Mose V, 27:15 - BAIBLO ALOO NGMAMI KLƆUKLƆU Ɔ

¹⁵ “ ‘Mawu maa gbiɛ nɔ tsuaa nɔ nɛ ngɔɔ tɛ, loo tso, loo dade kɛ peeɔ amaga ko, nɛ e jaa lɛ ngɛ laami mi. Yawɛ hiɔ wɔ jami.’ Ma a tsuo ma he nɔ ke, ‘Amen!’

Mose V, 27:15 ပူးပေါင်းရင်းမြစ်များ

Mose II, 34:17

“Mo ko ngɔ nɔ́ ko nɛ a sile kɛ pee mawu nɛ o ja.

Mose II, 20:4

“Koo puɛ amaga, loo nɔ́ ko nɛ ngɛ kaa nɔ́ ko nɛ ngɛ hiɔwe, loo nɔ́ ko nɛ ngɛ zugba a nɔ, loo nɔ́ ko nɛ ngɛ nyu mi ngɛ zugba a sisi.

Mose V, 5:8

“ ‘Koo puɛ amaga ko, loo nɔ́ ko nɛ ngɛ kaa nɔ́ ko nɛ ngɛ hiɔwe, loo nɔ́ ko nɛ ngɛ zugba a nɔ, loo nɔ ko nɛ ngɛ nyu mi ngɛ zugba a sisi.

Mose III, 26:1

Yawɛ de ke, “Nyɛ ko puɛ amagahi, nɛ nyɛ ko pee tɛ amagahi, loo titimahi kɛ ma si; nyɛ ko ja mɛ hulɔ; ejakaa imi ji Yawɛ, nyɛ Mawu ɔ nɛ.

Mose III, 19:4

“Nyɛ ko je ye se nɛ nyɛ ya ja amagahi; nɛ nyɛ ko pee dade mawuhi ha nyɛ he. Imi ji Yawɛ, nyɛ Mawu ɔ nɛ.

1 Korintobi 14:16

Ke o ngɛ Mawu si nae ngɛ mumi mi kɛkɛ ɔ, nɔ ko nɛ hii si ngɛ lejɛ ɔ, nɛ lɛɛ e li mi eko ɔ, kɛ e maa pee kɛɛ nɛ e ma de “Amen” ngɔ si o sina sɔlemi ɔ nɔ? Blɔ ko blɔ ko be nɛ e kɛ maa le nɔ́ nɛ o ngɛ dee ɔ.

Mose II, 20:23

Nyɛ ko ngɔ sika hiɔ, loo sika tsu kɛ pee mawuhi ha nyɛ he nɛ nyɛ ja kɛ piɛ ye he.

Kronika II, 33:2

Je ma amɛ nɛ Yawɛ fie kɛ je Israel bi ɔmɛ a blɔ mi ɔ, Manase ya nyɛɛ a ní yayami ɔmɛ a se, nɛ e pee yayami kɛ si Yawɛ.

Matsɛmɛ II, 23:13

Yosia ble bɔ sami la tɛhi nɛ Matsɛ Salomo puɛ ngɛ Yerusalem beleku je kɛ yaa Oliv yo ɔ leneyi je kɛ ha yakayaka amaga nɛ ɔmɛ ɔ: Sidon bi ɔmɛ a yo mawu ɔ nɛ a tsɛɛ Astarte ɔ, Moab bi ɔmɛ a mawu ɔ nɛ a tsɛɛ Kemosh ɔ, kɛ Amon bi ɔmɛ a mawu ɔ nɛ a tsɛɛ Milkom ɔ.

Matsɛmɛ II, 17:19

Yuda wɛtso ɔ nitsɛ po yi Yawɛ, a Mawu ɔ mlaa amɛ a nɔ. Ma se kusumihi nɛ Israel kɛ ba a, lɔ ɔmɛ a he ní mɛ hu a tsuɔ.

Samuel I, 26:19

Ye nyɔmtsɛ, moo bu nɔ́ nɛ o tsɔlɔ ma de mo nɛ ɔ tue. Ke Yawɛ lɛ pee loko o ngɛ ye se blɔ hlae ɔ, lɛɛ e ngmɛ mi blɔ nɛ ma sã bɔ kɛ kpata lɛ. Se ke nimli adesahi a ní tsumi ɔ, lɛɛ Yawɛ nɛ e gbiɛ mɛ; ejakaa mwɔnɛ ligbi nɛ ɔ, a fie mi kɛ je Yawɛ zugba a nɔ kɛ ho ma kpa nɔ ya nɛ ma ya ja mawu kpahi ngɛ lejɛ ɔ.

Mose V, 29:17

Nyɛ na a musu ní hiemi ní ɔmɛ, amagahi nɛ a kɛ tso, kɛ tɛ, kɛ sika hiɔ, kɛ sika tsu pee ɔ.

Mose IV, 5:22

Nyu nɛ ɔ nɛ kɛ gbiɛmi baa nɔ nɔ ɔ, e sɛ o mi mi, nɛ e ha nɛ o mi nɛ fu, nɛ o mi si nɛ nɔ mi.’ Kɛkɛ, yo ɔ ma he nɔ ke, ‘E ba mi! E ba mi!’

Mose I, 31:34

Rahel ji nɔ nɛ ju wɔ ɔmɛ; e kɛ wɔ ɔmɛ wo e we afukpɔngɔ ɔ se kotoku ɔ mi, nɛ e hi nɔ. Laban hla wɔ ɔmɛ kɛ kpa bo tsu ɔ mi tsuo, se e nɛ.

Mose I, 31:19

Jamɛ a be ɔ mi ɔ, Laban ho e to ɔmɛ a he bwɔmi sami ya; nɛ benɛ e be we ɔ mi ɔ, Rahel ju e tsɛ wɔ ɔmɛ.

Mose I, 9:25

e de ke, “A gbiɛ Kanaan! E maa pee e wetsɛmɛ ɔmɛ a nyɔguɛ.

Ezekiel 7:20

A ngɔ a he dlami ní saminyawiiwi nɛ ɔmɛ kɛ pee amagahi, níhi nɛ a hiee, kɛ níhi nɛ ngɛ tai. Enɛ ɔ he ɔ, Yawɛ ha nɛ a june ɔmɛ plɛ pee níhi nɛ he tsɔ we ha mɛ.

Yeremia 28:6

“Saminya! Yawɛ nɛ pee nɔ́ nɛ ɔ. Gbami nɛ o gba a, Yawɛ nɛ ha nɛ e ba mi, konɛ Yawɛ we ɔ juetli tsuo nɛ a muɔ kɛ ho Babilonia ya, kɛ nihi tsuo nɛ a nuu kɛ ho ɔ, e kpale mɛ kɛ ba hiɛ ɔ ekohu.

Yeremia 23:24

Anɛ nɔ ko ma nyɛ maa laa e he ngɛ he ko nɛ i be lɛ nae lo? Anɛ nyɛ li kaa i ngɛ he tsuaa he lo? I ngɛ hiɔwe kɛ zugba tsuo.

Yeremia 11:5

Kɛkɛ ɔ, si ko nɛ i wo a nɛmɛ ɔmɛ kaa ma ha mɛ zugba kpakpa nɛ baa ní ɔ, ma ye nɔ. Jamɛ a zugba a nɔ a ngɛ amlɔ nɛ ɔ nɛ.” I he nɔ ke, “Yawɛ, ha nɛ e ba mi ja.”

Yeremia 11:3

nɔ tsuaa nɔ nɛ be somi munyu nɛ ɔmɛ tue bue ɔ, imi, Yawɛ Israel Mawu ɔ ma gbiɛ lɛ.

Yesaya 44:19

Amaga peelɔ ɔ be juɛmi, loo e kɔ we nɔ́ se nɛ e ma de ke, “Hyɛ kaa i sã tso ɔ fa kaa lɛ́; i sã abolo ngɛ la a mi; i ngɔ la a kɛ sã de lo, nɛ i ye. Anɛ nɔ́ nɛ piɛ ɔ, ma kɛ puɛ amaga lo? Anɛ ma kpla si ha tso kpoku lo?”

Yesaya 44:17

Tso ɔ fa nɛ piɛ ɔ, e ngɔɔ kɛ peeɔ amaga, nɛ e kplaa si nɛ e jaa lɛ. E faa kue ha lɛ, nɛ e deɔ ke, “Mo ji ye mawu! He ye yi wami!”

Mateo 24:15

“Nyɛ maa na ‘Ni hiemi nɔ́ ngua a’ nɛ gbalɔ Daniel tu he munyu ɔ nɛ maa si ngɛ he klɔuklɔu ɔ. (Ni kanelɔ ɔ nɛ kɔ se!)

Mateo 6:13

Nɛ o kɛ wɔ ko ya ka mi; se mohu, je wɔ kɛ je nɔ yayami ɔ dɛ mi.’

Daniel 11:31

Ta buli nɛ e wo blɔ ɔ ma ya sɛ Yawɛ we ɔ, kɛ mɔ ɔ mi, nɛ a ma ble lejɛ ɔ. A maa jɔɔ daa ligbi bɔ ɔmɛ sami, nɛ a maa ngɔ amaga ko nɛ he ngɛ gbeye kɛ ya ma Yawɛ we ɔ.

Ezekiel 14:4

“De mɛ ke bɔ nɛ imi Nyɔmtsɛ Yawɛ, i ngɛ dee ji nɛ ɔ nɛ: Israel no tsuaa Israel no nɛ ngɔ e hɛ ngɔ fɔ e we amagahi a nɔ kɛ e tsui tsuo, nɛ lɔ ɔ he ɔ, yayami pɛ e peeɔ kɛ tsiɔ lɛ nitsɛ blɔ ɔ, ke e ba bi ní ngɛ gbalɔ ɔ ngɔ ɔ, imi Yawɛ nitsɛ ma ha lɛ heto bɔ nɛ sa e we amaga babauu jami ɔ.

Mose V, 27:14

Levi bi ɔmɛ ma wo a gbi nɔ, nɛ a ma de Israel ma a tsuo ke,

Kronika I, 16:36

Nyɛ je Yawɛ yi; nyɛ je Israel Mawu ɔ yi! Nyɛ je e yi mwɔnɛ ɔ, kɛ daa! Kɛkɛ nɛ ma a tsuo he nɔ ke, “Amen”, nɛ a je Yawɛ yi.

Daniel 9:11

Israel ma a tsuo tɔ o mlaa amɛ, nɛ a bui o gbi tue. Wa pee yayami kɛ si mo, nɛ lɔ ɔ he nɛ o ngɔ gbiɛmi ɔmɛ nɛ a ngma ngɛ o tsɔlɔ Mose mlaa womi ɔ mi ɔ kɛ ba wa nɔ ɔ nɛ.

Mose V, 4:25

“Ke nyɛ se kɛ ngɛ zugba a nɔ, nɛ nyɛ ná bimɛ, kɛ bibimɛ ɔ, nyɛ ko pee yayami kaa nyɛ maa puɛ amaga ko nɛ ngɛ su ko kulaa ha nyɛ he. E ji yayami agbo ngɛ Yawɛ hɛ mi nɛ ma ha e mi mi maa wo la.

Mose V, 7:25

Nyɛɛ sã a we amaga amɛ. Nyɛ hɛ ko kɔ̃ a sika hiɔ, loo sika tsu nɔ; nyɛ ko ngɔ ekoeko. Ke nyɛ ngɔ eko ɔ, e maa pee gbenɔ ha nyɛ; ejakaa Yawɛ, nyɛ Mawu ɔ sume amaga jami.

Manyadali 17:3

E kpale sika hiɔ yi akpe kɛ e nya lafa a kɛ ha e nyɛ ɔ; nɛ e nyɛ ɔ de ke, “I ngɛ sika hiɔ nɛ ɔ he tsukɔe ha Yawɛ ngɛ ye binyumu ɔ he, konɛ a ngɔ kɛ pee amaga nɛ a hlɔ, nɛ a kɛ sika hiɔ ha he.”

Manyadali 17:4

Benɛ e kpale sika a kɛ ha e nyɛ ɔ, e nyɛ ɔ je e mi lafa enyɔ kɛ ha sika hiɔ galɔ, nɛ e kɛ pee amaga nɛ a hlɔ nɛ kɛ sika hiɔ ha he; nɛ a ngɔ amaga a kɛ ma Mika we ɔ mi.

Yesaya 44:13

Tso galɔ ngɔɔ kpa kɛ susuu tso, e ngɔɔ kadimi nɔ́ kɛ kadiɔ, nɛ e ngɔɔ ga dade kɛ hlɔɔ tso ɔ he kɛ peeɔ nɔ́ ko nɛ je nɔmlɔ; e ngɔɔ nɔ́ kɛ e he fɛu nɛ ɔ kɛ ya maa we mi.