Mose V, 24:1 - BAIBLO ALOO NGMAMI KLƆUKLƆU Ɔ

¹ “Waa ngɔ lɛ kaa nyumu ko ngɔ yo, nɛ pee se ɔ, e sume lɛ hu; ejakaa e na nɔ́ yayami ko ngɛ yo ɔ he. Lɔ ɔ he ɔ, e ngma gba mi pomi womi nɛ e ngɔ wo e dɛ; nɛ e ha e je e we ɔ mi.

Mose V, 24:1 ပူးပေါင်းရင်းမြစ်များ

Yeremia 3:8

Yuda na kaa i ha Israel gba mi pomi womi nɛ i fie lɛ, ejakaa e je ye se nɛ e ya bɔ ajuama. Se Yuda nɛ ngɛ kaa e nyɛmiyo Israel ɔ yi gbeye.

Yesaya 50:1

Yawɛ ke, “Anɛ nyɛ susuɔ kaa i ha ye ma a je ye he kɛ ho kaa bɔ nɛ nyumu kɛ e yo poɔ gba mi, nɛ e haa yo ɔ gba mi pomi womi ɔ lo? Ke ja nyɛ susu ɔ, jije gba mi pomi womi ɔ ngɛ mɔ? Anɛ nyɛ susuɔ kaa i jua nyɛ kɛ ho ma se ya kaa bɔ nɛ a juaa bimɛ kaa nyɔguɛhi lo? Dɛbi, nyɛ yayami ɔmɛ a he nɛ a jua nyɛ ɔ nɛ; nyɛ mlaa tɔmi ɔmɛ a he a fie nyɛ kɛ ho ɔ nɛ.

Mose V, 22:29

nyumu ɔ nɛ wo yomiyo ɔ tsɛ ɔ sika hiɔ yi nyingmi enuɔ nɛ ji yo se ní ɔ; nɛ a ha nɛ e ngɔ yo ɔ, ejakaa e puɛ lɛ. E ko ngmɛɛ yo ɔ he kɛ yaa si e ma gbo.

Mose V, 22:19

A ma he lɛ sika hiɔ yi lafa, aloo susumi nɔ́ nɛ a tsɛɛ kilo ɔ kake kɛ piɛ he kɛ ha yiheyo ɔ tsɛ ɔ; ejakaa nyumu ɔ wo Israel yomiyo he ní. Jehanɛ hu a ha nɛ e ngɔ yo ɔ; e be he blɔ kaa e fieɔ lɛ kɛ yaa si e ma gbo.

Mose V, 22:13

“Waa ngɔ lɛ kaa nyumu ko ya ngɔ yiheyo ko, nɛ benɛ e kɛ lɛ ya hwɔ ɔ, e sume lɛ hu.

Mose V, 24:3

nɛ nyumu nɛ ɔ hu sume lɛ, nɛ e ngma gba mi pomi womi nɛ e ngɔ wo e dɛ, nɛ e ha e je e we ɔ mi. Aloo waa ngɔ lɛ kaa nyumu nɛ e ya gba sekpɛ nɛ ɔ gbo.

Mose II, 21:10

Ke e binyumu nɛ ɔ ya ngɔ yo kpa kɛ piɛ nɔ kaketsɛ ɔ he ɔ, e ha kekle yo ɔ e tsu nya yo blɔ nya nɔ́ tsuaa nɔ́ pɛpɛɛpɛ; eko nɛ ko je nɔ. E he bo, e nya mi ngma, kɛ e yogbayo blɔ nya nɛ ko bɔ lɛ.

Luka 16:18

“Nɔ tsuaa nɔ nɛ fieɔ e yo, nɛ e ya ngɔɔ yo kpa a, e puɛ gba; nyumu nɛ ya ngɔɔ yo nɛ e huno fie lɛ ɔ, lɛ hu e puɛ gba.

Mateo 1:19

E huno Yosef ɔ, nɔmlɔ nɛ peeɔ nɔ́ nɛ da ji lɛ, nɛ e hla we kaa e ma pue Maria hɛ mi si. Lɔ ɔ he ɔ, e to kaa e maa ngmɛɛ e he kpoo.

Malaki 2:16

Yawɛ, Israel Mawu ɔ ke, “I sume nɛ nɔ fieɔ e yo. Ke nɔ ko pee e yo yi wu tso nɔ́ ko kaa kikɛ nɛ ɔ, i sume. Enɛ ɔ he je ɔ, nyɛɛ hyɛ nyɛ he nɔ saminya, konɛ si ko nɛ nyɛ wo nyɛ yi ɔmɛ kaa nyɛ maa ye mɛ anɔkuale ɔ, nyɛ ko je se.”

Mose V, 21:15

“Waa ngɔ lɛ kaa nyumu ko ngɛ yihi enyɔ, nɛ e suɔ nɔ kake saminya, se e sume nɔ kake sane tsɔ, nɛ e kɛ mɛ ni enyɔ ɔmɛ tsuo fɔ binyumuhi, se yo ɔ nɛ e sume lɛ tsɔ ɔ bi ji bi nɔkɔtɔma.

Mose IV, 5:12

“Mo de Israel bi ɔmɛ ke, ke nyumu ko yo je e se, nɛ e ya tɔ e nɔ,

Mose IV, 5:28

Se ke yo ɔ ya ble we e he, nɛ e he tsɔ ɔ, lɛɛ e maa ye e he, nɛ e ma nyɛ ma fɔ bimɛ.

Mose V, 24:2

Jehanɛ, waa ngɔ lɛ ekohu kaa yo ɔ ya gba nyumu kpa,

Yeremia 3:1

Yawɛ ke, “Ke nyumu ko fie e yo, nɛ yo ɔ je e he nɛ e ya pee nyumu kpa e yo ɔ, nyumu nɛ ɔ be he blɔ nɛ e ya ngɔɔ lɛ ekohu. Ke e pee ja a, e ble zugba a gbidii. Se Israel, moo lɛɛ o je ye he nɛ o ya ngɔ yihi babauu. Nɛ jehanɛ lɛɛ o ngɛ hlae nɛ o kpale kɛ ba ye ngɔ!