Mose V, 26:5 - BAIBLO ALOO NGMAMI KLƆUKLƆU Ɔ

⁵ Mo de ngɛ Yawɛ hɛ mi ke, ‘Aram no si kpalɔ ji ye nɛ̃. E kɛ nihi bɔɔ pɛ nɛ ho Egipt ya; e ya to nubwɔ ngɛ lejɛ ɔ, se a ba pee ma agbo nɛ he wa saminya.

Mose V, 26:5 ပူးပေါင်းရင်းမြစ်များ

Mose V, 10:22

Benɛ nyɛ nɛmɛ ɔmɛ yaa Egipt ɔ, mɛ nimli nyingmi kpaago pɛ nɛ a ho, se amlɔ nɛ ɔ, Yawɛ, nyɛ Mawu ɔ ha nyɛ he hiɛ babauu kaa dodoehi ngɛ hiɔwe.

Mose I, 46:27

Ke a kɛ Yosef binyumuhi enyɔ ɔmɛ nɛ a fɔ ngɛ Egipt ɔ piɛ he ɔ, Yakob we ɔ tsuo nɛ ya Egipt ɔ peeɔ nimli nyingmi kpaago.

Mose I, 31:20

Yakob sisi Laban, Aram no ɔ; e ha we nɛ Laban nɛ le kaa e yaa.

Mose I, 45:11

Ke o ba je Goshen ɔ, ma hyɛ o nɔ. E piɛ jeha enuɔ sɔuu ngɛ wa hɛ mi loko hwɔ ɔ se maa po; nɛ i be suɔe nɛ mo, loo o we mi bi ɔmɛ, loo o lohwe ɔmɛ nɛ ba ha hwɔ.’ ”

Mose I, 45:7

Mawu tsɔ mi kɛ nyɛɛ nyɛ hɛ mi, konɛ ma ba he nyɛ yi wami ngɛ nyakpɛ blɔ nɛ ɔ nɔ; nɛ ma hyɛ nɛ nyɛɛ kɛ nyɛ nina nɛ wo ngmɛdu ngɛ zugba a nɔ.

Mose I, 43:12

Jehanɛ, nyɛɛ hɛɛ sika nɛ nyɛɛ kɛ ma he ní ɔ, nɛ nyɛɛ ngɔ nɔ́ nɛ a kpale ngɔ wo kotoku ɔmɛ a mi ha nyɛ ɔ kɛ ho; eko piɔ, e be a hɛ mi.

Mose I, 31:24

Jamɛ a nyɔ ɔ mi ɔ, Mawu je e he kpo ngɔ tsɔɔ Laban, Aram no ɔ ngɛ nlami je, nɛ e de lɛ ke, “Hyɛ nɛ hi nɛ o kɛ Yakob ko tu munyu ko; yaya jio, kpakpa jio.”

Ni Tsumi 7:15

Kɛkɛ nɛ Yakob pue nɔ kɛ ho Egipt ya. Nɛ lejɛ ɔ e kɛ e bimɛ ɔmɛ tsuo ya gbo ngɛ.

Hosea 12:12

Wa nɛ̃, Yakob tu fo kɛ ho Mesopotamia ya, nɛ e ya ye apaa ngɛ lejɛ ɔ. Bɔ nɛ pee nɛ e na yo nɛ e ngɔ ɔ, e ya hyɛ nɔ ko tohi a nɔ.

Mose I, 25:20

Isak ye jeha nyingmi eywiɛ nɛ e ngɔ Rebeka, Aram no ɔ nɛ je Mesopotamia nɛ a tsɛɛ lɛ Betuel ɔ biyo ɔ. Rebeka nyɛminyumu ji Laban.

Mose I, 24:4

Mohu ɔ, o maa kpale o se kɛ ya zugba nɔ he nɛ a fɔ mi ngɛ ɔ, nɛ o ya hla yo ngɛ ye nyɛmimɛ ɔmɛ a kpɛti ba ha ye bi Isak.”

Mose V, 7:7

“Pi hiɛmi nɛ nyɛ he hiɛ pe ma kpa amɛ he je nɛ Yawɛ suɔ nyɛ nɛ e hla nyɛ ɔ; nyɛ mohu ji nihi nɛ a he pi pe kulaa ngɛ ma amɛ a kpɛti.

Mose II, 1:12

Se si abɔ nɛ a ngɛ mɛ yi mi wae ɔ, si abɔ nɛ a ngɛ hiɛe nɛ a ngɛ gbɛe kɛ ngɛ zugba a nɔ hae. Egipt bi ɔmɛ ye Israel bi ɔmɛ gbeye.

Mose II, 1:7

Se a nina nɛ ji Israel bi ɔmɛ ɔ, bi ngɛ a he; a fɔ babauu nɛ a he hiɛ, nɛ a hyi zugba a nɔ tɔ. A he hu wa saminya.

Mose II, 1:5

Yakob nina tsuo a yibɔ ji nyingmi kpaago; Yosef lɛɛ e ngɛ Egipt momo.

Mose I, 47:27

Israel bi ɔmɛ hi Goshen zugba a nɔ ngɛ Egipt. A na ní, nɛ a fɔ bimɛ, nɛ a he hiɛ babauu.

Mose I, 31:40

Latsa tsaa mi piani, nɛ fĩɛ yee mi nyɔ mi; nɛ be komɛ ɔ, mahe jee ye hɛ mi.

Mose I, 28:5

Isak wo Yakob blɔ kɛ ho Mesopotamia ya, kɛ ya ha Aram no ɔ nɛ a tsɛɛ lɛ Betuel ɔ binyumu Laban. Laban nyɛmiyo ji Rebeka, Esau kɛ Yakob a nyɛ ɔ.

Mose I, 27:41

Esau nyɛ Yakob ngɛ gbaami ɔ nɛ e tsɛ gbaa Yakob ɔ he. E de ngɛ e yi mi ke, “Tsaatsɛ gbenɔ be su ta. Ke tsaatsɛ gbo nɛ a pee ya se ɔ, ma gbe ye nyɛmi Yakob.”

Mose I, 12:2

Ma ha mo nina babauu, nɛ a maa pee je ma agbo. Ma gbaa mo, nɛ ma ha o ma he biɛ, nɛ a maa gu o nɔ kɛ gbaa nihi babauu.

Mose I, 47:4

Wa ba nɛ wa ba hi hiɛmɛ nɛ ɔ bɔɔ. Wa nɛ niye ní ha wa lohwe ɔmɛ ngɛ Kanaan zugba a nɔ, ejakaa hwɔ ɔ nya wa ngɛ lejɛ ɔ wawɛɛ nitsɛ. Wa kpa mo pɛɛ nɛ o ha nɛ waa hi Goshen zugba a nɔ.”

Mose V, 1:10

Yawɛ nyɛ Mawu ɔ ha nɛ amlɔ nɛ ɔ nyɛ he hiɛ babauu kaa dodoehi ngɛ hiɔwe.

Mose V, 26:4

“Jehanɛ, osɔfo ɔ nɛ he kusii ɔ ngɛ o dɛ kɛ ma Yawɛ, o Mawu ɔ bɔ sami la tɛ ɔ hɛ mi.

Hosea 12:13

Yawɛ ha nɛ gbalɔ ko ya je e ma Israel kɛ je Egipt. Gbalɔ nɛ ɔ tsɔɔ mɛ blɔ, nɛ e hyɛ a nɔ.