Mose V, 28:26 - BAIBLO ALOO NGMAMI KLƆUKLƆU Ɔ

²⁶ Ke nyɛ gbo ɔ, lohwe pɛlitsɛmɛ ma ba ye nyɛ, nɛ a be nɔ ko nae nɛ maa fie mɛ ngɛ nyɛ gbogboe ɔ he.

Mose V, 28:26 ပူးပေါင်းရင်းမြစ်များ

Yeremia 34:20

Ma je mɛ kɛ wo a he nyɛli, kɛ ni nɛmɛ nɛ ngɛ mɛ hlae nɛ a gbe ɔ, a dɛ mi. A gbogboe ɔmɛ maa pee lohwe pɛlitsɛmɛ, kɛ pu mi lohwehi a niye ní.

Yeremia 16:4

Hiɔ yaya maa gbe mɛ. Nɔ ko be kɔmɔ yee ha mɛ, nɛ nɔ ko be mɛ pue hulɔ; a gbogboe ɔmɛ maa pee kaa kuku ngɛ zugba. Ni komɛ maa nɔ ta, nɛ hwɔ hu maa gbe ni komɛ, nɛ a nɔmlɔ tso ɔmɛ ma plɛ pee niye ní ha lohwe pɛlitsɛmɛ, kɛ pu mi lohwehi.

Yeremia 7:33

Ni gbogboe ɔmɛ maa pee lohwe pɛlitsɛmɛ, kɛ nga mi lohwehi a niye ní, nɛ nɔ ko nɔ ko be mɛ fiee.

Yeremia 19:7

Ma ha nɛ yi mi nɛ Yuda ma a, kɛ Yerusalem ma mi bi ɔmɛ to ɔ maa pee yaka ngɛ hiɛmɛ nɛ ɔ. Ma ha a he nyɛli maa ye a nɔ ngɛ ta mi, nɛ a maa gbe mɛ; nɛ ma ngɔ a gbogboe ɔmɛ kɛ ha lohwe pɛlitsɛmɛ, kɛ pu mi lohwehi nɛ a ye.

Yeremia 8:1

“Jamɛ a be ɔ mi ɔ, a maa tsua Yuda matsɛmɛ ɔmɛ, ganɔ ɔmɛ, osɔfo ɔmɛ, gbali ɔmɛ, kɛ ni kpa amɛ nɛ hi Yerusalem ɔ a wuhi ngɛ yɔkɔ ɔmɛ a mi.

Yesaya 34:3

A be ni nɛmɛ nɛ nɔ ɔ pue; a ma sake a gbogboe ɔmɛ kɛ pue he kɛ a he fu gbɛ̃ɛ̃; nɛ yo ɔmɛ a nɔ maa pee tsutsuutsu kɛ a muɔ ɔ sɔuu.

Abɛ Womi 30:17

Nɔ nɛ gbeɔ e tsɛ he guɛ, nɛ e bui e nyɛ ɔ, kuakualabitehi nɛ ngɛ kɔ̃ ɔ mi ma ta e hɛngmɛ, nɛ okpokuhi maa ye lɛ.

Yeremia 15:3

Imi Yawɛ, i to kaa haomihi nɛ a nya wa eywiɛ maa ba a nɔ; ni komɛ ma gbo ngɛ ta mi; gbehi ma tsɔtslɔɔ ni komɛ; lohwe pɛlitsɛmɛ maa ye ni komɛ, nɛ ni komɛ lɛɛ pu mi lohwehi maa ye mɛ.