Mose V, 26:6 - BAIBLO ALOO NGMAMI KLƆUKLƆU Ɔ

⁶ Egipt bi ɔmɛ pee wɔ yayami; a wa wɔ yi mi, nɛ a ye wɔ nyɔguɛ wawɛɛ.

Mose V, 26:6 ပူးပေါင်းရင်းမြစ်များ

Mose II, 1:11

Lɔ ɔ he ɔ, Egipt bi ɔmɛ ngɔ nyɔguɛhi a nɔ yeli ngɔ to Israel bi ɔmɛ a nya, konɛ a wa mɛ yi mi kɛ ní tsumihi nɛ he wa. Israel bi ɔmɛ ma Pitom kɛ Rameses, nɛ ji mahi nɛ a toɔ ní ngɛ a mi kɛ ha Farao ɔ.

Mose II, 1:14

A hɛɛ zu, a peeɔ bliikisi, nɛ a tsuɔ ngmɔ ní tsumi slɔɔtohi; nɛ ní tsumi ɔ eko tsuaa eko mi ɔ, a waa mɛ yi mi wawɛɛ.

Mose II, 1:22

Kɛkɛ nɛ Farao ɔ wo e ma mi bi ɔmɛ tsuo mlaa ke, “Binyumu tsuaa binyumu nɛ Hebri no ko ma fɔ ɔ, nyɛ ya sake lɛ ngɔ fɔ Nilo pa a mi; se biyo tsuaa biyo lɛɛ nyɛ ha nɛ e yi nɛ na wami.”

Mose II, 1:8

Jehanɛ ɔ, matsɛ he ko ba bɔni tsɛ yemi ngɛ Egipt, nɛ lɛɛ e li Yosef.

Mose II, 5:19

Israel ní tsuli ɔmɛ a nɔ hyɛli ɔmɛ yɔse kaa sane yobu ye mɛ benɛ a de mɛ ke daa ligbi ɔ, a po bliikisi ɔ nɛ e hiɛ kaa kekle ɔ, nɛ a ko ha e nɔ nɛ gbɔ ɔ.

Mose II, 5:23

Kɛ je be nɛ i ba Farao ɔ ngɔ nɛ i kɛ lɛ ba tu munyu ngɛ o biɛ mi ɔ kɛ ba si amlɔ nɛ ɔ, yi mi sɔuu nɛ e ngɛ ma a wae. Nɛ mo hu o pee we nɔ́ ko kulaa kaa o ma kpɔ o ma a.”

Mose II, 5:9

Nyɛ ko ha mɛ deka; nyɛ pue ní tsumi ɔ nɔ ha mɛ nɛ a tsu, konɛ a ko ya hi lakpa munyuhi tue bue hu.”

Mose IV, 20:15

bɔ nɛ wa nɛmɛ ya Egipt, nɛ e ba mi kaa wɔ hu wa ya hi lejɛ ɔ be babauu; bɔ nɛ Egipt bi ɔmɛ wa wa nɛmɛ ɔmɛ yi mi, kɛ bɔ nɛ a wa wɔ hu yi mi;

Mose V, 26:7

Kɛkɛ nɛ wa fa kue kɛ tsɛ Yawɛ, wa nɛmɛ a Mawu ɔ, nɛ e bu wa gbi tue. E na wa haomi kɛ dengme gbomi, kɛ yi mi nɛ a ngɛ wɔ wae ɔ.

Mose V, 4:20

Se nyɛɛ lɛɛ, Yawɛ kpɔ̃ nyɛ kɛ je Egipt yi mi wami wawɛɛ ɔ sisi. E je nyɛ konɛ e pee nyɛ lɛ nitsɛ e ma kulaa, kaa bɔ nɛ nyɛ ji mwɔnɛ nɛ ɔ.