Mose V, 26:18 - BAIBLO ALOO NGMAMI KLƆUKLƆU Ɔ

¹⁸ Mwɔnɛ ligbi nɛ ɔ, Yawɛ hu he mo atuu kaa lɛ nitsɛ e ma, kaa bɔ nɛ e wo si ɔ. E ngɛ mo fae ke o ye e mlaa amɛ tsuo a nɔ.

Mose V, 26:18 ပူးပေါင်းရင်းမြစ်များ

Samuel II, 7:24

O to o ma Israel sisi, nɛ o ngɔ lɛ ngɔ pee mo nitsɛ o ma kɛ yaa neneene. Nɛ mo, Yawɛ o ba pee a Mawu.

La 119:6

Ke i hyɛ saminya, nɛ i ye o mlaa amɛ tsuo a nɔ ɔ, lɛɛ zo be mi gbee.

La 135:4

Yawɛ nitsɛ lɛ hla Yakob kɛ ha e he; e hla Israel kɛ pee e ma.

Mose II, 6:7

Ma ngɔ nyɛ kɛ pee imi nitsɛ ye ma, nɛ ma pee nyɛ Mawu; nɛ nyɛ maa le kaa imi ji Yawɛ Mawu, nɔ nɛ je Egipt bi ɔmɛ a tlomi ɔmɛ kɛ je nyɛ nɔ ɔ.

Yeremia 13:11

Kaa bɔ nɛ bɔjuɛ mɛtɛɛ nɔ mlɛ mi kpɛii ɔ, ja i to nɛ Israel ma a, kɛ Yuda ma a tsuo nɛ a mɛtɛ ye he. I pee nɔ́ nɛ ɔ, konɛ a pee ye ma, nɛ a na biɛ, hɛ mi nyami, kɛ yi jemi kɛ ha mi. Se a bui mi fɛɛ.”

Mose III, 20:26

Nyɛɛ pee nyɛ he klɔuklɔu, ejakaa imi Yawɛ ɔ, i ngɛ klɔuklɔu. I hla nyɛ kɛ je je ma amɛ a kpɛti, konɛ nyɛɛ pee ye ma.

Zefania 3:20

Be ma! Ma ngɔ nihi nɛ gbɛ fĩa a kɛ maa ba we ekohu. Ma ha nɛ nyɛ ma he biɛ ngɛ je ɔ mi tsuo; je ma amɛ ma je nyɛ yi, nɛ nyɛ ma na ní babauu ekohu.” Yawɛ lɛ de.

Romabi 16:26

Se amlɔ nɛ ɔ lɛɛ níhi nɛ gbali ɔmɛ ngma a ha nihi babauu ba na anɔkuale ɔ paa kaa bɔ nɛ neneene Mawu ɔ nitsɛ to nɛ a fiɛ ha je mahi tsuo, konɛ a he Mawu ye, nɛ a bu lɛ tue ɔ.

Mose V, 14:2

Yawɛ, nyɛ Mawu ɔ níhi ji nyɛ. E hla nyɛ kɛ je je ma amɛ tsuo nɛ ngɛ zugba a nɔ ɔ a mi kɛ pee lɛ nitsɛ e ma.

Mose V, 27:10

Lɔ ɔ he ɔ, nyɛɛ bu Yawɛ, nyɛ Mawu ɔ gbi tue, nɛ nyɛɛ ye e mlaa amɛ tsuo nɛ i ngɛ nyɛ woe mwɔnɛ ɔ a nɔ.”

Mose V, 28:1

“Ke nyɛ bu Yawɛ, nyɛ Mawu ɔ gbi tue, nɛ nyɛ ye e mlaa amɛ tsuo nɛ i ngɛ nyɛ woe mwɔnɛ ɔ a nɔ ɔ, lɛɛ e ma wo nyɛ nɔ gojoo pe je ma amɛ tsuo.

Mose V, 28:9

“Ke nyɛ bu Yawɛ, nyɛ Mawu ɔ gbi tue, nɛ nyɛ ye mlaa amɛ nɛ e ngɛ nyɛ woe ɔ tsuo a nɔ ɔ, e maa pee nyɛ lɛ nitsɛ e ma, kaa bɔ nɛ e wo si ɔ.

Mose V, 29:13

Nyɛ ngɛ enɛ ɔ pee konɛ Yawɛ kɛ nyɛ nɛ da si kaa lɛ nitsɛ e ma, nɛ e pee nyɛ Mawu, kaa bɔ nɛ e wo nyɛɛ kɛ nyɛ nɛmɛ Abraham, Isak, kɛ Yakob si ɔ.

Mose V, 4:20

Se nyɛɛ lɛɛ, Yawɛ kpɔ̃ nyɛ kɛ je Egipt yi mi wami wawɛɛ ɔ sisi. E je nyɛ konɛ e pee nyɛ lɛ nitsɛ e ma kulaa, kaa bɔ nɛ nyɛ ji mwɔnɛ nɛ ɔ.

Mose V, 7:6

Nyɛɛ pee ja, ejakaa Yawɛ, nyɛ Mawu ɔ hla nyɛ kɛ je nihi tsuo nɛ ngɛ je ɔ mi ɔ a kpɛti, bɔ nɛ pee nɛ nyɛɛ pee lɛ nitsɛ e ma pɔtɛɛ.

Tito 2:14

E ngɔ lɛ nitsɛ e he ngɔ ha ngɛ wa he. E kpɔ wɔ kɛ je yi wu tso níhi a peemi mi, nɛ e ngɔ wɔ ngɔ pee lɛ nitsɛ e ma klɔuklɔu, nihi nɛ a hɛ dɔɔ ngɛ nɔ́ kpakpa peemi he.

1 Petro 2:9

Se nyɛɛ lɛɛ, wɛtso nɛ Mawu hla ji nyɛ, odehe osɔfohi, je ma klɔuklɔu, kɛ Mawu nitsɛ e ma. E hla nyɛ nɛ e tsɛ nyɛ kɛ je diblii mi kɛ ba lɛ nitsɛ e la nɛ ngɛ nyakpɛ ɔ he, konɛ nyɛ ba fiɛ nyakpɛ níhi nɛ e tsu ɔ.