Mose V, 25:1 - BAIBLO ALOO NGMAMI KLƆUKLƆU Ɔ

¹ “Waa ngɔ lɛ kaa Israel bi enyɔ ngɛ pɛe, nɛ a ba kojomi he ɔ, konɛ a hyɛ a sane ɔ mi ha mɛ. Nɔ nɛ nɔ́ dɛ ɔ, á bu lɛ fɔ; nɔ nɛ nɔ́ da a, á wo lɛ nguɔ.

Mose V, 25:1 ပူးပေါင်းရင်းမြစ်များ

Abɛ Womi 17:15

Nɔ nɛ woɔ yayami peelɔ nguɔ, kɛ nɔ nɛ buɔ dalɔ fɔ ɔ, Yawɛ hiɔ mɛ tsuo.

Mateo 3:10

Amlɔ nɛ ɔ, gbiɛ ɔ fɔɔ si ngɛ tso sipoku ɔmɛ a nɔ momo; tso tsuaa tso nɛ wui yiblii kpakpa a, a maa po, nɛ a ma sake ngɔ fɔ la mi.

Malaki 3:18

Jamɛ a be ɔ mi ɔ, ye ma a maa na slɔɔto nɛ ngɛ dalɔ kɛ yayami peelɔ a kpɛti; nyɛ maa na slɔɔto nɛ ngɛ nɔmlɔ nɛ sɔmɔɔ mi, kɛ nɔ nɛ sɔmɔ we mi ɔ a kpɛti.” Yawɛ Tabohiatsɛ ɔ lɛ de.

Habakuk 1:13

Se kɛ pee kɛɛ nɛ o ngɛ yiwutsotsɛmɛ nɛ ɔmɛ hyɛe nɛ o de we nɔ́ ko ɔ? Mo nɛ o hɛngmɛ ngɛ klɔuklɔu, nɛ o hyɛ we nɔ yayami, loo nɔ́ nɛ dɛ ɔ, mɛni he je nɛ o ngɛ hyɛe nɛ nimli yayamihi ngɛ dali a hɛ mi kpatae, nɛ o de we nɔ́ ko ɔ?

Habakuk 1:4

Mlaa a he wami ɔ ta, nɛ dami sane yemi be hu; yayami peeli ye dali a nɔ, nɛ daa nɛ ɔ, a plɛ dami sane yemi hɛ mi ngɔ bu si.

Ezekiel 44:24

Ke sane ko ba a, osɔfo ɔmɛ nɔuu nɛ a hyɛ sane ɔ mi, nɛ á kojo ngɛ ye mlaa amɛ a nya. Mlaahi, kɛ blɔ nya tomihi nɛ kɔɔ nyami be ɔmɛ tsuo a he ɔ, a hyɛ nɛ a ye a nɔ pɛpɛɛpɛ, nɛ a pee Hejɔɔmi ligbi ɔmɛ klɔuklɔu.

Yesaya 11:4

Se e kɛ dami sane yemi maa kojo ohiatsɛmɛ, nɛ e maa bu nihi nɛ a ní ngɛ mɔbɔ ɔ a he. Ke e fa ke a gbla nɔ ko tue ɔ, kɛkɛ a maa gbla e tue. Ke e fa ke a gbe yayami peelɔ ko ɔ, kɛkɛ pe a gbe lɛ ɔ nɛ.

Yesaya 5:23

Nyɛ heɔ nyɔ mi ní ngɛ nihi nɛ ye fɔ a dɛ nɛ nyɛ ngmɛɔ a he; se nihi nɛ yi fɔ mohu lɛɛ nyɛ yi a sane ha we mɛ.

Yesaya 1:23

Atuã tsɔli ji o ganɔ ɔmɛ, nɛ juli ji o huɛmɛ; be tsuaa be ɔ, nike ní, kɛ nyɔ mi ní a ngɛ hee. A yi awusahi a sane ha we mɛ ngɛ sane yemi he, nɛ a bui yalɔyihi hu a sane tue.

Yesaya 1:17

nɛ nyɛɛ kase kpakpa peemi. Nyɛɛ ye dami sane; nihi nɛ a ngɛ mɛ yi mi wae ɔ, nyɛɛ ye a sane ha mɛ; nyɛ ha awusahi a blɔ nya níhi, nɛ nyɛɛ ye yalɔyihi a sane ha mɛ.”

Samuel II, 23:3

Israel Mawu ɔ tu munyu, Tɛ sa a nɛ heɔ Israel yi wami ɔ de mi ke, “Nɔ nɛ kɛ dami sane yemi yeɔ nihi a nɔ, nɛ e kɛ Mawu gbeye yemi yeɔ ma nɔ ɔ,

Mose II, 22:9

“Ke na, loo teji, loo to, loo heha ní, loo nɔ́ kpa ko laa, nɛ nihi enyɔ ngɛ he plee ɔ, a ngɔ mɛ kɛ ba Mawu hɛ mi. A ti nɔ nɛ Mawu maa bu fɔ ɔ maa wo nɔ́ nɛ a ngɛ he plee ɔ he hiɔ ngwɔhe enyɔ kɛ ha nɔtsɛ ɔ.

Mose V, 17:11

Nyɛɛ kplɛɛ bɔ nɛ a maa ma munyu ɔ nya si ɔ; nɛ nyɛɛ ye blɔ nya tomi ɔmɛ nɛ a maa tsɔɔ nyɛ ɔ a nɔ fitsofitso.

Mose V, 24:22

O hɛ ko je nɔ gblegbleegble kaa o ye nyɔguɛ ngɛ Egipt, lɔ ɔ he nɛ i wo mo mlaa nɛ ɔ nɛ.

Matsɛmɛ I, 8:32

Yawɛ, moo bu tue ngɛ hiɔwe nɛ o kojo o tsɔli ɔmɛ. Nɔ nɛ ye fɔ ɔ, gbla e tue bɔ nɛ sa lɛ; se nɔ nɛ pee we yayami ko ɔ lɛɛ o wo lɛ nguɔ.

Yesaya 5:20

Musu tloo nyɛ! Nyɛ tsɛɔ yayami ke kpakpa, nɛ nyɛ tsɛɔ kpakpa ke yayami. Nyɛ plɛɔ diblii kɛ peeɔ la, nɛ la hu peeɔ diblii. Nyɛ plɛɔ doomi kɛ peeɔ ngɔɔmi, nɛ nɔ́ nɛ ngɔɔ peeɔ nɔ́ nɛ dooɔ.

Kɔmɔ Yemi 3:35

Blɔ nya nɛ Hiɔwe No ɔ ha wɔ ɔ, ke a he ngɛ wa dɛ ɔ, e le.

Kɔmɔ Yemi 3:36

Ke a yi dami sane ngɛ sane yemi he ɔ, Nyɔmtsɛ ɔ le.