Mose V, 28:16 - BAIBLO ALOO NGMAMI KLƆUKLƆU Ɔ

¹⁶ “Yawɛ maa gbiɛ nyɛ ma amɛ, kɛ nyɛ ngmɔ ɔmɛ.

Mose V, 28:16 ပူးပေါင်းရင်းမြစ်များ

Malaki 2:2

nyɛɛ pee nɔ́ nɛ da nɛ nyɛ kɛ wo ye hɛ mi nyami. Ke nyɛ bui nɔ́ nɛ i ngɛ nyɛ dee ɔ tue ɔ, ma gbiɛ nyɛ; nɛ gbaami nɛ i ko gbaa nyɛ ɔ ma plɛ pee tue gblami mohu. Niinɛ, i gbiɛ nyɛ momo, ejakaa nyɛ yi ye mlaa amɛ a nɔ bɔ nɛ sa.

Yoel 2:3

A maa ye nɔ́ tsuaa nɔ́ pɛsɛpɛsɛ kaa bɔ nɛ la sãã nɔ́ ɔ. Ngɛ a hɛ kpɛ ɔ, zugba a maa hi kaa Eden ngmɔ ɔ mi pɛ; a se je ɔ maa pee zugba kplanaa. A be nɔ́ ko nɔ́ ko piɛe.

Yoel 1:4

Baalɛ kuuhi babauu ba, ba puɛ ngmɔ niba ní tsuo: Kekleekle kuu ɔ ba poo ní, nɛ a kpe. Enyɔne ɔ ba kpe niba ní nɛ piɛ ɔ. Etɛne ɔ ba kpe kakaaka nɛ piɛ ngɛ se ɔ. Nyagbe kuu ɔ ba ye niba ní nɛ piɛ ngɛ sisi ɔ tsuo.

Yeremia 44:22

Mwɔnɛ ligbi nɛ ɔ, nyɛ zugba a hɛ mi kpata, nɛ nɔ ko nɔ ko be nɔ. Nyɛ zugba a plɛ pee nɔ́ ko nɛ a hiee, nɛ nihi kɛ e biɛ gbiɛɛ nɔ; ejakaa nyɛ yi wu tso ní peemi ɔmɛ, kɛ nyɛ yayami ɔmɛ ba ti Yawɛ.

Yeremia 14:18

Ke i je kpo kɛ ya nga nɔ ɔ, i naa nihi nɛ a gbe mɛ ngɛ ta mi ngɔ pue si. Ke i ya ma amɛ a mi hu i naa nihi nɛ hwɔ gbe mɛ ngɔ pue si. Se gbali ɔmɛ, kɛ osɔfo ɔmɛ lɛɛ kpami kɛkɛ a hii kpae ngɛ zugba nɛ a li nɔ.”

Abɛ Womi 3:33

Yawɛ gbiɛmi ngɛ yiwutsotsɛmɛ a wehi a nɔ, se nihi nɛ peeɔ nɔ́ nɛ da a, mɛɛ a hi he ɔ, gbaami sɔuu.

Malaki 4:6

Lɛ nɛ e maa dɔ tsɛmɛ a tsui kɛ ba a bimɛ a he, nɛ bimɛ hu a tsui maa ba a tsɛmɛ a he; nɛ e maa pee mɛ kake ekohu. Ke pi ja a, ma ba, nɛ ma ba kpata nyɛ zugba a hɛ mi.” Yawɛ Tabohiatsɛ ɔ lɛ de.

Kɔmɔ Yemi 5:10

Hwɔ nɛ nya wa ha nɛ wa he womi kota kaa nɔ́ nɛ flɔɔnɔɔ la nɛ sã wɔ.

Kɔmɔ Yemi 1:1

Yerusalem, ma nɛ sa be ko ɔ, nihi babauu ngɛ mi ɔ, hyɛ bɔ nɛ e mi je gu kɛ fɔɔ si ha! Be ko nɛ be ɔ, je ma amɛ buu lɛ ma nguaa, se jehanɛ lɛɛ e ngɛ kaa yalɔyo. Ma nɛ ngɛ kaa matsɛ biyo ngɛ je ma amɛ tsuo a kpɛti ɔ ba plɛ pee je ma amɛ a nyɔguɛ.

Yeremia 26:6

Lɔ ɔ he ɔ, i ngɛ nyɛ dee ke, ke nyɛ wa tue kɛ mwɔɔ ɔ, lɛɛ ma pee we nɛ ɔ kaa bɔ nɛ i pee Shilo ɔ. Nɛ ma ha nɛ ma nɛ ɔ ma plɛ pee gbiɛmi nɔ́ ko kɛ ha je ma amɛ tsuo.”

Yeremia 9:11

Yawɛ ke, “Ma pee Yerusalem ma doku, kɛ nga mi gbehi a hi he. Yuda ma amɛ maa pee ma dokuhi, nɛ nɔ ko nɔ ko be a mi hie.”

Yesaya 43:28

nɛ nyɛ ganɔ ɔmɛ hu ble ye he klɔuklɔu ɔ; lɔ ɔ he ɔ, i ha a kpata Israel hɛ mi; i ha a pue ye ma a hɛ mi si.”

Matsɛmɛ I, 17:12

Yo ɔ he nɔ ke, “I na Yawɛ, o Mawu ɔ kaa i be abolo. Nɔ́ nɛ i ngɛ pɛ ji mamu dɛ kɔkɔ ngɛ buɛ mi, kɛ nu bɔbɔyoo ko ngɛ tɔ mi. I ba hiɛmɛ nɛ ɔ nɛ ma ba bua lɛ́ bɔɔ ko nya kɛ ya we mi, nɛ ma kɛ ya sã abolo, nɛ i kɛ ye binyumu waa ye. Lɔ ɔ se lɛɛ wa ma gbo kɛ hwɔ.”

Matsɛmɛ I, 17:5

Eliya bu Yawɛ munyu ɔ tue, nɛ e ho ya hi Kerit pa a nya.

Matsɛmɛ I, 17:1

Gbalɔ ko nɛ a tsɛɛ lɛ Eliya, nɛ je Tishbe ngɛ Gilead ɔ de Matsɛ Ahab ke, “Ina Yawɛ, Israel Mawu ɔ nɛ i jaa lɛ ɔ kaa bɔ́, aloo hiɔmi be nɛe ngɛ hiɛmɛ nɛ ɔ jeha enyɔ, loo etɛ kɛ yaa si be nɛ ma tsɔɔ.”

Mose I, 5:29

E de ke, “Dengme nɛ wa ngɛ gboe kɛ ngɛ ní tsue ngɛ zugba nɛ Yawɛ gbiɛ ɔ nɔ ɔ, bi nɛ ɔ ma ba wo wa bua.” Lɔ ɔ he ɔ, e wo jokuɛ ɔ biɛ ke Noa.

Hiob 24:18

Yiwutsotsɛ ɔ, pa nɛ hia ba ngɔɔ lɛ kɛ yaa. A gbiɛ e weto ní nɛ ji e zugba a, nɛ e be ní tsue ngɛ e wai ngmɔ ɔ mi hu.

Zakaria 5:4

Yawɛ Tabohiatsɛ ɔ ke e ma ha gbiɛmi nɛ ɔmɛ maa ba zugba a tsuo nɔ, nɛ we mi he nɛ nɔ ko maa ju ngɛ ɔ, a ma kpata we ɔ hɛ mi; nɛ we tsuaa we nɛ nɔ ko ma kã lakpa kita ngɛ mi ɔ, a ma kpata we ɔ hɛ mi kɛ e mi tso kɛ tɛ tsuo.”