Mose V, 26:8 - BAIBLO ALOO NGMAMI KLƆUKLƆU Ɔ

⁸ Yawɛ ngɔ e he wami kɛ kɔni si wami nɛ ngɛ gbeye kɛ je wɔ kɛ je Egipt. E pee okadihi, kɛ nyakpɛ níhi babauu.

Mose V, 26:8 ပူးပေါင်းရင်းမြစ်များ

Mose II, 12:37

Israel bi ɔmɛ nyɛɛ nane kɛ je Rameses kɛ ho Sukot ya. Nyumu ɔmɛ kɛkɛ a hiɛmi maa pee akpe lafa ekpa; slo yihi kɛ jokuɛwi.

Mose II, 12:41

Nɛ jeha lafa eywiɛ kɛ nyingmi etɛ ɔ nyagbe ligbi ɔ tutuutu ɔ, Yawɛ tabo ɔmɛ tsuo je Egipt zugba a nɔ.

Mose II, 12:51

Nɛ jamɛ a ligbi ɔ nɔuu ɔ, Yawɛ je Israel bi ɔmɛ kɛ je Egipt zugba a nɔ wɛtso nya wɛtso nya.

Mose II, 13:3

Mose de ma a ke, “Nyɛ kai kikɛmɛ a ligbi nɛ ɔ nɛ nyɛ hia kɛ je Egipt, kɛ je nyɔguɛ yemi sisi ɔ. Ligbi nɛ ɔ nɛ Yawɛ kɛ he wami kpetekpleenyɛ je nyɛ kɛ je lejɛ ɔ nɛ. Nyɛ ko ye masa ní ngɛ ligbi nɛ ɔ nɔ.

Mose II, 6:6

Lɔ ɔ he ɔ, yaa nɛ o ya de Israel bi ɔmɛ ke, ‘Imi ji Yawɛ; ma je Egipt bi ɔmɛ a tlomi ɔmɛ kɛ je nyɛ nɔ, nɛ ma kpɔ nyɛ kɛ je a nyɔguɛ yemi ɔ sisi. Ma kpã ye nine mi kɛ he wami, nɛ ma ye dami sane ha nyɛ, nɛ ma kɛ kpɔ nyɛ.

Yesaya 63:12

Nɔ nɛ ngɔ he wami kpetekpleenyɛ kɛ wo Mose mi kɛ tsu ní nguanguahi, nɔ nɛ gba wo ɔ mi ha mɛ, nɛ a nyɛɛ muɔ voovoo ɔmɛ a mi kɛ po wo ɔ nɛ e kɛ na biɛ nɛ maa hi si kɛ maa ya neneene ɔ, jije e ngɛ?” Yawɛ nitsɛ lɛ kpaka mɛ kɛ gu muɔ voovoo ɔmɛ a mi slɔkee kaa bɔ nɛ ke okpɔngɔ ngɛ fo tue ngɛ nga kplanaa nɔ nɛ́ e tɛ we si ɔ.

Yeremia 32:21

O pee okadihi, kɛ nyakpɛ níhi kɛ wo wa he nyɛli ɔmɛ a he gbeye, nɛ o kɛ o he wami kpetekpleenyɛ ɔ jé o ma Israel kɛ je Egipt zugba a nɔ.

Mose V, 34:11

Gbalɔ kpa ko hu tsu we nyakpɛ níhi nɛ Yawɛ ha nɛ Mose tsu ngɛ Egipt matsɛ ɔ, kɛ e tsɔli ɔmɛ, kɛ e zugba a tsuo nɔ ɔ kaa lɛ.

Mose V, 34:12

Jehanɛ hu, gbalɔ kpa ko pee we ní nguanguahi nɛ ngɛ gbeye kaa níhi nɛ Mose pee ngɛ Israel ma a tsuo hɛ mi ɔ.

Mose V, 4:34

Anɛ mawu ko ka hyɛ kaa e ma ya je je ma ko kɛ je je ma kpa ko mi kɛ pee lɛ nitsɛ e ma, kaa bɔ nɛ Yawɛ, nyɛ Mawu ɔ pee ha nyɛ ngɛ Egipt ɔ lo? Nyɛ nitsɛmɛ nyɛ na kɛ nyɛ hɛngmɛ, bɔ nɛ e je e he wami, kɛ e nyɛmi kpetekpleenyɛ ɔ kpo; e kɛ gbenɔ hiɔhi, kɛ ta ba; e pee okadihi, kɛ nyakpɛ níhi; nɛ e ha gbeye ní nguanguahi ba.

Mose V, 5:15

Kai kaa mo hu o ya ye nyɔguɛ ngɛ Egipt, nɛ imi Yawɛ, o Mawu ɔ kɛ kɔni si wami, kɛ nyɛmi kpɔ mo kɛ je lejɛ ɔ. Lɔ ɔ he nɛ i wo mo mlaa ke o ye Hejɔɔmi ligbi ɔ nɛ.