Mose V, 24:5 - BAIBLO ALOO NGMAMI KLƆUKLƆU Ɔ

⁵ “Ke nyumu ko kpee yo he ɔ, a ko ha nɛ nyumu ɔ nɛ ya ta, nɛ a ko ha lɛ ma ní tsumi ko hu nɛ e tsu. A ha nɛ e hi si gu jeha kake, bɔ nɛ pee nɛ e hi we mi, nɛ e kɛ e yo ɔ tsuo a bua nɛ jɔ a he.

Mose V, 24:5 ပူးပေါင်းရင်းမြစ်များ

Abɛ Womi 5:18

Lɔ ɔ he ɔ, ha o yo bua jɔmi. O nihe mi yo kpeekpee ɔ, na e he bua jɔmi.

Mose V, 20:7

Anɛ nɔ ko ngɛ hiɛmɛ nɛ ɔ nɛ ya bi yo si, se e na we nɛ ngɔ lɛ lolo lo? Ke nɔ ko kaa ja ngɛ hiɛ ɔ, e kpale kɛ ho we mi ya. Ke pi ja a, ke e ba mi kaa e ya nɔ ta a, nɔ kpa maa ngɔ yo nɛ e ya bi si ɔ.’

Mose I, 2:24

Enɛ ɔ he je nɛ nyumu siɔ e tsɛ kɛ e nyɛ, nɛ e ngɔɔ e he ya mɛtɛɛ e yo he nɛ a peeɔ nɔ kake ɔ nɛ.

Fiɛlɔ 9:9

Be bɔɔ nɛ Mawu ha mo ngɛ zugba nɛ ɔ nɔ ɔ, o kɛ o yo nɛ o suɔ lɛ saminya a, nyɛɛ ye e mi ngɔɔmi. Daa ligbi nɛ nɔ́ ko be mi ɔ, nyɛɛ ye mle. Ejakaa dengme tsuo nɛ o ngɛ gboe ɔ, nɔ́ nɛ o ma na kɛ je mi ji lɔ ɔ nɛ.

1 Korintobi 7:29

Nyɛmimɛ, nɔ́ nɛ i ngɛ dee kɛkɛ ji kaa be ɔ pi hu. Kɛ je be nɛ ɔ mi kɛ yaa a, yitsɛmɛ nɛ a hi si kaa nɔ́ nɛ yo be a dɛ.

Luka 14:20

Nɔ kpa hu je e nya ke, ‘I kpee yo, nɛ lɔ ɔ he ɔ, i be nyɛe ma ya.’

Mose V, 24:6

“Ke o pa nɔ́ ko ha nɔ ko ɔ, koo ngɔ e wɛ, kɛ e wɛ mi bi nɛ e kɛ gblɛɔ blɛfo ɔ kɛ to awaba. Ke o pee ja a, níhi nɛ e kɛ ma na e nya mi ngma nɛ o kpɔ ngɛ e dɛ ɔ nɛ.