Mose V, 27:2 - BAIBLO ALOO NGMAMI KLƆUKLƆU Ɔ

² Ligbi ɔ nɛ nyɛ maa po Yordan pa a kɛ ya su zugba a nɛ Yawɛ, nyɛ Mawu ɔ kɛ ngɛ nyɛ hae ɔ nɔ ɔ, nyɛɛ ngɔ tɛ agboagbohi kɛ ma si, nɛ nyɛ kpa a he kalo.

Mose V, 27:2 ပူးပေါင်းရင်းမြစ်များ

Hiob 19:24

I ná nɛ a kɛ dade kpɛ́ ye munyu ɔmɛ ngɛ tɛ sa mi, nɛ a kɛ sumui wo mi, konɛ a hi lejɛ ɔ daa.

Ezekiel 11:19

Ma ha mɛ tsui he, kɛ juɛmi he. Ma je tsui nɛ wa kaa tɛ ɔ kɛ je a mi, nɛ ma ha mɛ tsui nɛ he jɔ, tsui nɛ buɔ tue;

Ezekiel 36:26

Ma ha nyɛ tsui he, kɛ juɛmi he. Nyɛ tsui nɛ wlua kaa tɛ ɔ, ma je kɛ je nyɛ mi, nɛ ma ha nyɛ tsui nɛ he jɔ.

Mose V, 11:31

E su be nɛ nyɛ maa po Yordan pa a, nɛ nyɛ ma ya ngɔ zugba a nɛ Yawɛ, nyɛ Mawu ɔ kɛ ngɛ nyɛ hae ɔ nɛ nyɛɛ hi nɔ. Ke nyɛ ya ngɔ zugba a, nɛ nyɛ ngɛ nɔ ɔ,

Mose V, 26:1

“Ke e ba mi kaa o ya su zugba nɛ Yawɛ, o Mawu ɔ ngɔ ha mo ɔ nɔ, nɛ e pee o nɔ́ nɛ o ngɛ nɔ ɔ,

Mose V, 27:1

Jehanɛ, Mose kɛ Israel ma a tu munyu, nɛ ma nimeli ɔmɛ tsuo fi e se. Mose de ma a ke, “Nyɛɛ bu níhi nɛ i ngɛ nyɛ dee mwɔnɛ ligbi nɛ ɔ tue.

Mose V, 27:3

Ke nyɛ po pa a pɛ, nyɛɛ ngma mlaa nɛ ɔmɛ tsuo ngɛ tɛ ɔmɛ a nɔ. Zugba nɛ Yawɛ, nyɛ nɛmɛ a Mawu ɔ wo si ke e ma ngɔ ha nyɛ ngɛ pa a se ɔ, zugba a hi, nɛ e baa ní saminya.

Mose V, 27:4

Ke nyɛ su zugba nɛ ɔ nɔ ngɛ Yordan pa a se ɔ, nyɛɛ ngɔ tɛ nɛ ɔmɛ ngɔ ma si ngɛ Ebal yo ɔ nɔ kaa bɔ nɛ i ngɛ nyɛ fae mwɔnɛ ɔ, nɛ nyɛ kpa a he kalo.

Mose V, 6:1

“Mlaahi nɛ Yawɛ, nyɛ Mawu ɔ fa mi ke ma tsɔɔ nyɛ ji nɛ ɔmɛ nɛ. Nyɛɛ ye a nɔ ngɛ zugba a nɛ nyɛ yaa ngɔ nɛ nyɛɛ hi nɔ ɔ nɔ.

Mose V, 9:1

“Nyɛɛ bu tue, Israel bi; mwɔnɛ ɔ, nyɛ maa po Yordan pa a, konɛ nyɛ ya fie je ma amɛ nɛ kle, nɛ a he wa pe nyɛ ɔ. A fia gbogbo nɛ ya hiɔwe ploplooplo ngɔ wo a ma amɛ a he.

Yoshua 1:11

a ya kpa ma sito he ɔ, nɛ a de ni ɔmɛ ke, “Nyɛ hla blɔ hiami niye ní kɛ to; ejakaa hiɛmɛ nɛ ɔ ligbi etɛ ɔ, nyɛ maa po Yordan pa a kɛ ya ngɔ zugba a nɛ Yawɛ, nyɛ Mawu ɔ kɛ ha nyɛ ke nyɛ nɔ́ ɔ.”

Yoshua 4:1

Benɛ ma a tsuo po Yordan pa a ta a, Yawɛ de Yoshua ke,

Yoshua 8:30

Pee se ɔ, Yoshua ma bɔ sami la tɛ ngɛ Ebal yo ɔ nɔ kɛ ha Yawɛ Israel Mawu ɔ.

Yoshua 8:31

E ma lɛ kaa bɔ nɛ Yawɛ tsɔlɔ Mose fa Israel bi ɔmɛ ke a pee ɔ. Bɔ nɛ a ngma ngɛ Mose mlaa womi ɔ mi ji nɛ ɔ nɛ: “Bɔ sami la tɛ nɛ a kɛ tɛhi nɛ a kɛ dade kó we ma.” A sã sami bɔhi ngɛ nɔ kɛ ha Yawɛ, nɛ a sã tue mi jɔmi bɔhi hulɔ.

Yoshua 8:32

Lɔ ɔ se ɔ, Yoshua hyɛ Mose mlaa a nɔ, nɛ e ngma mlaa amɛ ja pɛpɛɛpɛ kɛ fɔ tɛ ɔmɛ a nɔ ngɛ Israel bi ɔmɛ a hɛ mi.