Mose V, 28:25 - BAIBLO ALOO NGMAMI KLƆUKLƆU Ɔ

²⁵ “Yawɛ ma ha nyɛ he nyɛli ɔmɛ maa ye nyɛ nɔ. Nyɛ maa gu he kake kɛ ya tua mɛ, se a maa gbɛ nyɛ ngɔ fĩa basaa, nɛ zugba a nɔ matsɛ yemi ɔmɛ tsuo maa ye gbeye ngɛ nɔ́ nɛ ba nyɛ nɔ ɔ he.

Mose V, 28:25 ပူးပေါင်းရင်းမြစ်များ

Ezekiel 23:46

Bɔ nɛ Yawɛ ngɛ dee ji nɛ ɔ nɛ: “Ma ha yakayaka nimli babauu ma ba wo a he gbeye, nɛ a maa ha a níhi.

Yesaya 30:17

Nyɛ he nyɛli ɔmɛ a ta bulɔ kake too maa wo nyɛ ta buli akpe fo; nɛ a nihi enuɔ pɛ maa wo nyɛ tsuo fo. Nyɛ tabo ɔ tsuo ma wo fo, nɛ nɔ́ nɛ maa piɛ ngɛ se ji aflangaa tso nɛ maa si ngɛ yoku yi mi!

Yeremia 24:9

Ma ngɔ haomi nɛ nya wa wawɛɛ nitsɛ kɛ ba a nɔ, nɛ nɔ́ nɛ ɔ ma ha nɛ je ma amɛ tsuo maa nu sawale. A maa ye a he fɛu, a maa bɔ mɛ ahlua, nɛ a maa wo mɛ la ngɛ he tsuaa he nɛ ma fie mɛ kɛ ya a.

Mose V, 28:7

“Yawɛ maa ye nyɛ he nyɛli ɔmɛ tsuo nɛ maa te si kɛ wo nyɛ ɔ a nɔ. Ke a gu he kake kɛ ba tua nyɛ ɔ, a maa gu he slɔɔto kpaago kɛ gbɛ fĩa.

Mose V, 32:30

Kɛ pee kɛɛ nɛ nɔ kake maa fie nihi akpe? Kɛ pee kɛɛ nɛ nihi enyɔ pɛ maa wo nihi akpe nyɔngma fo? Yawɛ, a Mawu ɔ kua mɛ; a Mawu ngua a ngmɛɛ a he.

Mose III, 26:17

Ye hɛ maa dɔ kɛ wo nyɛ, nɛ nyɛ he nyɛli ɔmɛ maa fia nyɛ ní nɛ a gbe; a maa ye nyɛ nɔ wawɛɛ, nɛ ke nɔ ko nyɛɛ we nyɛ se po nyɛ maa hi fo nɔ pulɛpulɛ.

Luka 21:24

A kɛ klaate maa gbe ni komɛ. A maa nuu ni komɛ hu nyɔguɛ kɛ ya je ma amɛ tsuo a mi, nɛ ma je li ɔmɛ maa ngɔ Yerusalem, nɛ a maa ye ma a nɔ hluu kɛ yaa si mɛ hu a be maa su.

Yeremia 34:17

Enɛ ɔ he je ɔ, imi Yawɛ, i ngɛ nyɛ dee ke nyɛ gbo tue; nyɛ ha we nɛ nyɛ nyɛmimɛ, Israel fɔfɔɛ ɔmɛ nɛ a ye a he. Saminya! Imi lɛɛ ma ha nɛ nyɛɛ lɛɛ nyɛ maa ye nyɛ he mɔ! Ma ngmɛɛ nyɛ he kɛ wo gbenɔ dɛ mi, nɛ ta, hiɔ, kɛ hwɔ maa gbe nyɛ. Nɛ ma ha nɛ a gbɛ nyɛ ngɔ fĩa je ma amɛ tsuo a mi.

Yeremia 29:18

I kɛ ta, hwɔ, kɛ gbenɔ hiɔ maa nyɛɛ a se; nɛ nɔ́ nɛ ɔ ma ha nɛ je ma amɛ tsuo maa nu sawale. A maa ye a he fɛu, nɛ a maa bɔ mɛ ahlua ngɛ he tsuaa he nɛ ma fie mɛ kɛ ya.

Yoshua 7:4

Lɔ ɔ he ɔ, nihi maa pee akpe etɛ ho ya tua Ai ma a; se a nyɛ we nya nɛ a da.

Manyadali 2:14

Yawɛ mi mi fu Israel; nɛ e ngmɛɛ a he ngɔ ha ní hali, nɛ a ha a níhi. E je a he gbi ngɔ ha a he nyɛli nɛ bɔle mɛ ɔ; nɛ a nyɛ we a he nyɛli ɔmɛ a hɛ mi nɛ a da hu.

Samuel I, 4:10

Filisti bi ɔmɛ hwu ta wawɛɛ, nɛ a ye Israel nɔ. Israel ta a gbɛ, nɛ nɔ tsuaa nɔ tu fo kɛ ho e we mi ya. A gbe nihi babauu nitsɛ, nɛ Israel ta buli akpe nyingmi etɛ sɔuu gbo.

Matsɛmɛ I, 8:33

“Ke o ma, Israel a he nyɛli ba ye a nɔ ngɛ yayami ko nɛ a pee kɛ si mo he, nɛ a pia a he, nɛ a ba we nɛ ɔ mi ba kpa mo pɛɛ kɛ he si bami ɔ,

Kronika II, 28:8

Israel bi ɔmɛ nuu a nyɛmimɛ Yuda bi ɔmɛ a ti nihi akpe lafa enyɔ nɛ ji yihi kɛ jokuɛwi sɔuu nyɔguɛ, nɛ a kɛ mɛ ho Samaria ya. A muɔ ta yibu ní babauu hu kɛ ho.

Kronika II, 29:8

Enɛ ɔ he je ɔ, Yawɛ mi mi fu Yuda kɛ Yerusalem, nɛ nɔ́ nɛ e pee mɛ ɔ ha nɛ nɔ tsuaa nɔ he mi po, nɛ a ye gbeye. Nyɛ nitsɛmɛ nyɛ na nɔ́ nɛ ɔ kɛ nyɛ hɛngmɛ.

Yeremia 19:7

Ma ha nɛ yi mi nɛ Yuda ma a, kɛ Yerusalem ma mi bi ɔmɛ to ɔ maa pee yaka ngɛ hiɛmɛ nɛ ɔ. Ma ha a he nyɛli maa ye a nɔ ngɛ ta mi, nɛ a maa gbe mɛ; nɛ ma ngɔ a gbogboe ɔmɛ kɛ ha lohwe pɛlitsɛmɛ, kɛ pu mi lohwehi nɛ a ye.

Kronika II, 6:24

“Ke o ma Israel he nyɛli ba ye a nɔ ngɛ yayami ko nɛ a pee kɛ si mo ɔ he, nɛ a pia a he, nɛ a ba we nɛ ɔ mi nɛ a ba kpa mo pɛɛ kɛ he si bami ɔ,

Hosea 8:3

Se nɔ́ kpakpa a lɛɛ a sake ngɔ fɔ he. Enɛ ɔ he ɔ, a he nyɛli maa hia ta kɛ nyɛɛ a se.