Mose V, 24:6 - BAIBLO ALOO NGMAMI KLƆUKLƆU Ɔ

⁶ “Ke o pa nɔ́ ko ha nɔ ko ɔ, koo ngɔ e wɛ, kɛ e wɛ mi bi nɛ e kɛ gblɛɔ blɛfo ɔ kɛ to awaba. Ke o pee ja a, níhi nɛ e kɛ ma na e nya mi ngma nɛ o kpɔ ngɛ e dɛ ɔ nɛ.

Mose V, 24:6 ပူးပေါင်းရင်းမြစ်များ

Mose I, 44:30

Yuda ya nɔ, nɛ e de ke, “Lɔ ɔ he ɔ, ye nyɔmtsɛ, ke i je niheyo wayo nɛ ɔ he, nɛ i kpale kɛ ho tsaatsɛ ngɔ ya, nɛ tsaatsɛ na kaa i kɛ lɛ bɛ ɔ, e ma gbo. Tsaatsɛ kɛ jokuɛyo nɛ ɔ a klaa mi kpe wawɛɛ nitsɛ, nɛ a suɔ a he saminya. Tsaatsɛ bwɔ kotokoto, nɛ aywilɛho nɛ waa kɛ maa ba e nɔ ɔ, maa gbe lɛ.

Hiob 22:6

Ke o nyɛmi hɛɛ mo hiɔ nɛ e nyɛ we nɛ e wo mo ɔ, o kpaa bo ngɛ e he, nɛ o haa nɛ e hɛɛɔ e he gu.

Mateo 24:41

Yihi enyɔ maa hi wɛɛe ngɛ wɛ nɔ; a ma ba ngɔ nɔ kake, nɛ a ma si nɔ kake.

Luka 12:15

Jehanɛ ɔ, e de ni ɔmɛ tsuo ke, “Nyɛɛ hyɛ saminya, nɛ nyɛ hɛ ko kɔ nɔ́ ko nɔ́ ko nɔ; ejakaa pi ní babauu nɛ adesa na a mi nɛ e wami ngɛ.”

Mose V, 20:19

“Ke o hɛ dɔ kɛ ngɛ ma ko tuae ɔ, koo poo tsohi nɛ woɔ yiblii nɛ a yeɔ nɛ ngɛ lejɛ ɔ ngɔ pue he. Ke be nɛ o kɛ sá ma a yi kɛ kaa mɛni po, koo pee ja. Moo ye tso yiblii ɔmɛ, se o ko kpata tso ɔmɛ a hɛ mi. Tsa pi tso ɔmɛ ji o he nyɛli ɔmɛ nɛ o kɛ ná a.

Mose V, 24:5

“Ke nyumu ko kpee yo he ɔ, a ko ha nɛ nyumu ɔ nɛ ya ta, nɛ a ko ha lɛ ma ní tsumi ko hu nɛ e tsu. A ha nɛ e hi si gu jeha kake, bɔ nɛ pee nɛ e hi we mi, nɛ e kɛ e yo ɔ tsuo a bua nɛ jɔ a he.

Mose V, 24:7

“Nɔ tsuaa nɔ nɛ maa ju e nyɛmi Israel no, nɛ e maa pee lɛ nyɔguɛ, aloo e maa jua lɛ ɔ, á gbe lɛ. Bɔ nɛ o maa pee kɛ je yayami nɛ ɔ kɛ je nyɛ kpɛti ji nɛ ɔ nɛ.

Kpojemi 18:22

Babilon, la be pɛe gblegbleegble ngɛ ma a mi hu! A be kpa saku, loo adesa gbi, loo bɛ, loo titimati he nue hu gblegbleegble ngɛ ma a mi! A be ga ní tsulɔ ko ga ní tsulɔ ko kulaa nae ngɛ ma a mi hu; wɛ tɛ hu a be e nya nue hu!