Mose V, 28:15 - BAIBLO ALOO NGMAMI KLƆUKLƆU Ɔ

¹⁵ “Se ke nyɛ bui Yawɛ, nyɛ Mawu ɔ gbi tue, nɛ nyɛ yi e fami ɔmɛ, kɛ e mlaa amɛ tsuo nɛ i ngɛ nyɛ woe mwɔnɛ ɔ a nɔ pɛpɛɛpɛ ɔ, gbiɛmi nɛ ɔmɛ tsuo maa ba nyɛ nɔ.

Mose V, 28:15 ပူးပေါင်းရင်းမြစ်များ

Malaki 2:2

nyɛɛ pee nɔ́ nɛ da nɛ nyɛ kɛ wo ye hɛ mi nyami. Ke nyɛ bui nɔ́ nɛ i ngɛ nyɛ dee ɔ tue ɔ, ma gbiɛ nyɛ; nɛ gbaami nɛ i ko gbaa nyɛ ɔ ma plɛ pee tue gblami mohu. Niinɛ, i gbiɛ nyɛ momo, ejakaa nyɛ yi ye mlaa amɛ a nɔ bɔ nɛ sa.

Mose V, 28:2

Nyɛɛ bu Yawɛ, nyɛ Mawu ɔ gbi tue, konɛ gbaami nɛ ɔmɛ nɛ a pee nyɛ nɔ́.

Kɔmɔ Yemi 2:17

Nɔ́ ko nɛ Yawɛ de ke e maa pee ɔ, amlɔ nɛ ɔ, e pee. Yawɛ kpata wa hɛ mi pɛsɛpɛsɛ kaa bɔ nɛ e de to be ko ke e maa pee ɔ. E ha nɛ wa he nyɛli ɔmɛ ye wa nɔ, nɛ a bua jɔ a he kaa wa hɛ mi kpata.

Mose V, 29:20

Yawɛ be nɔ nɛ tue wa nɛ ɔ he yayami ngɔe kɛ pa lɛ. Niinɛ, Yawɛ mi mi ma fu wawɛɛ kɛ wo lɛ, nɛ gbiɛmihi tsuo nɛ a ngma ngɛ womi nɛ ɔ mi ɔ maa ba e nɔ kɛ yaa si Yawɛ ma kpata e hɛ mi kulaa kɛ pi si.

Yoshua 23:15

Se, kaa bɔ nɛ Yawɛ, nyɛ Mawu ɔ ha nyɛ ní kpakpahi tsuo nɛ e wo nyɛ a he si ɔ, jã kɛ̃ e maa gbla nyɛ tue kɛ yaa si nyɛ hɛ mi ma kpata ngɛ zugba kpakpa nɛ ɔ nɔ, ke nyɛ bui lɛ tue ɔ.

Galatabi 3:10

Nihi nɛ susuu kaa ja a ye Yuda bi a mlaa a nɔ doo loko a ma he a yi wami ɔ, a gbiɛ mɛ. Ejakaa ngmami ɔ deɔ ke, “Mlaahi tsuo nɛ a ngma ngɛ Mawu mlaa womi ɔ mi ɔ, nɔ nɛ ma tɔ kake ngmelu nɔ ɔ, a gbiɛ lɛ.”

Yesaya 3:11

Se yayami peeli lɛɛ musu tloo mɛ; yayami nɛ a pee ní kpahi ɔ, jehanɛ, a ma ngɔ pee mɛ nitsɛmɛ.

Mose I, 3:14

Yawɛ Mawu de sinɔ ɔ ke, “Nɔ́ nɛ o pee nɛ ɔ he je ɔ, a gbiɛ mo pe je mi lohwe ɔmɛ tsuo. Kɛ je mwɔnɛ ɔ kɛ yaa a, o maa sã si ngɛ o muklii mi nɔ; nɛ o maa ye zu o wami ligbi ɔmɛ tsuo.

Mose I, 4:11

Zugba a mii o senɔ ɔ nɛ o gbe ɔ e muɔ ɔ. Lɔ ɔ he ɔ, a gbiɛ mo.

Mose I, 4:12

Ke o hu ɔ, zugba a be ní bae ha mo hu; o maa bɔ kó, nɛ o maa wo lalaalo ngɛ je ɔ mi.”

Mose V, 11:28

se e maa pee gbiɛmi, ke nyɛ yi mlaa nɛ ɔmɛ a nɔ, nɛ nyɛ kpale kɛ ya ja mawu kpahi nɛ nyɛ ja we mɛ hyɛ ɔ.

Manyadali 2:15

He tsuaa he nɛ a gba ta kɛ gu kɛkɛ Yawɛ ha matahu ba po mɛ kaa bɔ nɛ e ka kita ke e maa pee mɛ ɔ. Nɛ a yi fi wawɛɛ nitsɛ.

Samuel I, 4:10

Filisti bi ɔmɛ hwu ta wawɛɛ, nɛ a ye Israel nɔ. Israel ta a gbɛ, nɛ nɔ tsuaa nɔ tu fo kɛ ho e we mi ya. A gbe nihi babauu nitsɛ, nɛ Israel ta buli akpe nyingmi etɛ sɔuu gbo.

Kronika II, 7:19

Se ke mo, loo o nina jɔɔ ye se nyɛɛmi; ke nyɛ yi mlaa amɛ nɛ i wo nyɛ, kɛ blɔ nya tomi ɔmɛ a nɔ, nɛ nyɛ ya sɔmɔ mawu kpahi ɔ,

Kronika II, 12:5

Kɛkɛ nɛ gbalɔ Shemaya ba Rehoboam, kɛ Yuda ganɔ ɔmɛ a ngɔ ngɛ Yerusalem. Blɔɔ Yuda ganɔ nɛ ɔmɛ ya ye Shishak gbeye, nɛ a tu fo kɛ je a ma amɛ a mi ba bua a he nya ngɛ Yerusalem. Shemaya de mɛ ke, “Bɔ nɛ Yawɛ de ji nɛ ɔ nɛ: ‘Nyɛ kua mi, lɔ ɔ he ɔ, imi hu i ngmɛɛ nyɛ he kɛ wo Shishak dɛ mi.’ ”

Kronika II, 34:24

sɛ gbi nɛ je Yawɛ ngɔ nɛ ɔ ya ha lɛ ke, “I kɛ gbiɛmi munyuhi nɛ a ngma ngɛ womi ɔ nɛ a kane ha lɛ matsɛ ɔ maa gbla Yerusalem, kɛ Yerusalem ma mi bi ɔmɛ tsuo a tue.

Yeremia 36:7

Alini a maa fa kue ha Yawɛ nɛ a maa kpale kɛ je a blɔ yayami ɔmɛ a nɔ; ejakaa abofu nɛ Yawɛ kɛ tu munyu kɛ si ma nɛ ɔ nya wa wawɛɛ nitsɛ.”

Yeremia 36:31

Ma gbla mo, kɛ o nina, kɛ o ma nimeli ɔmɛ a tue ngɛ nyɛ ní yayami ɔmɛ a he. Mo jio, Yerusalem ma mi bi ɔmɛ jio, Yuda bi ɔmɛ jio, nyɛ ti nɔ ko nɔ ko bui ye kɔkɔ bɔmi munyu ɔmɛ tue fɛɛ. Lɔ ɔ he ɔ, ní yayamihi nɛ i to kaa a maa ba nyɛ nɔ ɔ, jehanɛ lɛɛ ma ha nɛ jamɛ a ní ɔmɛ maa ba nyɛ tsuo nyɛ nɔ.’ ”

Yeremia 40:2

Tatsɛ ɔ tsɛ mi kɛ ya se, nɛ e de mi ke, “Yawɛ, o Mawu ɔ de to ke e ma kpata zugba nɛ ɔ hɛ mi.

Hosea 7:12

Be mi nɛ a yaa a, ma nyɛɛ a se nɛ ma kpale mɛ kɛ ba ekohu, kaa lohwe pɛlitsɛmɛ nɛ te kɛ bee nɛ a ya du yá. Ma gbla a tue ngɛ a yi wu tso ní ɔmɛ a he.

Mose V, 5:1

Mose bua Israel ma a tsuo nya, nɛ e de mɛ ke, “Israel bi, nyɛɛ bu mlaa nɛ ɔmɛ tsuo nɛ i ngɛ nyɛ woe mwɔnɛ ligbi nɛ ɔ tue. Nyɛɛ kase mɛ nɛ nyɛɛ hyɛ nɛ nyɛɛ ye a nɔ.

Mose V, 28:45

“Haomi nɛ ɔmɛ tsuo maa ba nyɛ nɔ, nɛ e ma tsa nɔ jã kɛ̃ kɛ yaa su be nɛ nyɛ hɛ mi ma kpata pɛsɛpɛsɛ; ejakaa nyɛ bui Yawɛ, nyɛ Mawu ɔ gbi tue, nɛ nyɛ yi e mlaa amɛ tsuo nɛ i wo nyɛ ɔ a nɔ.

Mose V, 29:19

Nyɛɛ hyɛ saminya nɛ nyɛ nihi tsuo nɛ nyɛ ngɛ somi munyu nɛ ɔmɛ nue mwɔnɛ ɔ ngɛ hiɛmɛ nɛ ɔ, nyɛ ti nɔ ko kó mlɔɔ e he kaa ke e pee lɛ nitsɛ e tsui wami nya ní ɔ, e maa hi ha lɛ ligbi ko. Ke nɔ ko pee ja a, nyɛ tsuo nyɛ hɛ mi ma kpata, nɔ kpakpa, kɛ nɔ yayami tsuo nɛ slɔɔto ko be mi.

Yoshua 23:16

Ke nyɛ yi somi nɛ Yawɛ, nyɛ Mawu ɔ kɛ nyɛ so ɔ nɔ, nɛ nyɛ ya sɔmɔ mawu kpahi, nɛ nyɛ ja mɛ ɔ, lɔ ɔ lɛɛ e kɛ abofu maa gbla nyɛ tue, nɛ e be kɛe kulaa nɛ nyɛ ti nɔ ko nɔ ko be piɛe ngɛ zugba kpakpa nɛ ɔ nɛ e ngɔ ha nyɛ ɔ nɔ.”

Yeremia 11:8

Se a bui mi tue fɛɛ; munyu nɛ i kɛ mɛ tu ɔ po, a nui. A wa tue nɛ a pee yayami kaa kekle ɔ mohu. I wo mɛ mlaa ke a ye somi ɔ nɔ, se a kua nɔ yemi. Enɛ ɔ he je ɔ, i gbla a tue wawɛɛ nitsɛ kaa bɔ nɛ somi tsɔɔ ɔ.”

Yeremia 26:4

Yawɛ fa mi ke ma de ni ɔmɛ ke, “Imi Yawɛ, i de ke nyɛɛ bu mi tue nɛ nyɛɛ ye mlaa amɛ nɛ i wo nyɛ ɔ a nɔ.

Yeremia 32:23

Se benɛ a ba su zugba a nɔ nɛ a ngɔ kɛ pee a weto ní ɔ, a bui mo tue; o mlaa amɛ hu a yi nɔ fɛɛ. Níhi nɛ o fa mɛ ke a pee ɔ, a pee we ekoeko fɛɛ. Enɛ ɔ he je nɛ o kɛ haomi nɛ ɔmɛ tsuo ba a nɔ ɔ nɛ.