Mose V, 28:21 - BAIBLO ALOO NGMAMI KLƆUKLƆU Ɔ

²¹ Yawɛ ma ha hiɔ nɛ gbee nɔ maa ba nyɛ nɔ nɔtonɔto kɛ yaa si e ma kpata nɔ tsuaa nɔ hɛ mi ngɛ zugba a nɛ nyɛ yaa ngɔ ɔ nɔ.

Mose V, 28:21 ပူးပေါင်းရင်းမြစ်များ

Mose III, 26:25

Ma ha ta ma ba tua nyɛ; ma ngɔ ta a kɛ gbla nyɛ tue. Ke nyɛ bua nyɛ he nya kɛ laa nyɛ he ngɛ ma amɛ a mi ɔ, ma ha hiɔ nɛ be tsa ba maa sɛ nyɛ kpɛti; ma ngɔ nyɛ ngɔ wo nyɛ he nyɛli ɔmɛ a dɛ mi.

Yeremia 24:10

Ma ha nɛ ta, hwɔ, kɛ gbenɔ hiɔ ma ba sɛ a kpɛti kɛ yaa si a ma kpata a hɛ mi pɛsɛpɛsɛ, nɛ a ti nɔ kake ngmelu po be piɛe ngɛ zugba nɛ i ngɔ ha a kɛ a nɛmɛ ɔ nɔ.”

Yeremia 15:2

Ke a bi mo ke jije a maa ya a, de mɛ ke bɔ nɛ imi Yawɛ, i de ji nɛ ɔ nɛ: Nihi nɛ hiɔ maa gbe ɔ, ha nɛ hiɔ nɛ gbe mɛ! Ni nɛmɛ nɛ maa nɔ ta a, ha nɛ a nɔ ta! Nihi nɛ hwɔ maa gbe ɔ ha nɛ hwɔ nɛ gbe mɛ! Ni nɛmɛ hu nɛ a maa nuu nyɔguɛ ɔ, ha nɛ a nuu mɛ nyɔguɛ kɛ ho!

Mose IV, 14:12

Ma ngɔ gbenɔ hiɔ kɛ fɔ a nɔ, nɛ ma kpata a hɛ mi. Se moo lɛɛ ma pee mo ma nguaa; ma nɛ kle pe mɛ, nɛ he wa pe mɛ hulɔ.”

Yeremia 16:4

Hiɔ yaya maa gbe mɛ. Nɔ ko be kɔmɔ yee ha mɛ, nɛ nɔ ko be mɛ pue hulɔ; a gbogboe ɔmɛ maa pee kaa kuku ngɛ zugba. Ni komɛ maa nɔ ta, nɛ hwɔ hu maa gbe ni komɛ, nɛ a nɔmlɔ tso ɔmɛ ma plɛ pee niye ní ha lohwe pɛlitsɛmɛ, kɛ pu mi lohwehi.

Samuel II, 24:15

Lɔ ɔ he ɔ, Yawɛ ha gbenɔ hiɔ ba Israel kɛ je mɔtu kɛ ya si be nɛ a to ɔ; nɛ kɛ je Dan hluu kɛ ya si Beersheba a, nimli akpe nyingmi kpaago sɔuu gbo.

Mose IV, 25:9

Se kɛ̃ nimli nɛ gbenɔ hiɔ ɔ gbe ɔ, a hiɛmi ji akpe nyingmi enyɔ kɛ eywiɛ.

Mose II, 5:3

A ha lɛ heto ke, “Hebri bi ɔmɛ a Mawu ɔ ba je e he kpo ngɔ tsɔɔ wɔ. Lɔ ɔ he ɔ, wa kpa mo pɛɛ, mo ha nɛ waa nyɛɛ ligbi etɛ blɔ kɛ ya nga a nɔ nɛ wa ya sã bɔ ha Yawɛ, wa Mawu ɔ. Ke wa pee we ja a, e kɛ gbenɔ hiɔ maa gbe wɔ, loo e ma ha nɛ a gbe wɔ ngɛ ta mi.”

Mateo 26:7

Benɛ Yesu ngɛ ní yee ɔ, yo ko hɛɛ alabastro tɔ kɛ e mi nu kɛ e he via nɛ he jua wa kɛ ba e ngɔ. Nɛ e plɛ nu ɔ kɛ pue Yesu yi mi.

Matsɛmɛ I, 8:37

“Ke hwɔ, loo gbenɔ hiɔ, loo tsohi a he hiɔ, loo baalɛ ba zugba a nɔ, aloo ke he nyɛli ba sa o ma mi bi ɔmɛ a yi ngɔ wo a ma amɛ eko mi ɔ, haomi tsuaa haomi, aloo hiɔ tsuaa hiɔ nɛ ji ɔ,

Amos 4:10

“I ha nɛ gbenɔ hiɔ ba sɛ nyɛ kpɛti kaa nɔ́ nɛ i kɛ ba Egipt zugba a nɔ be ko ɔ. I ha nɛ nyɛ nihewi ɔmɛ gbo ngɛ ta mi, nɛ nyɛ he nyɛli ɔmɛ ha nyɛ ta okpɔngɔ ɔmɛ. I ha nɛ nyɛ ni gbogboe ɔmɛ je fu wo nyɛ ngɛ nyɛ sito he ɔ. Se loloolo ɔ, nyɛ kpale we kɛ bɛ ye ngɔ.

Zakaria 14:12

Nihi nɛ ma je ta kɛ wo Yerusalem ɔ, nɔ́ nɛ Yawɛ maa pee mɛ ji nɛ ɔ nɛ: be mi nɛ a ngɛ a nane nya a, a he lo ma pɔtɔ; a hɛngmɛ ma pɔtɔ ngɛ to puɔ mi, nɛ a lilɛ ma pɔtɔ ngɛ a nya mi.