Mose V, 27:10 - BAIBLO ALOO NGMAMI KLƆUKLƆU Ɔ

¹⁰ Lɔ ɔ he ɔ, nyɛɛ bu Yawɛ, nyɛ Mawu ɔ gbi tue, nɛ nyɛɛ ye e mlaa amɛ tsuo nɛ i ngɛ nyɛ woe mwɔnɛ ɔ a nɔ.”

Mose V, 27:10 ပူးပေါင်းရင်းမြစ်များ

Mose III, 19:2

e de Israel ma kpekpemi ɔ tsuo ke, “Nyɛɛ pee nyɛ he klɔuklɔu, ejakaa imi Yawɛ, nyɛ Mawu ɔ, i ngɛ klɔuklɔu.

Mika 4:5

Je ma amɛ a ti nɔ tsuaa nɔ jaa lɛ nitsɛ e mawu. Se wɔɔ lɛɛ Yawɛ, wa Mawu ɔ, ji nɔ nɛ wa ma sɔmɔ kɛ maa ya neneene.

Mika 6:8

Dɛbi! Yawɛ tsɔɔ wɔ nɔ́ nɛ hi. Nɔ́ nɛ e ngɛ hlae ngɛ wa dɛ kɛkɛ ji kaa waa ye dami sane, nɛ waa na mɔbɔ, nɛ waa ba wa he si ha wa Mawu ɔ.

Mateo 5:48

Lɔ ɔ he ɔ, nyɛɛ hi kɛ pi si kaa bɔ nɛ nyɛ Tsɛ nɛ ngɛ hiɔwe ɔ hi kɛ pi si ɔ!

Mose V, 11:1

“Nyɛɛ suɔ Yawɛ, nyɛ Mawu ɔ, nɛ nyɛɛ ye e mlaa amɛ tsuo a nɔ daa.

Mose V, 26:17

Mwɔnɛ ligbi nɛ ɔ, e je o nya mi nɛ o de ke Yawɛ ji o Mawu. O wo si kaa o maa bu lɛ tue; o wo si kaa o maa ye e mlaa amɛ tsuo a nɔ; nɛ o wo si hu kaa nɔ́ tsuaa nɔ́ nɛ e fa mo ke o pee ɔ, o maa pee.

Mose V, 26:18

Mwɔnɛ ligbi nɛ ɔ, Yawɛ hu he mo atuu kaa lɛ nitsɛ e ma, kaa bɔ nɛ e wo si ɔ. E ngɛ mo fae ke o ye e mlaa amɛ tsuo a nɔ.

Mose V, 27:11

Jamɛ a ligbi ɔ, Mose de Israel ma a ke,

Mose V, 27:9

Lɔ ɔ se ɔ, Mose kɛ osɔfo ɔmɛ nɛ ji Levi bi ɔmɛ tu munyu kɛ tsɔɔ Israel ma kpekpemi ɔ tsuo ke, “Nyɛɛ pee dii nɛ nyɛɛ bu mi tue. Israel bi, mwɔnɛ ligbi nɛ ɔ, nyɛ pee Yawɛ, nyɛ Mawu ɔ ma.