Mose V, 26:14 - BAIBLO ALOO NGMAMI KLƆUKLƆU Ɔ

¹⁴ Benɛ i ngɛ kɔmɔ yee ɔ, i yi mi dlami nyɔngma mi kake ɔ eko; benɛ ye he tsɔ we ɔ, i ngɔɛ eko kɛ ji ye we ɔ mi; jehanɛ hu, i kɛ eko sɛ̃ bɔ ha gbogboe ko. Niinɛ, Yawɛ, ye Mawu, i bu mo tue. Mlaahi tsuo nɛ o wo mi nɛ kɔɔ mi dlami nyɔngma mi kake ɔ he ɔ, i ye nɔ.

Mose V, 26:14 ပူးပေါင်းရင်းမြစ်များ

Mose III, 7:20

Se nɔ nɛ he tsɔ we nɛ maa ye eko ɔ, á je lɛ we; á ko bu lɛ ngɔ si Mawu ma a mi bi ɔmɛ a nɔ hu.

Hosea 9:4

Israel bi be nyɛe maa ngɔ dã ba ha Yawɛ, nɛ ní nɛ a maa ye ɔ ma ble mɛ kaa ya sisi niye ní. A ma nyɛ maa ye kɛ gbe hwɔ kɛkɛ, pi kaa a maa ngɔ kɛ ya sã bɔ ngɛ Yawɛ we ɔ.

Mose III, 21:11

Osɔfo nɛ a pɔ lɛ nu ɔ, e ngɛ klɔuklɔu ha mi. E ko si ye bo tsu he klɔuklɔu ɔ kɛ ya he nɛ gbogboe ko ngɛ, nɛ e ba ble e he, kɛ he klɔuklɔu ɔ tsuo. Lɔ ɔ he ɔ, e ko ya gbogboe ko he, e tsɛ nɛ gbo jio, e nyɛ nɛ gbo jio. Imi ji Yawɛ.

Mose III, 21:1

Yawɛ fa Mose ke e de Aaron bimɛ ɔmɛ nɛ ji osɔfo ɔmɛ ke, “Ke nyɛ ma a mi bi ko gbo ɔ, nyɛ ti nɔ ko nɔ ko kó ya gbogboe ɔ he nɛ́ e ba ble e he,

La 106:28

Jehanɛ, Mawu ma a ya piɛ je ma amɛ a he nɛ a kɛ mɛ ja Baal nɛ ngɛ Peor ɔ. Bɔhi nɛ a sã ha a ni gbogboe ɔmɛ hu a kɛ mɛ ye.

Malaki 2:13

Nɔ́ kake hu nɛ nyɛ peeɔ ji kaa nyɛ nyaa awe, nyɛ woɔ yana, nɛ nyɛ foɔ vo nyu kɛ pueɔ Yawɛ bɔ sami la tɛ ɔ nɔ; ejakaa nike ní nɛ nyɛ kɛ baa Yawɛ hɛ mi ɔ, e he we hu.

Ezekiel 24:17

A ko nu o huu fami he; se fi o yi duku, nɛ o wo tokota. Koo ngɔ nɔ́ kɛ ha o nya nɔ, nɛ koo ye ya nɔ niye ní kɛ tsɔɔ kaa o ngɛ ya nyɛe.”

Mose V, 16:11

Nyɛɛ kɛ nyɛ bimɛ ɔmɛ, nyɛ mawa amɛ, Levi bi ɔmɛ, kɛ yalɔyi ɔmɛ nɛ ngɛ nyɛ ma amɛ a mi ɔ nyɛ bua nɛ jɔ, nɛ nyɛ nya ngɛ Yawɛ, nyɛ Mawu ɔ hɛ mi. Nyɛɛ pee enɛ ɔ ngɛ he kake nɛ Yawɛ, nyɛ Mawu ɔ to nɛ a ja lɛ ngɛ ɔ.

Mose V, 26:13

de Yawɛ, o Mawu ɔ ke, ‘I je ní klɔuklɔu ɔmɛ tsuo kɛ je ye we ɔ mi, nɛ i ngɔ ha Levi bi, nibwɔhi, awusahi, kɛ yalɔyihi ngɛ mlaa nɛ o wo mi ɔ nya; i tɔ̃ we ekoeko, nɛ ye hɛ ji eko nɔ hulɔ.

Mose V, 26:15

Moo je o hi he klɔuklɔu ngɛ hiɔwe ɔ nɛ o hyɛ, nɛ o gbaa o ma Israel. Moo gbaa zugba nɛ hi, nɛ baa ní saminya, nɛ o ngɔ ha wɔ nɛ ɔ nɔ kaa bɔ nɛ o wo wa nɛmɛ ɔmɛ si ɔ.’

Yeremia 16:7

Ke nɔ ko suɔlɔ gbo ɔ, nɔ ko nɔ ko kɛ lɛ be ní yee, nɛ nɔ ko nɔ ko kɛ lɛ be ní nue kɛ wo lɛ bua. Ke nɔ ko tsɛ, loo e nyɛ tete po gbo ɔ, nɔ ko nɔ ko be kɔmɔ yee ha lɛ.

Mose V, 13:5

Se gbalɔ, loo nlami sisi tsɔɔlɔ ko nɛ maa wo nyɛ yi mi ke nyɛɛ te si kɛ si Yawɛ, nyɛ Mawu ɔ nɛ je nyɛ kɛ je Egipt zugba a nɔ, he nɛ nyɛ ye nyɔguɛ ngɛ ɔ, nyɛɛ gbe lɛ. Kikɛmɛ a nɔmlɔ ɔ, e ji nɔmlɔ yayami nɛ ngɛ nyɛ kae kaa e maa mlɔɔ nyɛ kɛ je si himi kpakpa nɛ Yawɛ fa nyɛ ke nyɛɛ hi ɔ he. Nyɛɛ gbe lɛ, konɛ nɔ́ yayami nɛ ɔ ko hi nyɛ kpɛti hu.

Mose V, 15:5

Ke o maa bu Yawɛ, o Mawu ɔ gbi tue, nɛ o maa ye nɔ́ tsuaa nɔ́ nɛ i ngɛ mo he mlaa woe mwɔnɛ ɔ nɔ pɛpɛɛpɛ ɔ, o be ohia yee.

La 18:22

I ye e mlaa amɛ tsuo pɛpɛɛpɛ a nɔ; i tɔ̃ we ekoeko.