Mose V, 24:15 - BAIBLO ALOO NGMAMI KLƆUKLƆU Ɔ

¹⁵ Daa ligbi, loko pu maa nɔ si ɔ, wo lɛ nɔ́ nɛ e tsu jamɛ a ligbi ɔ he hiɔ. Sika a he ngɛ lɛ hiae, nɛ e ngɔ e hɛ ngɔ fɔ nɔ. Ke o wui lɛ hiɔ ɔ, nɛ e fa kue ha Yawɛ ngɛ nɔ́ nɛ o pee nɛ ɔ he ɔ, a maa bu mo fɔ kaa o pee yayami.

Mose V, 24:15 ပူးပေါင်းရင်းမြစ်များ

Mose III, 19:13

“Koo fia o nyɛmi ojo, nɛ koo ju e nɔ́ ko hulɔ. Ke o ya bɔ nɔ ko apaa ke e ba tsu ní ha mo ɔ, wo lɛ hiɔ loko je nɛ na nɔ.

Yakobo 5:4

Apaa yeli nɛ hu nyɛ ngmɔ ɔmɛ ha nyɛ ɔ, nyɛ wui mɛ hiɔ. Nyɛɛ hyɛ bɔ nɛ a ngɛ ngmlaa kpae boboobo ha! Ní kpali nɛ bua nyɛ ngmɔ ní nya a a ngmlaa a ya su Nyɔmtsɛ Tabohiatsɛ ɔ tue mi tɔɔ.

Yeremia 22:13

Nɔmlɔ nɛ guu blɔ nɛ dɛ nɔ nɛ e kɛ poo we, nɔ nɛ kɛ nɔ sisimi maa mɔ, nɔ nɛ haa nɛ e nyɛmi sɔmɔɔ lɛ yaka nɛ e wui lɛ hiɔ ɔ, musu tloo lɛ!

Mose V, 15:9

Ke jeha nɛ a kɛ hiɔ kee nɔ ɔ su ta po, ko kua kaa o maa pa lɛ nɔ́ ko. Ko ha susumi yaya kaa kikɛ nɛ ɔ nɛ ba o yi mi. Ke o kua lɛ nɔ́ nɛ hia lɛ ɔ hami, nɛ e fa kue ha Yawɛ kɛ si mo ɔ, a maa bu mo fɔ.

Hiob 35:9

Ke a ngɛ nimli adesahi yi mi wae ɔ, a kpaa ngmlaa kɛ tsɛɔ balɔ.

Hiob 34:28

A ha nɛ ohiatsɛmɛ kpa ngmlaa kɛ ba Mawu yemi kɛ buami, nɛ Mawu nu nɔ́ nali ɔmɛ a kue fami ɔ.

Marko 10:19

Tse o le mlaa amɛ: ‘Koo gbe nɔmlɔ; ko puɛ gba; koo ju; koo ye lakpa odase; koo sisi nɔ; bu o tsɛ kɛ o nyɛ!’ ”

Mateo 20:8

“Gbɔkuɛ ɔ, wai ngmɔtsɛ ɔ de e tsɔlɔ nɔkɔtɔma a ke, ‘Tsɛ ní tsuli ɔmɛ nɛ o wo mɛ hiɔ. Jee sisi kɛ je sekpɛtsɛmɛ ɔmɛ a nɔ kɛ yaa su kekletsɛmɛ ɔmɛ a nɔ.’

Yesaya 5:7

Israel ma a ji Yawɛ Tabohiatsɛ ɔ wai ngmɔ ɔ nɛ; Yuda bi ɔmɛ ji wai tso kpakpa amɛ nɛ e du ɔ nɛ. E hyɛ blɔ kaa a maa ye dami sane, se muɔ si mohu a ngɛ puee. E hyɛ blɔ kaa a maa pee nɔ́ nɛ da, se amimi mohu a ngɛ ma a yee, nɛ nɔ́ nɛ ɔ ha ni ɔmɛ ngɛ ngmlaa kpae.

La 86:4

Nyɔmtsɛ, ha nɛ o tsɔlɔ ɔ nɛ na bua jɔmi, ejakaa mo lɛ i faa kue kɛ haa.

La 25:1

Yawɛ, mo lɛ i ngɛ kue fae kɛ ngɛ hae.

La 24:4

Nɔ nɛ pee we yayami, nɛ e tsui mi tsɔ. Nɔ nɛ ja we yakayaka níhi, nɛ e ka we kita kɛ sisi nɔ.

Hiob 31:38

Ke ye zugba a, aloo ngmɔ nɛ i pee ngɛ zugba a nɔ ɔ maa po ye nya

1 Timoteo 5:18

Ejakaa ngmami ɔ deɔ ke, “Na nɛ ngɛ blɛfo gblɛe ha mo ɔ, koo fi e nya.” Ngmami kpa hu deɔ ke, “Ní tsulɔ ɔ, e hiɔwo sa lɛ.”

Mose III, 25:35

Ke e fi o nyɛmi Israel fɔfɔɛ, nɛ e dɛ mi ta, nɛ e nyɛ we nɛ e hyɛ e he nɔ hu ɔ, moo hyɛ e nɔ. O kɛ lɛ nɛ hi si kaa nubwɔ nɛ ba to mo, konɛ e nyɛ nɛ e hi o ngɔ.

Hiob 31:13

Ke ye tsɔlɔ nyumu, aloo ye mawayo ko kɛ mi na sane ɔ, i yeɔ sane ɔ ngɛ blɔ nɛ da nɔ.

Hiob 7:2

Nɔmlɔ ngɛ kaa nyɔguɛ nɛ ngɛ hɔ̃ hlae nɛ e hi mi. E ngɛ kaa apaa yelɔ nɛ ngɛ e hiɔwo blɔ hyɛe.

Malaki 3:5

Yawɛ Tabohiatsɛ ɔ ke, “Ma ba nyɛ ngɔ nɛ ma ba kojo, nɛ ma gbla nimli nɛ ɔmɛ a tue amlɔ: kunya yeli, gba puɛli, lakpa odase yeli, nihi nɛ sisiɔ ní tsuli nɛ a wui mɛ hiɔ susui, kɛ ni nɛmɛ nɛ waa yalɔyihi, awusahi, kɛ nibwɔhi yi mi. Ee, ma gbla nɔ tsuaa nɔ nɛ bui mi ɔ tue.” Yawɛ Tabohiatsɛ ɔ lɛ de.