Mose V, 24:14 - BAIBLO ALOO NGMAMI KLƆUKLƆU Ɔ

¹⁴ “Koo sisi apaatsɛ ohiatsɛ nɛ e fi lɛ ɔ, o nyɛmi Israel no jio, nubwɔ nɛ ngɛ o ma amɛ eko mi jio.

Mose V, 24:14 ပူးပေါင်းရင်းမြစ်များ

Malaki 3:5

Yawɛ Tabohiatsɛ ɔ ke, “Ma ba nyɛ ngɔ nɛ ma ba kojo, nɛ ma gbla nimli nɛ ɔmɛ a tue amlɔ: kunya yeli, gba puɛli, lakpa odase yeli, nihi nɛ sisiɔ ní tsuli nɛ a wui mɛ hiɔ susui, kɛ ni nɛmɛ nɛ waa yalɔyihi, awusahi, kɛ nibwɔhi yi mi. Ee, ma gbla nɔ tsuaa nɔ nɛ bui mi ɔ tue.” Yawɛ Tabohiatsɛ ɔ lɛ de.

Abɛ Womi 14:31

Nɔ nɛ waa ohiatsɛ yi mi ɔ, Mawu ɔ nɛ bɔ ohiatsɛ ɔ e ngɛ jɛe ɔ nɛ. Se nɔ nɛ naa ni nɛmɛ nɛ e fi mɛ mɔbɔ ɔ, e ngɛ Mawu hɛ mi nyami woe.

Abɛ Womi 22:16

Nɔ nɛ waa ohiatsɛmɛ yi mi nɛ e kɛ naa ní, aloo nɔ nɛ keɔ niatsɛmɛ ní ɔ, nyagbe ɔ, lɛ nitsɛ e ma ba ye ohia.

Amos 4:1

Amos ya nɔ nɛ e de ke, “Nyɛ Samaria yihi nɛ nyɛ plɔke pee tɔfutɔfu kaa Bashan nahi nɛ a je blɔ lɛ mɛ, nyɛɛ bu tue! Nyɛ nɛ nyɛ waa ohiatsɛmɛ yi mi, nɛ nyɛ sisiɔ dɛgutsɛmɛ, nɛ nyɛ nyɛɔ nyɛ hunomɛ a nɔ ke a ha nyɛ dã nɛ nyɛɛ nu!

Luka 10:7

Nyɛɛ hi jamɛ a we ɔ mi nɔuu. Nɔ́ tsuaa nɔ́ nɛ a ha nyɛ ke nyɛɛ ye ɔ, nyɛɛ ye, nɛ nɔ́ tsuaa nɔ́ nɛ a ha nyɛ ke nyɛɛ nu ɔ, nyɛɛ nu; ejakaa ní tsulɔ ɔ, e hiɔwo sa lɛ. Nyɛ ko klɛ̃ kɛ je we kake mi kɛ ya we kake mi.

Amos 2:7

Nyɛ niatsɛmɛ ɔmɛ hlaa kaa a ye ohiatsɛmɛ amimi daa; ke ohiatsɛ ngɛ amanehlu mi, kɛkɛ niatsɛ bua jɔ. Nɔ kɛ e tsɛ po kɛ nyɔguɛ yo kake naa bɔmi, nɛ a kɛ nɔ́ nɛ ɔ peemi bleɔ ye biɛ klɔuklɔu ɔ.

Amos 8:4

Nyɛ jua yeli nɛ nyɛ kpɔɔ níhi ngɛ dɛgutsɛmɛ a dɛ, nɛ nyɛ hlaa kaa nyɛ ma kpata ohiatsɛmɛ nɛ ngɛ zugba a nɔ ɔ a hɛ mi, nyɛɛ bu tue!

Ezekiel 22:7

Nɔ ko nɔ ko be ma a mi nɛ buɔ e fɔli. O yeɔ nibwɔhi amimi, nɛ o waa awusahi, kɛ yalɔyihi hu yi mi.

1 Timoteo 5:18

Ejakaa ngmami ɔ deɔ ke, “Na nɛ ngɛ blɛfo gblɛe ha mo ɔ, koo fi e nya.” Ngmami kpa hu deɔ ke, “Ní tsulɔ ɔ, e hiɔwo sa lɛ.”

Mose III, 19:13

“Koo fia o nyɛmi ojo, nɛ koo ju e nɔ́ ko hulɔ. Ke o ya bɔ nɔ ko apaa ke e ba tsu ní ha mo ɔ, wo lɛ hiɔ loko je nɛ na nɔ.

Mose V, 15:7

“Ke Israel fɔfɔɛ ko dɛ mi ba ta ngɛ ma amɛ a mi ngɛ zugba a nɛ Yawɛ, o Mawu ɔ ngɔ kɛ ngɛ mo hae ɔ nɔ ɔ, koo pee kpɛle nɛ o nyɛ lɛ nɔ́ he.