Mose V, 26:16 - BAIBLO ALOO NGMAMI KLƆUKLƆU Ɔ

¹⁶ “Mwɔnɛ ligbi nɛ ɔ, Yawɛ, o Mawu ɔ ngɛ mo fae ke o ye e mlaa amɛ tsuo a nɔ; lɔ ɔ he ɔ, ye a nɔ pɛpɛɛpɛ kɛ o tsui tsuo.

Mose V, 26:16 ပူးပေါင်းရင်းမြစ်များ

Mateo 28:20

nɛ nyɛɛ tsɔɔ mɛ nɛ a ye níhi tsuo nɛ i fa nyɛ ke nyɛɛ pee ɔ a nɔ. Hyɛ, i kɛ nyɛ maa hi si daa kɛ yaa su je mi nyagbe.”

Yohane 14:15

“Ke nyɛ suɔ mi ɔ, nyɛ maa ye ye mlaa amɛ a nɔ.

Mose V, 10:12

“Jehanɛ, Israel bi, nyɛɛ bu nɔ́ nɛ Yawɛ, nyɛ Mawu ɔ ngɛ hlae kaa nyɛɛ pee ɔ tue. Nyɛ ja Yawɛ, nyɛ Mawu ɔ, nɛ nyɛɛ ye e mlaa amɛ tsuo a nɔ pɛpɛɛpɛ. Nyɛɛ suɔ lɛ, nɛ nyɛ sɔmɔ lɛ kɛ nyɛ tsui tsuo, kɛ nyɛ klaa tsuo.

Mose V, 11:1

“Nyɛɛ suɔ Yawɛ, nyɛ Mawu ɔ, nɛ nyɛɛ ye e mlaa amɛ tsuo a nɔ daa.

Mose V, 11:8

“Nyɛɛ ye mlaa amɛ tsuo nɛ i ngɛ nyɛ woe mwɔnɛ nɛ ɔ a nɔ. Lɔ ɔ loko nyɛ ma nyɛ maa po pa a kɛ ya ngɔ zugba a nɛ nyɛ yaa sɛ mi ɔ.

Mose V, 12:1

“Mlaahi nɛ Yawɛ, nyɛ nɛmɛ a Mawu ɔ ngɛ nyɛ hae nɛ nyɛɛ ye a nɔ nyɛ wami be tsuo nɛ nyɛ maa hi zugba nɛ nyɛ yaa ngɔ ɔ nɔ ji nɛ ɔmɛ nɛ.

Mose V, 12:32

“Nyɛɛ hyɛ saminya nɛ nyɛɛ ye mlaa amɛ tsuo nɛ i ngɛ nyɛ woe nɛ ɔ a nɔ fitsofitso. Nyɛ ko je nɔ́ ko kɛ je mi ɔ, nyɛ ko ngɔ nɔ́ ko nɔ́ ko kɛ piɛ he hulɔ.

Mose V, 26:17

Mwɔnɛ ligbi nɛ ɔ, e je o nya mi nɛ o de ke Yawɛ ji o Mawu. O wo si kaa o maa bu lɛ tue; o wo si kaa o maa ye e mlaa amɛ tsuo a nɔ; nɛ o wo si hu kaa nɔ́ tsuaa nɔ́ nɛ e fa mo ke o pee ɔ, o maa pee.

Mose V, 4:29

Nyɛ ma hla Yawɛ, nyɛ Mawu ɔ ngɛ lejɛ ɔ. Ke nyɛ hla lɛ kɛ nyɛ tsui tsuo ɔ, nyɛ maa na lɛ.

Mose V, 6:1

“Mlaahi nɛ Yawɛ, nyɛ Mawu ɔ fa mi ke ma tsɔɔ nyɛ ji nɛ ɔmɛ nɛ. Nyɛɛ ye a nɔ ngɛ zugba a nɛ nyɛ yaa ngɔ nɛ nyɛɛ hi nɔ ɔ nɔ.

Mose V, 6:17

Mlaa amɛ tsuo nɛ a ha nyɛ ɔ, nyɛɛ hyɛ nɛ nyɛɛ ye a nɔ pɛpɛɛpɛ.

Mose V, 6:5

Nyɛɛ suɔ Yawɛ, nyɛ Mawu ɔ kɛ nyɛ tsui tsuo, kɛ nyɛ klaa tsuo, kɛ nyɛ he wami tsuo.

Mose V, 8:2

Nyɛ kai kaa Yawɛ, nyɛ Mawu ɔ kpaka nyɛ ngɛ blɔ gagaa nɛ ɔ nɔ kɛ gu nga kplanaa a nɔ jeha nyingmi eywiɛ sɔuu. E ha hɛdo níhi kɛ nyɛ kpe kɛ ka nyɛ hyɛ, konɛ e kɛ le nɔ́ nɛ ngɛ nyɛ tsui mi, kaa nyɛ maa ye e mlaa amɛ a nɔ, loo nyɛ be a nɔ yee.