Mose V, 27:1 - BAIBLO ALOO NGMAMI KLƆUKLƆU Ɔ

¹ Jehanɛ, Mose kɛ Israel ma a tu munyu, nɛ ma nimeli ɔmɛ tsuo fi e se. Mose de ma a ke, “Nyɛɛ bu níhi nɛ i ngɛ nyɛ dee mwɔnɛ ligbi nɛ ɔ tue.

Mose V, 27:1 ပူးပေါင်းရင်းမြစ်များ

Kronika I, 28:8

“Lɔ ɔ he ɔ, ye nyɛmimɛ, ngɛ wa Mawu ɔ, kɛ Israel ma kpekpemi nɛ ɔ nɛ ji Yawɛ ma a hɛ mi ɔ, i ngɛ nyɛ dee ke nyɛɛ ye mlaa amɛ nɛ Yawɛ, wa Mawu ɔ wo wɔ ɔ a nɔ fitsofitso. Ke nyɛ pee ja a, zugba kpakpa nɛ ɔ maa pee nyɛ nɔ daa, nɛ nyɛ ma si kɛ ha nyɛ bimɛ nɛ maa ba ngɛ nyɛ se ɔ kaa gbosi ní kɛ maa ya neneene.”

La 78:7

Kɛkɛ ɔ, mɛ hu a maa ngɔ a hɛ kɛ fɔ Mawu nɔ. Níhi nɛ e tsu ha mɛ ɔ, a hɛ be nɔ jee, nɛ a maa ye e mlaa amɛ a nɔ daa;

Luka 11:28

Se Yesu he nɔ ke, “A gbaa ni nɛmɛ nɛ nuɔ Mawu munyu ɔ, nɛ a yeɔ nɔ ɔ mohu!”

Yohane 15:14

Ke nyɛ pee nɔ́ nɛ i de nyɛ ke nyɛɛ pee ɔ, lɔ ɔ lɛɛ ye huɛmɛ ji nyɛ.

Mose V, 1:1

Munyuhi nɛ Mose tu kɛ tsɔɔ Israel ma a ngɛ nga kplanaa a nɔ ngɛ Yordan pa a beleku je ji nɛ ɔmɛ nɛ. Jamɛ a be ɔ mi ɔ, Israel ma a ngɛ Yordan kɔ̃ ɔ mi, ngɛ Suf hanɔ ngɛ Paran, kɛ ma nɛ ɔmɛ, Tafel, Laban, Hazerat, kɛ Dizahab a kpɛti.

Mose V, 11:32

nyɛɛ hyɛ saminya konɛ mlaa amɛ nɛ i ngɛ nyɛ woe mwɔnɛ ɔ, nyɛɛ ye mɛ tsuo a nɔ pɛpɛɛpɛ.

Mose V, 26:16

“Mwɔnɛ ligbi nɛ ɔ, Yawɛ, o Mawu ɔ ngɛ mo fae ke o ye e mlaa amɛ tsuo a nɔ; lɔ ɔ he ɔ, ye a nɔ pɛpɛɛpɛ kɛ o tsui tsuo.

Mose V, 26:19

E ma ha nɛ o pee ma ngua a pe ma amɛ tsuo. O ma je e yi, nɛ o maa wo e hɛ mi nyami. Nɛ o maa pee lɛ Yawɛ, o Mawu klɔuklɔu ɔ nitsɛ, e ma kaa bɔ nɛ e wo si ɔ.”

Mose V, 27:2

Ligbi ɔ nɛ nyɛ maa po Yordan pa a kɛ ya su zugba a nɛ Yawɛ, nyɛ Mawu ɔ kɛ ngɛ nyɛ hae ɔ nɔ ɔ, nyɛɛ ngɔ tɛ agboagbohi kɛ ma si, nɛ nyɛ kpa a he kalo.

Mose V, 6:17

Mlaa amɛ tsuo nɛ a ha nyɛ ɔ, nyɛɛ hyɛ nɛ nyɛɛ ye a nɔ pɛpɛɛpɛ.

Yakobo 2:10

Nɔ tsuaa nɔ nɛ maa ye mlaa amɛ tsuo a nɔ pɛpɛɛpɛ, se e ma tɔ mlaa a kake ɔ, e yeɔ fɔ kaa e tɔ mlaa amɛ tsuo.