ma ba le Mawu.

Ni Tsumi 21:24

O kɛ mɛ nɛ ya, nɛ kusumi nɛ a peeɔ kɛ tsukɔɔ nɔ he ɔ, nyɛ ya pee, nɛ o wo hiɔ ɔ ha mɛ, konɛ a sɛ a yi. Ke o pee ja a, nihi tsuo maa na kaa níhi nɛ a ba sɛɛ ngɛ o he ɔ be mi, se mohu mo nitsɛ po o yeɔ Mose mlaa a nɔ sisiisi.

Zefania 1:17

Yawɛ ke, “Jamɛ a ligbi ɔ, i kɛ haomi nɛ nya wa maa ba nimli adesahi a nɔ, nɛ a maa hi si tataae kɛ hi bee kaa hɛ yuyuili. A pee yayami kɛ si imi Yawɛ, lɔ ɔ he ɔ, a ma kpa a muɔ ngɔ pue si kaa nyu, nɛ a gbogboe ɔmɛ maa sa ngɛ zugba.”

Kɔmɔ Yemi 5:17

Enɛ ɔ ha nɛ wa ngɛ wa tsui yee wawɛɛ, nɛ wa vo nyu ɔ ha we nɛ waa hyɛ nɔ́ kpakpa ko hu;

Kɔmɔ Yemi 5:8

Nyɔguɛhi lɛ a ngɛ wa nɔ yee; nɛ nɔ ko nɔ ko be nɛ ma kpɔ wɔ kɛ je a dɛ mi.

Hiob 12:25

A hii dedee, nɛ a hii si tataae ngɛ diblii mi kaa nihi nɛ tɔ dã.

Nehemia 9:37

Zugba a baa ní babauu ha matsɛmɛ ɔmɛ nɛ a ngɔ to wa nya a mohu, se akɛnɛ wa pee yayami kɛ si mo ɔ, a pee wɔ nimli ɔmɛ, kɛ wa lohwe ɔmɛ yayami bɔ nɛ a suɔ, nɛ wa yi fi wawɛɛ nitsɛ!”

Mose I, 19:11

Lɔ ɔ se ɔ, a ha nɛ ni ɔmɛ nɛ daa si ngɛ sinya a nya a tsuo a hɛ yu, nɛ a nɛ tsu ɔ nya blɔ hu.

Mose II, 10:21

Yawɛ de Mose ke, “Wo o nine nɔ kɛ tsɔɔ hiɔwe, konɛ diblii kpii nɛ wo ngɛ Egipt zugba a nɔ.”

Mose V, 28:28

Yawɛ ma ha nyɛ maa fo godo, nyɛ hɛngmɛhi ma yu, nɛ nyɛ juɛmi maa pee basaa.

Yeremia 9:19

A wo yana ngɛ Zion, nɛ a ngɛ dee ke, “Wa yi ta oo, wa yi ta! Wa hɛ mi pue si pɛ! Nyɛ ha nɛ waa je wa zugba a nɔ, ejakaa a ku wa we ɔmɛ tsuo ngɔ pue si.”

Kɔmɔ Yemi 4:14

A hii nyɛɛe kɛ hii yae kɛ hii bae ngɛ gbɛjegbɛ ɔmɛ a nɔ kaa hɛ yuyuili. A kɛ muɔ ble a he, lɔ ɔ he ɔ, nɔ ko nɔ ko nyɛ we nɛ e ta a tade ɔmɛ a he.