Mose V, 23:22 - BAIBLO ALOO NGMAMI KLƆUKLƆU Ɔ

²² Ke o wui Yawɛ si kulaa a, e pi tɔmi.

Mose V, 23:22 ပူးပေါင်းရင်းမြစ်များ

Mose V, 23:21

“Ke o wo Yawɛ, o Mawu ɔ si ɔ, ye nɔ; koo to tsle. Yawɛ hyɛɛ blɔ kaa o ye o siwo ɔ nɔ; nɛ ke o pee we ja a, e ji tɔmi.

Mose V, 23:23

Se ke o je mo nitsɛ o tsui mi nɛ o wo si ɔ, ye nɔ pɛpɛɛpɛ.

Mose III, 27:2

e de Israel bi ɔmɛ ke, ke nɔ ko wo si kaa e maa ngɔ nɔ ko ngɔ ha Yawɛ ɔ, blɔ nɔ nɛ a maa gu kɛ kpɔ nɔ ɔ ji nɛ ɔ nɛ.

Yoshua 9:18

Se Israel bi ɔmɛ gbi ni ɔmɛ; ejakaa Israel ma nimeli ɔmɛ ka mɛ kita ngɛ Yawɛ, Israel Mawu ɔ hɛ mi kaa a be mɛ gbee. Enɛ ɔ ha ma kpekpemi ɔ tu munyu huitihuiti kɛ si ma nimeli ɔmɛ.

La 50:14

Nyɛɛ sã bɔ nɛ nyɛ kɛ na Mawu si, konɛ si nɛ nyɛ wo Hiɔwe No ɔ, nyɛɛ ye nɔ.

La 66:13

Ma ngɔ sami bɔ kɛ ba o we ɔ, ma ye ye siwo ɔmɛ a nɔ ha mo.

Abɛ Womi 20:25

Mo susu o yi mi saminya loko o wo Mawu si, konɛ e ko ba pee klama nɛ maa du mo pee se.

Fiɛlɔ 5:5

Afani nɛ o wui si kulaa, pe kaa o maa wo si, nɛ o be nɔ yee.