Mose V, 27:7 - BAIBLO ALOO NGMAMI KLƆUKLƆU Ɔ

⁷ Jehanɛ hu, nyɛɛ sã nyɛ tue mi jɔmi bɔ ɔmɛ, nɛ nyɛ bla nyɛɛ ye ní. Nyɛɛ na Yawɛ, nyɛ Mawu ɔ si ngɛ lejɛ ɔ.

Mose V, 27:7 ပူးပေါင်းရင်းမြစ်များ

Nehemia 8:10

Mohu nyɛɛ ya nyɛ we ɔmɛ a mi, nɛ nyɛ ya ye ní kpakpa, nɛ nyɛɛ nu wai ngɔngɔɛ. Nyɛ nyɛmimɛ ɔmɛ nɛ a be eko ɔ, nyɛ ha mɛ eko. Mwɔnɛ ligbi nɛ ɔ ji ligbi klɔuklɔu ha Yawɛ nyɛ Mawu ɔ, lɔ ɔ he ɔ, nyɛ ko pee mɔbɔmɔbɔ. Bua jɔmi nɛ Yawɛ ngɛ nyɛ hae ɔ ma ha nɛ nyɛ ma na he wami.”

Yesaya 12:3

Ke Mawu he e ma a yi wami ɔ, a bua maa jɔ kaa bɔ nɛ ke nɔ nu nyu mua nɛ e tsui he jɔɔ ɔ.”

Yesaya 61:10

Yerusalem ngɛ nyae ngɛ nɔ́ nɛ Yawɛ Mawu pee ha lɛ ɔ he. Yerusalem pee kaa ayɛflo nɛ wo june, loo ayɛflo huno nɛ ngɔ mɔmɔ kɛ dla e he kɛ yaa yo kpeemi. Niinɛ, Mawu he Yerusalem yi wami, nɛ e ye kunimi ha lɛ.

Yesaya 61:3

Kɛkɛ ɔ, nihi nɛ ngɛ kɔmɔ yee ngɛ Zion ɔ, e ma bu mɛ jlasi nɛ a kɛ mɔmɔ pee, se pi la zu; a bua maa jɔ; a ma kpa kɔmɔ yemi, nɛ a ma la yi jemi la. A maa bɔ kaa tso nguaa nɛ Yawɛ nitsɛ ma. Mɛ tsuo a maa pee nɔ́ nɛ da, nɛ a maa wo Yawɛ hɛ mi nyami.

Habakuk 3:18

ye bua maa jɔ, nɛ ma nya; ejakaa Yawɛ Mawu ɔ ji nɔ nɛ heɔ ye yi wami.

Ni Tsumi 10:36

Mawu tsɔ nɛ a kɛ munyu ɔ ya ha Israel bi ɔmɛ, nɛ a gu Yesu Kristo nɔ kɛ jaje sane kpakpa a nɛ kɛ tue mi jɔmi baa a ngɔ tsɔɔ mɛ. Lɛ, Yesu Kristo ɔ ji nimli adesahi tsuo a Nyɔmtsɛ.

Romabi 5:1

Amlɔ nɛ ɔ, kɛ gu hemi kɛ yemi nɔ ɔ, Mawu wo wɔ nguɔ. Lɔ ɔ he ɔ, he jɔmi ba waa kɛ Mawu wa kpɛti kɛ gu Yesu Kristo nɔ.

Romabi 5:10

Jinɛ sa a, Mawu he nyɛli ji wɔ, se kɛ gu e Bi ɔ gbenɔ ɔ nɔ ɔ, a kpata waa kɛ Mawu wa kpɛti. Lɔ ɔ he ɔ, amlɔ nɛ ɔ nɛ a kpata waa kɛ Mawu wa kpɛti ɔ, e ma he wa yi wami hluu tsɔ ngɛ e Bi ɔ wami ɔ mi.

Mose V, 12:12

Nyɛɛ kɛ nyɛ bimɛ ɔmɛ, nyɛ tsɔli nyumu ɔmɛ, nyɛ mawayi ɔmɛ, kɛ Levi bi ɔmɛ nɛ ngɛ nyɛ ma amɛ a mi ɔ tsuo nyɛ nya ngɛ Yawɛ, nyɛ Mawu ɔ hɛ mi; nyɛ kai kaa Levi bi ɔmɛ lɛɛ a be zugba ko nae kaa mɛ nitsɛmɛ a nɔ́.

Mose V, 12:7

Nyɛɛ kɛ nyɛ we ɔmɛ tsuo maa ye ní ngɛ lejɛ ɔ, nɛ nyɛ bua maa jɔ niba ní kpakpahi nɛ Yawɛ, nyɛ Mawu ɔ kɛ gbaa nyɛ dengme gbomi nɔ ha nyɛ ɔ a he.

Mose V, 16:11

Nyɛɛ kɛ nyɛ bimɛ ɔmɛ, nyɛ mawa amɛ, Levi bi ɔmɛ, kɛ yalɔyi ɔmɛ nɛ ngɛ nyɛ ma amɛ a mi ɔ nyɛ bua nɛ jɔ, nɛ nyɛ nya ngɛ Yawɛ, nyɛ Mawu ɔ hɛ mi. Nyɛɛ pee enɛ ɔ ngɛ he kake nɛ Yawɛ, nyɛ Mawu ɔ to nɛ a ja lɛ ngɛ ɔ.

Mose V, 16:14

Nyɛɛ kɛ nyɛ bimɛ ɔmɛ, nyɛ sɔmɔli ɔmɛ, Levi bi ɔmɛ, nibwɔ ɔmɛ, awusa amɛ, kɛ yalɔyi ɔmɛ nɛ ngɛ nyɛ ma amɛ a mi ɔ tsuo nyɛɛ ye nyami be nɛ ɔ.

Mose V, 27:6

Ke nyɛ maa ma bɔ sami la tɛ ko ha Yawɛ, nyɛ Mawu ɔ, nyɛɛ ngɔ tɛhi nɛ a kɛ dade kó we nɛ ma. Nyɛɛ sã nyɛ sami bɔ ɔmɛ ngɛ lejɛ ɔ.

Mose V, 27:8

Nyɛɛ ngma mlaa nɛ ɔmɛ tsuo ngɛ tɛ ɔmɛ nɛ a kɛ kalo kpa a he ɔ a nɔ; nɛ nyɛ ha nɛ ningma a nɛ je si paa.”

Filipibi 3:3

Wɔ mohu ji nihi nɛ a po mɛ anɔkuale mi. Ejakaa wɔɔ lɛɛ wa jaa Mawu kɛ guu e mumi ɔ nɔ, nɛ wa fĩaa kɛ fɔɔ Kristo Yesu nɔ. Wa ngɔɛ wa hɛ kɛ fɔɛ he lo nya ní peemi níhi a nɔ.

Filipibi 4:4

Kaa nihi nɛ ngɛ Nyɔmtsɛ ɔ mi ɔ, nyɛ bua nɛ jɔ daa! I ngɛ dee ekohu ke, nyɛ bua nɛ jɔ!

Kolosebi 1:20

Lɔ ɔ he ɔ, Mawu ná he bua jɔmi kaa kɛ gu e Bi ɔ nɔ ɔ, e ma dla e kɛ je ɔ tsuo pɛpɛɛpɛ, níhi nɛ ngɛ hiɔwe, kɛ níhi nɛ ngɛ zugba a nɔ ɔ a kpɛti. Niinɛ, Mawu gu e Bi ɔ muɔ nɛ pue si ngɛ sɛumi tso ɔ nɔ ɔ nɔ nɛ e kɛ tsu nɔ́ nɛ ɔ, nɛ e kɛ tue mi jɔmi ba.