Mose V, 28:27 - BAIBLO ALOO NGMAMI KLƆUKLƆU Ɔ

²⁷ Yawɛ ma ha tslɔɔ maa fuu nyɛ kaa bɔ nɛ e pee Egipt bi ɔmɛ ɔ. Nyɛ maa hia pa, nɛ sakpa kɛ ngmo nɛ be tsa ba ma pue nyɛ nɔ.

Mose V, 28:27 ပူးပေါင်းရင်းမြစ်များ

La 78:66

E wo e he nyɛli ɔmɛ fo kɛ ho kɛ zo; e bɔ mɛ ahlua kɛ yaa neneene.

Mose II, 15:26

E de mɛ ke, “Ke nyɛ maa bu Yawɛ, nyɛ Mawu ɔ tue, nɛ nyɛ maa pee nɔ́ nɛ da ngɛ e hɛ mi, nɛ nyɛ maa ye e kita amɛ, kɛ e mlaa amɛ tsuo a nɔ ɔ, lɛɛ hiɔ ɔmɛ nɛ i kɛ gbla Egipt bi ɔmɛ a tue ɔ, ekoeko be nyɛ nɔ bae. Imi ji Yawɛ; imi ji nyɛ tsalɔ.”

Mose II, 9:10

Kɛkɛ nɛ a ya je flɔɔnɔɔ mi la zu nɛ a kɛ ba Farao ɔ ngɔ. Mose fia la zu ɔ kɛ mane hiɔwe, nɛ e plɛ pee tslɔɔ nɛ pã ngɛ nimli, kɛ we mi lohwehi a he.

Mose II, 9:11

Tslɔɔ ɔ he je ɔ, wɔnɔ ɔmɛ nyɛ we Mose hɛ mi nɛ a da; ejakaa tslɔɔ ɔ fuu wɔnɔ ɔmɛ kɛ Egipt bi ɔmɛ tsuo kulaa.

Mose II, 9:9

nɛ e maa pee kaa ahlabata bunyuku ngɛ Egipt kɔɔhiɔ mi tsuo. Nɛ enɛ ɔ ma plɛ tslɔɔ nɛ sa, nɛ e ngɛ pãe ngɛ nimli, kɛ we mi lohwehi tsuo a he.”

Yesaya 3:17

Lɔ ɔ he ɔ, ma gbla a tue. Ma ha sakpa ma pue a yi mi, nɛ a maa sɛ a yi ɔ kpalokpalo.”

Mose III, 21:20

kpotsɛ jio, akɔtia jio, nɔ nɛ hɛngmɛ hiɔ ngɛ e he jio, nɔ nɛ he womi nɔ hiɔ yaya ngɛ e he jio, nɔ nɛ sungmɛ mi wu ywia jio.

Amos 4:10

“I ha nɛ gbenɔ hiɔ ba sɛ nyɛ kpɛti kaa nɔ́ nɛ i kɛ ba Egipt zugba a nɔ be ko ɔ. I ha nɛ nyɛ nihewi ɔmɛ gbo ngɛ ta mi, nɛ nyɛ he nyɛli ɔmɛ ha nyɛ ta okpɔngɔ ɔmɛ. I ha nɛ nyɛ ni gbogboe ɔmɛ je fu wo nyɛ ngɛ nyɛ sito he ɔ. Se loloolo ɔ, nyɛ kpale we kɛ bɛ ye ngɔ.

Mose V, 28:28

Yawɛ ma ha nyɛ maa fo godo, nyɛ hɛngmɛhi ma yu, nɛ nyɛ juɛmi maa pee basaa.

Mose V, 28:35

Yawɛ ma ha nyɛ maa hia pa yeyee nɛ be tsa ba ngɛ nyɛ nane he. Tslɔɔ maa fuu nyɛ kɛ je nyɛ yi mi kɛ ya si nyɛ nane si.

Mose V, 7:15

Yawɛ be hae nɛ hiɔ nɛ nu nyɛ; nɛ Egipt hiɔ yaya amɛ nɛ nyɛ le ɔ ekoeko be nyɛ he sae; nyɛ he nyɛli mohu lɛ a maa nu hiɔ yaya nɛ ɔmɛ.

Samuel I, 5:12

Ni nɛmɛ nɛ gbo we ɔ po, tslɔɔ fuu mɛ; nɛ ma a kpa bubuubui kɛ ba yemi kɛ buami ngɛ a wɔ ɔmɛ a dɛ mi.

Samuel I, 5:6

Yawɛ gbla Ashdod bi ɔmɛ a tue wawɛɛ nitsɛ, nɛ e kɛ tslɔɔ kpata a kɛ a huza a nɔ bi ɔmɛ tsuo a hɛ mi.

Samuel I, 5:9

Se benɛ daka a ya su Gat ɔ, Yawɛ gbla ma a tue. E ha tslɔɔ fuu ma mi bi ɔmɛ tsuo, jokuɛwi kɛ nikɔtɔmahi; nɛ sawale nu nɔ tsuaa nɔ.