Mose V, 28:13 - BAIBLO ALOO NGMAMI KLƆUKLƆU Ɔ

¹³ Yawɛ maa pee nyɛ je ma amɛ tsuo a hɛ mi nyɛɛlɔ; ma amɛ maa nyɛɛ nyɛ se; pi nyɛ nɛ nyɛ maa hi se. Ke nyɛ maa bu Mawu mlaa amɛ tue, nɛ nyɛ maa ye a nɔ pɛpɛɛpɛ, nɛ nyɛ maa pee bɔ nɛ i ngɛ nyɛ fae mwɔnɛ ɔ, Mawu ma ha nyɛ maa ya nɔ ngɛ nɔ́ tsuaa nɔ́ mi, nɛ nyɛ be se yae kɔkɔɔkɔ.

Mose V, 28:13 ပူးပေါင်းရင်းမြစ်များ

Mose V, 28:1

“Ke nyɛ bu Yawɛ, nyɛ Mawu ɔ gbi tue, nɛ nyɛ ye e mlaa amɛ tsuo nɛ i ngɛ nyɛ woe mwɔnɛ ɔ a nɔ ɔ, lɛɛ e ma wo nyɛ nɔ gojoo pe je ma amɛ tsuo.

Filipibi 1:27

Lɔ ɔ he ɔ, nɔ́ nɛ hia pe kulaa ji, nyɛɛ ba nyɛ je mi kaa bɔ nɛ sane kpakpa a nɛ kɔɔ Kristo he ɔ tsɔɔ ɔ, konɛ i nyɛ ba na nyɛ jio, i bɛ́ jio, ma nu nyɛ he kaa nyɛ tsuo nyɛɛ kɛ juɛmi kake hɛɛ hemi kɛ yemi ɔ mi kpɛii kɛ ngɛ sane kpakpa a he plee.

Mose V, 15:6

Yawɛ maa gbaa mo kaa bɔ nɛ e wo si ɔ. O maa pa sika kɛ ha mahi babauu, se moo lɛɛ o be sika pae ngɛ nɔ ko nɔ ko dɛ; o maa ye je mahi babauu a nɔ, se moo lɛɛ je ma ko je ma ko be o nɔ yee.

Mose V, 26:19

E ma ha nɛ o pee ma ngua a pe ma amɛ tsuo. O ma je e yi, nɛ o maa wo e hɛ mi nyami. Nɛ o maa pee lɛ Yawɛ, o Mawu klɔuklɔu ɔ nitsɛ, e ma kaa bɔ nɛ e wo si ɔ.”

Mose V, 28:43

“Jehanɛ, nibwɔhi nɛ ngɛ nyɛ zugba a nɔ ɔ maa ya nɔ ma plɔke; se nyɛɛ lɛɛ si kɛkɛ nyɛ maa hi gbee.

Mose V, 28:44

A ma na ní, nɛ a maa pa nyɛ eko, se nyɛɛ lɛɛ nyɛ be ní nae nɛ nyɛ maa pa mɛ eko. Nyagbe mi ɔ, mɛ lɛ a maa ye nyɛ nɔ.

Yeremia 31:7

Yawɛ ke, “Nyɛɛ kɛ bua jɔmi nɛ la ha Israel; nyɛ hwɔ lele ha ma nɛ he wa pe je ma amɛ tsuo ɔ. Nyɛ la yi jemi la, nɛ nyɛɛ fiɛ ke, ‘Yawɛ he e ma a yi wami; Yawɛ he nihi nɛ piɛ ɔ tsuo a yi wami.’

Mose II, 15:26

E de mɛ ke, “Ke nyɛ maa bu Yawɛ, nyɛ Mawu ɔ tue, nɛ nyɛ maa pee nɔ́ nɛ da ngɛ e hɛ mi, nɛ nyɛ maa ye e kita amɛ, kɛ e mlaa amɛ tsuo a nɔ ɔ, lɛɛ hiɔ ɔmɛ nɛ i kɛ gbla Egipt bi ɔmɛ a tue ɔ, ekoeko be nyɛ nɔ bae. Imi ji Yawɛ; imi ji nyɛ tsalɔ.”