Mose V, 23:8 - BAIBLO ALOO NGMAMI KLƆUKLƆU Ɔ

⁸ Bimɛ nɛ a ma fɔ ha mɛ, kɛ je yi nɔ nɛ ji etɛ ɔ kɛ yaa a, mɛɛ lɛɛ a ma nyɛ ma futu Yawɛ ma mi bi ɔmɛ.

Mose V, 23:8 ပူးပေါင်းရင်းမြစ်များ

Mose V, 23:7

“Koo hie Edom no; ejakaa o nyɛmi ji lɛ. Koo hie Egipt no; ejakaa o ya hi e zugba a nɔ hyɛ.

Mose V, 23:9

“Ke o hia ta nɛ o kɛ o he nyɛli yaa kpe ɔ, moo hyɛ saminya nɛ o ko pee nɔ́ ko nɛ ma ble mo.

Mose I, 25:25

Nɔ nɛ ba kekle ɔ tsuɔ papaapa, nɛ e he womi ngɛ kaa bo nɛ a kɛ bwɔmi lo. Enɛ ɔ he je ɔ, a wo lɛ biɛ ke Esau.

Mose I, 25:26

Benɛ enyɔne ɔ ma a, e kɛ e nine fua e nyɛmi Esau nane se ja kpɛii; lɔ ɔ he ɔ, a wo lɛ biɛ ke Yakob. Isak ye jeha nyingmi ekpa benɛ a fɔ hawi ɔmɛ ɔ.

Mose II, 22:20

“Nɔ tsuaa nɔ nɛ maa sã bɔ kɛ ha mawu kpa ko, se pi imi Yawɛ ɔ, a kpata e hɛ mi.

Mose III, 19:34

Ke nɔ ko ba to nyɛ nubwɔ ɔ, nyɛɛ bu lɛ kaa ma a mi no nɔuu. Moo suɔ lɛ kaa bɔ nɛ o suɔ mo nitsɛ o he ɔ; ejakaa nyɛ hu nyɛ ya to nubwɔ hyɛ ngɛ Egipt zugba a nɔ. Imi ji Yawɛ, nyɛ Mawu ɔ nɛ.

Mose V, 10:19

Lɔ ɔ he ɔ, nyɛɛ suɔ nibwɔ ɔmɛ a sane; ejakaa nyɛ hu nyɛ ya to nubwɔ hyɛ ngɛ Egipt.

Samuel I, 30:11

David we bi ɔmɛ ya na Egipt niheyo ko ngɛ nga a nɔ, nɛ a kɛ lɛ ba David ngɔ. A ha lɛ ní nɛ e ye, nɛ a ha lɛ nyu nɛ e nu.

Matsɛmɛ I, 3:1

Salomo ya to Egipt matsɛ ɔ ngatsɛ. E ngɔ Farao ɔ biyo, nɛ e kɛ lɛ ba hi David ma a mi kɛ ya si be nɛ e ma matsɛ we ɔ, kɛ Yawɛ we ɔ gbe nya, nɛ́ e fia gbogbo ngɔ wo Yerusalem he.

Ezra 9:1

Ní nɛ ɔmɛ tsuo a se ɔ, ma nimeli ɔmɛ a ti ni komɛ ba ye ngɔ nɛ a ba de mi ke, “Israel ma a, osɔfo ɔmɛ, kɛ Levi bi ɔmɛ tsɔ we a he kɛ ji nihi nɛ ngɛ zugba a nɔ ɔ a he. Ní hiemi níhi nɛ a ngɛ peeɔ, a kɛ mɛ lɛ peeɔ. Kikɛmɛ a zugba amɛ, kɛ ma amɛ ji Kanaan, Hit, Periz, Yebus, Amon, Moab, Egipt, kɛ Amor.

Obadia 1:10

“O nyɛmimɛ ji Yakob nina. Se o wa mɛ yi mi, nɛ o gbe mɛ. Lɔ ɔ he ɔ, a ma kpata o hɛ mi, nɛ a ma pue o hɛ mi si kɛ ya neneene.” Mawu lɛ de.