Mose V, 23:18 - BAIBLO ALOO NGMAMI KLƆUKLƆU Ɔ

¹⁸ Jehanɛ hu, hiɔ nɛ a woɔ yaholɔ, loo nyumu nɛ e kɛ e nyɛmi nyumu hwɔɔ ɔ, a ko ngɔ kɛ ba Yawɛ hɛ mi kaa siwo nɔ yemi bɔ. Yawɛ hiee nihi nɛ tsuɔ ní nɛ ɔmɛ.

Mose V, 23:18 ပူးပေါင်းရင်းမြစ်များ

Filipibi 3:2

Nyɛɛ hyɛ saminya ngɛ gbee ɔmɛ a he, nyɛɛ hyɛ saminya ngɛ ní tsuli yaya amɛ a he, nyɛɛ hyɛ saminya ngɛ nihi nɛ woɔ nɔmlɔ tso ɔ he pa ke a po nɔ ɔ a he.

Kpojemi 22:15

Se ni nɛ ɔmɛ lɛɛ a be mɛ blɔ hae nɛ a sɛ ma a mi: gbe ɔmɛ, nyuali ɔmɛ, nihi nɛ fiɛɔ yo kɛ nyumu yakayaka fiɛmi ɔ, nɔmlɔ gbeli ɔmɛ, amaga jali ɔmɛ, kɛ nihi nɛ suɔ lakpa yemi ɔ.

Mateo 7:6

“Nyɛ ko ngɔ níhi nɛ ngɛ klɔuklɔu ngɔ ha gbehi; ke nyɛ pee jã a, a ma plɛ wo nyɛ, nɛ a ma tua nyɛ. Nyɛ ko sake nyɛ june ngɔ pue kpotoohi a blɔ mi; ke nyɛ pee jã a, a maa naa nɔ.

2 Petro 2:22

Nɔ́ nɛ ba a nɔ ɔ tsɔɔ kaa abɛ nɛ ɔmɛ ngɛ mi niinɛ: “Gbe kpaleɔ kɛ yaa lɛ nitsɛ e vie he,” kɛ “Kpotoo nɛ a du ha lɛ ɔ kpaleɔ ya wuɔ mɔsɔ ekohu.”

Habakuk 1:13

Se kɛ pee kɛɛ nɛ o ngɛ yiwutsotsɛmɛ nɛ ɔmɛ hyɛe nɛ o de we nɔ́ ko ɔ? Mo nɛ o hɛngmɛ ngɛ klɔuklɔu, nɛ o hyɛ we nɔ yayami, loo nɔ́ nɛ dɛ ɔ, mɛni he je nɛ o ngɛ hyɛe nɛ nimli yayamihi ngɛ dali a hɛ mi kpatae, nɛ o de we nɔ́ ko ɔ?

Ezekiel 16:33

Yaholi heɔ sika kaa a hiɔwo ngɛ nyumu ɔmɛ a dɛ; se moo lɛɛ mo mohu lɛ o kee o suɔli ɔmɛ tsuo ní; o haa mɛ nyɔ mi ní, konɛ a je he tsuaa he kɛ ba nɛ a kɛ mo ba hwɔ si.

Yesaya 61:8

Yawɛ de Yerusalem bi ɔmɛ ke, “I suɔ kaa a ye dami sane; i sume ojo fiami, kɛ yi mi wami; ma pee ye ma a kpakpa bɔ nɛ sa mɛ, nɛ i kɛ mɛ maa so somi ko nɛ maa hi si kɛ maa ya neneene.

Abɛ Womi 26:11

Kuasia nɛ kpaleɔ ya jeɔ kuasia si enyɔne ɔ, e ngɛ kaa gbe nɛ kpaleɔ ya yeɔ lɛ nitsɛ e vie ekohu.

La 22:16

Nimli yayamihi ba bɔle mi kɛ kpe kaa gbehi, nɛ a ngɛ ye nine kɛ ye nane tsɔtslɔɔe.

Mose V, 23:21

“Ke o wo Yawɛ, o Mawu ɔ si ɔ, ye nɔ; koo to tsle. Yawɛ hyɛɛ blɔ kaa o ye o siwo ɔ nɔ; nɛ ke o pee we ja a, e ji tɔmi.

Mose III, 18:22

Nyumu kɛ nyumu kó na bɔmi kaa yo kɛ nyumu; a hĩɔ.

Malaki 1:14

Nɔ nɛ to ku ngɛ e to tsu mi, nɛ e wo si ke e kɛ lɔ ɔ maa sã bɔ ha mi, se mohu e ngɔ nɔ́ nɛ kpa ngɛ he kɛ ba a, musu tloo kikɛmɛ a sisilɔ nɛ ɔ! Ejakaa matsɛ nguaa ji mi, nɛ je ma amɛ tsuo yeɔ mi gbeye.” Yawɛ Tabohiatsɛ ɔ lɛ de.

Mose V, 12:6

Nyɛ ya sã nyɛ sami bɔ ɔmɛ, bɔ kpa amɛ, nyɛ níhi a mi dlami nyɔngmanyɔngma mi kakaaka amɛ, kɛ nyɛ bɔ ɔmɛ tsuo ngɛ lejɛ ɔ. Nike ní nɛ nyɛ wo si ke nyɛ ma ha Yawɛ, kɛ nike ní nɛ je nyɛ tsui mi faa, nyɛ na amɛ, kɛ nyɛ to ɔmɛ a kekleekle bi ɔmɛ hu nyɛɛ ngɔ kɛ ya lejɛ ɔ.

Mose III, 7:16

Ke nɔ ko ba sã tue mi jɔmi bɔ ɔ; nɔ́ ko nɛ e wo he si jio, nɔ́ nɛ je e tsui mi faa jio, a ma nyɛ ye lo ɔ ligbi ɔ nɛ e kɛ ba a. Ke eko piɛ ɔ, a ye e nɔ jena.

Mose III, 19:29

“Ko ha nɛ o biyo nɛ pee e he yaholɔ, nɛ e ba puɛ. Ke e pee ja a, yahomi kɛ musu bɔmi ma ba hiɛ ngɛ zugba a nɔ.

Mose III, 20:13

Ke nyumu kɛ nyumu na bɔmi kaa nyumu kɛ yo bɔɔ ɔ, mɛ ni enyɔ ɔmɛ tsuo a bɔ musu. Á gbe mɛ; a gbenɔ ɔ sa mɛ nitsɛmɛ.

Mose V, 22:21

lɛɛ a kɛ yiheyo ɔ nɛ ba e tsɛ we ɔ agbo ɔ nya, nɛ́ e ma a mi nyumu ɔmɛ nɛ a fiaa lɛ tɛ nɛ e gbo. E tsu zo ní ngɛ wa ma mi bi ɔmɛ a kpɛti, kaa e le nyumu be mi nɛ e ngɛ e tsɛ we mi loko a ba ngɔ lɛ. Pee jã kɛ je yayami nɛ ɔ kɛ je nyɛ kpɛti.

Mika 1:7

A maa ku Samaria amaga amɛ tsuo dukuduku. A kɛ la maa sã ní tsuo nɛ e na kɛ je yahomi mi ɔ. Ma kpata e wɔ ɔmɛ tsuo a hɛ mi. Ní nɛ e na a yahomi mi e na kɛ je, lɔ ɔ he ɔ, e ní ɔ tsuo maa ya pee yahomi mi ní kɛ ha ni kpahi.”

Matsɛmɛ I, 14:24

Jehanɛ se hu, ngɛ a jami kusumi komɛ a mi ɔ, nyumu komɛ kɛ a sibi nyumuhi na bɔmi kaa nyumu kɛ yo. Yuda ma a pee zo níhi, kɛ níhi nɛ a hiee po pe níhi nɛ je ma amɛ nɛ Yawɛ fie kɛ je Israel bi ɔmɛ a blɔ nɔ ɔ pee ɔ tsuo pɛpɛɛpɛ.