Mose V, 24:20 - BAIBLO ALOO NGMAMI KLƆUKLƆU Ɔ

²⁰ Ke o ya kplɔ o we oliv tso ɔmɛ a yiblii ɔ, koo kpale o se kɛ ya tso kɔni ɔmɛ nɛ o kpa ni ngɛ a nɔ mo ɔ a he ekohu. Ha nɛ nɔ nɛ piɛ ngɛ nɔ ɔ nɛ hi si ha nibwɔhi, awusahi, kɛ yalɔyihi.

Mose V, 24:20 ပူးပေါင်းရင်းမြစ်များ

Mose III, 19:10

Wai ngmɔtsɛ kó kpa wai yiblii ɔmɛ tsuo ngɛ e wai tso ɔmɛ a nɔ. Wai yiblii nɛ maa nɔɔ si ngɛ wai ngmɔ ɔ mi ɔ hu e ko ya kukuɔ. E si ha ohiatsɛmɛ, kɛ nibwɔhi. Imi ji Yawɛ, nyɛ Mawu ɔ nɛ.

Mose III, 19:9

“Ke nyɛ ngɛ nyɛ ngmɔ ní kpae ɔ, nyɛ ko kpa ní ɔ kɛ ya su ngmɔ ɔ tue haa. Nyɛ ko muɔ nɔ́ nɛ ma pue si ngɛ ní kpami ɔ se hulɔ.

Mose V, 24:19

“Ke o bua o ngmɔ niba ní nya, nɛ e piɛ blɛfo nɛ o kpɔ pue si ɔ eko nɛ o ngɔɛ kɛ bɛ we mi ɔ, koo kpale ya kukuɔ; mo si ha nibwɔhi, awusahi, kɛ yalɔyihi, konɛ Yawɛ, o Mawu ɔ nɛ gbaa nɔ́ tsuaa nɔ́ nɛ o ngɛ tsue nɔ ha mo.

Mose V, 24:21

Ke o bua o wai yiblii ɔmɛ a nya si kake ɔ, koo kpale o se nɛ o ya bua nya si enyɔne ngɛ he kake ɔ kɛ̃; si wai yiblii nɛ piɛ ɔ ha nibwɔhi, awusahi, kɛ yalɔyihi.