Mose V, 27:24 - BAIBLO ALOO NGMAMI KLƆUKLƆU Ɔ

²⁴ “ ‘Mawu maa gbiɛ nɔ tsuaa nɔ nɛ gbee e nyɛmi ngɛ laami mi.’ “Ma a tsuo ma he nɔ ke, ‘Amen!’

Mose V, 27:24 ပူးပေါင်းရင်းမြစ်များ

Samuel II, 13:28

Absalom fa e tsɔli ɔmɛ ke, “Ke Amnon nu wai nɛ e bua jɔ e he ɔ, nyɛɛ hi lɛ huɔe konɛ ke i de ke, ‘Nyɛɛ fia Amnon nɔ́,’ pɛ nɛ nyɛɛ gbe lɛ. Imi nɛ i fa nyɛ ɔ nɛ. Nyɛ ko ye gbeye! Nyɛɛ pee kã; nɛ nyɛ ha nɛ a na kaa nyumuhi ji nyɛ.”

Samuel II, 3:27

Benɛ Abner kpale kɛ ba Hebron ɔ, Yoab nu e nine si nɛ e kɛ lɛ ho ma a agbo ɔ nya ya kaa nɔ́ nɛ e kɛ lɛ yaa dami. Yoab gbɔ Abner muklii mi nɔ́ nɛ e gbe lɛ ngɛ lejɛ ɔ, ngɛ e nyɛmi Asahel muɔ nɛ Abner pue si ɔ he.

Matsɛmɛ I, 2:5

“Jehanɛ se hu, o kai nɔ́ nɛ Yoab pee mi ɔ; bɔ nɛ e gbe Israel tatsɛmɛ enyɔ, nɛ ji Ner binyumu Abner, kɛ Yeter binyumu Amasa. O kai bɔ nɛ e gbe mɛ ngɛ tue mi jɔmi be mi kɛ to nihi nɛ mɛɛ lɛɛ a gbe ngɛ ta be mi ɔ a nya a. E pue nihi nɛ pee we yayami ko ɔ a muɔ si, nɛ nɔ́ nɛ ɔ ba pee tlomi kɛ ha imi mohu, nɛ i ngɛ nɔ́ nae ngɛ he.

Mose II, 20:13

“Koo gbe nɔmlɔ.

Mose III, 24:17

“Nɔ tsuaa nɔ nɛ maa gbe nɔmlɔ ɔ, lɛ hu a gbe lɛ.

Mose IV, 35:30

“Ke nɔ ko gbe nɔ ko ɔ, a da odase yeli enyɔ, loo nɔ́ a nya mi munyu nɔ nɛ a kɛ kojo lɛ loko a gbe lɛ; a ko da odase yelɔ kake pɛ nya mi munyu nɔ kɛ gbe nɔ ko.

Mose IV, 35:31

Jehanɛ, nyɛ ko he wami kpɔmi nɔ́ ko ngɛ nɔ ko nɛ je blɔ gbe nɔ ɔ dɛ; ja a gbe lɛ.