Mose V, 26:2 - BAIBLO ALOO NGMAMI KLƆUKLƆU Ɔ

² nyɛ ti nɔ tsuaa nɔ nɛ ngɔ kekleekle niba ní nɛ e kpa ngɛ zugba a nɔ ɔ eko kɛ wo kusii mi, nɛ é ngɔ kɛ ya he nɛ Yawɛ, o Mawu ɔ to nɛ a ja lɛ ngɛ ɔ.

Mose V, 26:2 ပူးပေါင်းရင်းမြစ်များ

Mose II, 23:19

“Daa jeha a, ngɔɔ o zugba a nɔ kekleekle yiblii kɛ ba imi Yawɛ, o Mawu ɔ, ye we ɔ. “Koo hoo apletsi bi ngɛ e nyɛ nyɔ nyu mi.

Mose II, 23:16

“Nyami be enyɔne ɔ ji Ngmakpami nyami be. Ngɔɔ níhi nɛ o du ngɛ o ngmɔ mi ɔ kekleekle yiblii kɛ ba sã bɔ kɛ ye Ngmakpami nyami be. “Nyami be etɛne nɛ ɔ ji Gbasisihimi nyami be. O maa ye nyami be nɛ ɔ jeha a nyagbe, benɛ o ngɛ o ngmɔ nɔ ní ɔmɛ a nya buae.

Ezekiel 44:30

Tso yiblii tsuaa tso yiblii kekleekle nɔ́, kɛ ní slɔɔtohi nɛ nyɛɛ kɛ ma ba sã bɔ ha mi ɔ a mi nɔ́ nɛ hi pe kulaa a peeɔ osɔfo ɔmɛ a nɔ́. Jehanɛ hu, ke a sã abolo ɔ, a ngɔ kekleekle nɔ́ nɛ a bɔ ɔ kɛ ba ha osɔfo ɔmɛ, konɛ ye gbaami nɛ hi we ɔmɛ a mi.

Yakobo 1:18

Mawu gu sane kpakpa a nɔ kɛ ha wɔ mumi mi wami. Lɛ nitsɛ e suɔmi nya nɛ e pee enɛ ɔ. Ejakaa e suɔ kaa e pee wɔ nihi nɛ a he hia pe nibɔ ní ɔmɛ tsuo.

1 Korintobi 16:2

Daa otsi mi kekleekle ligbi ɔ, sika nɛ nyɛ ti nɔ tsuaa nɔ naa ngɛ otsi ɔ mi ɔ, e je eko ngɔ to, nɛ e hi nya buae. Kɛkɛ ɔ, ke i ba a, e be hiae kaa a tsu sika hu.

1 Korintobi 15:20

Se anɔkuale ɔ ji kaa Mawu tle Kristo si kɛ je gbeje nɛ e kɛ ye odase kaa e ma tle ni nɛmɛ nɛ gbo ɔ tsuo si.

Romabi 11:16

Ke má bɔbɔyoo nɛ a ti kɛ sã bɔ ha Mawu ɔ ngɛ klɔuklɔu ɔ, lɛɛ má a tsuo ngɛ klɔuklɔu. Jã kɛ̃ ke tso sipoku ɔ ngɛ klɔuklɔu ɔ, tso kɔni ɔmɛ hu peeɔ klɔuklɔu.

Romabi 8:23

Se pi mɛ kɛkɛ, mohu wɔ nitsɛmɛ tete nɛ wa ná mumi ɔ yiblii ɔ, wɔ hu ja nɔuu wa hii kɛmɛmi nɔ wawɛɛ ngɛ wa mi, be mi nɛ wa ngɛ Mawu blɔ hyɛe kaa e pee wɔ e bimɛ kɛ pi si, konɛ wa nɔmlɔ tso ɔ nɛ ye e he kulaa.

Ezekiel 48:14

Zugba a he nɛ a gbaa nɔ kɛ ha Yawɛ ɔ ji he nɛ hi pe kulaa. Á ko jua eko; a ko tsake kɛ ha nɔ ko; ejakaa e ji zugba klɔuklɔu nɛ a gbaa nɔ kɛ ha Yawɛ.

Ezekiel 20:40

Ye yo klɔuklɔu nɛ ji Israel yo gagaa a nɔ nyɛ Israel bi tsuo pɛpɛɛpɛ nɛ ngɛ zugba a nɔ ma ba ja mi ngɛ. Lejɛ ɔ nɛ ma ná nyɛ he tsui ngɛ, nɛ lejɛ ɔ nyɛ maa ngɔ nike ní slɔɔtoslɔɔto ɔmɛ tsuo kɛ ba, sami bɔ ɔmɛ, nike ní kpakpa pe kulaa amɛ, kɛ bɔ klɔuklɔu ɔmɛ.

Mose V, 16:10

nɛ nyɛɛ ye Ngmakpami nyami be ɔ kɛ wo Yawɛ, nyɛ Mawu ɔ hɛ mi nyami. Nyɛɛ ngɔ nyɛ suɔmi nya nike ní, ngɛ bɔ nɛ Mawu gbaa nyɛ nɛ nyɛ na a nya kɛ ba sã bɔ ha Yawɛ, nyɛ Mawu ɔ.

Mose II, 34:26

“Daa jeha a, ngɔɔ o zugba a nɔ kekleekle yiblii kɛ ba imi Yawɛ, o Mawu ɔ, ye we ɔ. Koo hoo apletsi bi ngɛ e nyɛ nyɔ nyu mi.”

Kpojemi 14:4

Ni nɛ ɔmɛ ji nyumuhi nɛ a kɛ yihi fiɛ we yakayaka fiɛmi, nɛ a ble we a he; a he tsɔ. He tsuaa he nɛ To bi ɔ yaa a, a kɛ lɛ yaa. Mɛ pɛ ji nihi nɛ Mawu he a yi wami ngɛ je ɔ mi tsuo. Mawu kɛ To bi ɔ a nihi ji nimli nɛ ɔmɛ; a ngɛ kaa kekleekle tso yiblii nɛ a hla ngɔ to ha Mawu.

Romabi 16:5

I biɔ asafo ɔ nɛ kpeɔ ngɛ a we ɔ mi ɔ hulɔ. I biɔ Epeneto, kekleekle nɔ nɛ he Kristo ye ngɛ Asia a; ye huɛ saminya ji lɛ.

Yeremia 2:3

Jamɛ a be ɔ mi ɔ, imi nitsɛ ye nihi nɛ i hla ji nyɛ Israel bi; ye weto ní klɔuklɔu ji nyɛ. Nihi tsuo nɛ pee nyɛ yayami ɔ, i ngɔ haomi kɛ gbla a tue. Imi, Yawɛ lɛ i de.”

Nehemia 13:31

I to blɔ nya, konɛ a ngɔ lɛ́ nɛ a kɛ maa sã bɔ ɔ kɛ ba ngɛ be nɔ. I to be hu nɛ a maa ngɔ a kekleekle ngmɔ niba ní ɔmɛ kɛ ba. Ye Mawu, mo kai ní nɛ ɔmɛ tsuo, nɛ o ha nɛ e hi ha mi.

Nehemia 12:44

Jamɛ a ligbi ɔ, nito hehi nɛ ngɛ sɔlemi we ɔ, nɛ a toɔ nike níhi ngɛ a mi ɔ, a ngɔ ni komɛ ngɔ to a nya, nɛ́ a hyɛ mi dlami nyɔngmanyɔngma mi kakaaka ɔmɛ, kɛ jeha mi kekleekle blɛfo ɔ, kɛ kekleekle tso yiblii nɛ fu ɔ a nɔ. Ni nɛ ɔmɛ a ní tsumi ji kaa a hyɛ nɛ a bua nike ní ɔmɛ a nya ngɛ ngmɔ ɔmɛ nɛ bɔle ma amɛ a nɔ, nɛ a kɛ ba ha osɔfo ɔmɛ, kɛ Levi bi ɔmɛ kaa bɔ nɛ mlaa a tsɔɔ ɔ. Yuda ma a tsuo bua jɔ osɔfo ɔmɛ, kɛ Levi bi ɔmɛ a he saminya;

Kronika II, 31:5

Benɛ a fa kikɛ nɛ ɔ pɛ kɛkɛ nɛ Israel bi ɔmɛ kɛ nike ní nɛ ɔmɛ ba babauu nitsɛ: blɛfo kpokploku, wai, oliv nu, hwo, kɛ ngmɔ niba ní kpahi. Jehanɛ, níhi tsuo nɛ ngɛ a dɛ ɔ, a ngɔ a mi dlami nyɔngmanyɔngma mi kakaaka hu kɛ ba.

Kronika II, 6:6

Se jehanɛ lɛɛ i hla Yerusalem, konɛ a ja mi ngɛ lejɛ ɔ; i hla mo David hulɔ, nɛ o ye ye ma Israel ɔ nɔ.’ ”

Matsɛmɛ II, 4:42

Be kpa mi ɔ, nyumu ko je Baal Shalisha kɛ ba, nɛ e ba ke Mawu nɔmlɔ ɔ abolo bɔbɔɛ nyingmi enyɔ nɛ a kɛ akoko kpokploku pee, kɛ blɛfo tso mumu ngɛ kotoku mi. Elisha de e tsɔlɔ ɔ ke, “Ngɔɔ ya ha ni ɔmɛ nɛ a ye.”

Yoshua 18:1

Benɛ Israel bi ɔmɛ ngɔ zugba a ta a, ma kpekpemi ɔ tsuo ba bua a he nya ngɛ Shilo, nɛ a ma kpe he bo tsu ɔ si ngɛ lejɛ ɔ.

Mose V, 18:4

Jehanɛ hu, ke ní nɛ ɔmɛ bɔni bami ɔ, kekleekle ní ɔmɛ maa pee osɔfo ɔmɛ a nɔ́: blɛfo, wai, oliv nu, kɛ to he bwɔmi.

Mose III, 2:14

Ke nɔ ko ngɔ e ngmɔ nɔ kekleekle niba ní kɛ ma bɔ sami ha Yawɛ, nyɛ Mawu ɔ kaa niye ní bɔ ɔ, é pee kpokploku nɛ a hluɛ, nɛ a sĩ, loo blɛfo nɛ a wɛɛ kplolo.

Mose III, 2:12

Nyɛ ma nyɛ maa ngɔ masa, loo hwo kɛ ba ha Yawɛ kaa ngmɔ nɔ kekleekle niba ní, se nyɛ ko sã ngɛ bɔ sami la tɛ ɔ nɔ kaa bɔ nɛ jee via.

Mose II, 22:29

“Ngɔɔ ngma, wai, kɛ oliv nu nɛ je o ngmɔ ɔmɛ a mi ɔ kɛ ba sã bɔ ha mi ngɛ be nɛ sa mi. “Ngɔɔ o bitɛte ɔmɛ kɛ ba ha mi.

1 Korintobi 15:23

Se Mawu ma tle nɔ tsuaa nɔ si ngɛ be nɛ sa mi. Kekleekle nɔ ji Kristo, nɛ lɔ ɔ se ke Kristo ma a, a ma tle e we bi ɔmɛ hu si.

Mose II, 20:24

Nyɛɛ ngɔ zu kɛ puɛ bɔ sami la tɛ ha mi, nɛ nyɛɛ ngɔ jijɔ, kɛ na kɛ pee sami bɔ, kɛ tue mi jɔmi bɔ ngɛ nɔ. He tsuaa he nɛ i fa nyɛ ke nyɛ ja mi ngɛ ɔ, ma ba lejɛ ɔ nɛ ma ba gbaa nyɛ.

Mose V, 26:1

“Ke e ba mi kaa o ya su zugba nɛ Yawɛ, o Mawu ɔ ngɔ ha mo ɔ nɔ, nɛ e pee o nɔ́ nɛ o ngɛ nɔ ɔ,

Mose V, 26:3

Ngɔɔ kɛ ya osɔfo nɛ ngɛ sɔmɔe jamɛ a be ɔ ngɔ, nɛ o de lɛ ke, ‘Mwɔnɛ ɔ, i ngɛ odase yee ngɛ Yawɛ, ye Mawu ɔ hɛ mi kaa i ba su zugba a nɛ Yawɛ wo wa nɛmɛ si ke e kɛ ma ha wɔ ɔ nɔ.’