Mose V, 24:19 - BAIBLO ALOO NGMAMI KLƆUKLƆU Ɔ

¹⁹ “Ke o bua o ngmɔ niba ní nya, nɛ e piɛ blɛfo nɛ o kpɔ pue si ɔ eko nɛ o ngɔɛ kɛ bɛ we mi ɔ, koo kpale ya kukuɔ; mo si ha nibwɔhi, awusahi, kɛ yalɔyihi, konɛ Yawɛ, o Mawu ɔ nɛ gbaa nɔ́ tsuaa nɔ́ nɛ o ngɛ tsue nɔ ha mo.

Mose V, 24:19 ပူးပေါင်းရင်းမြစ်များ

Mose III, 23:22

Ke nyɛ kpa nyɛ zugba a nɔ ní ɔ, nyɛ ko kpa ngmɔ ɔ mi kɛ ngmɔ ɔ nya ní ɔmɛ tsuo kɛ pi si; nɔ́ nɛ ma pue si, loo e maa piɛ ɔ hu, nyɛ ko kpale nyɛ se kɛ ya kpɛte. Nyɛ si ha ohiatsɛmɛ kɛ nibwɔhi. Imi ji Yawɛ, nyɛ Mawu ɔ nɛ.

Mose V, 14:29

Levi bi ɔmɛ a niye ní ji nɛ ɔ nɛ, ejakaa mɛɛ lɛɛ a be weto ní ko. Nibwɔhi, awusahi, kɛ yalɔyihi hu nɛ ngɛ nyɛ ma amɛ a mi ɔ, nyɛ ha nɛ a ye eko nɛ a tɔ. Ke nyɛ pee ja a, Yawɛ, nyɛ Mawu ɔ maa gbaa nyɛ ngɛ nɔ́ tsuaa nɔ́ nɛ nyɛ ngɛ tsue ɔ mi.

Abɛ Womi 19:17

Ke o na ohiatsɛ mɔbɔ ɔ, e ngɛ kaa o pa nɔ́ ko ha Yawɛ; nɛ nɔ́ nɛ o pee ɔ, e maa to nane mi ha mo.

Luka 6:38

Nyɛɛ ke nyɛ sibi ní, nɛ Mawu hu maa ke nyɛ ní ja nɔuu. Ee, Mawu maa ke nyɛ ní kpakpahi babauu nɛ nyɛ nine be he kpee, níhi kaa blɛfo nɛ a gbee nɔ, nɛ a sa mi, nɛ a bo ngɔ wo kotoku mi bami, nɛ e hyi tɔ kɛ be nɔ. Susumi nɔ́ nɛ nyɛɛ kɛ susuɔ nɔ́ ha ni kpahi ɔ, lɔ ɔ nɔuu a kɛ ma susu ha nyɛ.”

Yesaya 32:8

Se nɔ nɛ hɛ mi ngɛ nyami ɔ lɛɛ ní kpakpahi a he e susuɔ, nɛ e yeɔ dami sane.

La 112:9

E keɔ ohiatsɛmɛ ní kɛ jeɔ e tsui mi faa. E naa mɔbɔ daa. E hɛ mi maa ba nyami, nɛ a maa bu lɛ.

Hiob 42:12

Yawɛ gbaa Hiob ngɛ nyagbe be nɛ ɔ mi kulaa pe bɔ nɛ e gbaa lɛ kekle ɔ. Hiob ba na to akpe nyɔngma kɛ eywiɛ, afukpɔngɔ akpe ekpa, na blablɛ akpe kɛ teji akpe.

Mose V, 26:13

de Yawɛ, o Mawu ɔ ke, ‘I je ní klɔuklɔu ɔmɛ tsuo kɛ je ye we ɔ mi, nɛ i ngɔ ha Levi bi, nibwɔhi, awusahi, kɛ yalɔyihi ngɛ mlaa nɛ o wo mi ɔ nya; i tɔ̃ we ekoeko, nɛ ye hɛ ji eko nɔ hulɔ.

Mose V, 15:10

Ha lɛ nɔ́ nɛ ngɛ lɛ hiae ɔ faa nɛ kpɛle peemi be mi. Ke o pee ja a, Yawɛ maa gbaa mo ngɛ nɔ́ tsuaa nɔ́ nɛ o ngɛ tsue ɔ mi.

Luka 6:35

Dɛbi! Nyɛɛ suɔ nyɛ he nyɛli, nɛ nyɛɛ pee mɛ kpakpa; nyɛɛ pa sika ha nɔ, nɛ nyɛ ko hyɛ blɔ kaa e ma ba wo hiɔ. Kɛkɛ ɔ, nyɛ hiɔwo maa hiɛ, nɛ nyɛ maa pee Hiɔwe No ɔ bimɛ; ejakaa lɛɛ e naa otlumuhi, kɛ yiwutsotsɛmɛ tsuo mɔbɔ.

Abɛ Womi 14:21

Nɔ nɛ gbeɔ e nyɛmi he guɛ ɔ, yayami e ngɛ pee ɔ nɛ. Se nɔ nɛ naa ohiatsɛ mɔbɔ ɔ, a gbaa lɛ.

Mose V, 24:18

Mo kai kaa o ye nyɔguɛ ngɛ Egipt, nɛ Yawɛ, o Mawu ɔ ha o ye o he, lɔ ɔ he nɛ i ngɛ mo mlaa nɛ ɔ woe ɔ nɛ.

Rut Womi 2:2

Ligbi ko ɔ, Rut, Moab yo ɔ, de Naomi ke, “Ha ma ya nyɛɛ ngmɔ ɔmɛ a mi nɛ ma ya kukuɔ ngma bibliwi ngɛ ní kpali ɔmɛ a se. Nɔ ko kɛ̃ maa ngmɛ mi blɔ nɛ ma kukuɔ ní ngɛ e se.” Naomi de lɛ ke, “Ye bi, moo ya.”