Mose V, 23:17 - BAIBLO ALOO NGMAMI KLƆUKLƆU Ɔ

¹⁷ “Ke nyɛ ngɛ Mawu jae ɔ, Israel no ko kó pee e he yaholɔ; nyumu jio, yo jio.

Mose V, 23:17 ပူးပေါင်းရင်းမြစ်များ

Matsɛmɛ II, 23:7

E ywia ajuama amɛ a hi he ɔmɛ ngɛ Yawɛ we ɔ. Tade klɔii ɔmɛ nɛ a woɔ kɛ jaa Ashera a, lejɛ ɔ ji he nɛ yi ɔmɛ loɔ ngɛ.

Matsɛmɛ I, 14:24

Jehanɛ se hu, ngɛ a jami kusumi komɛ a mi ɔ, nyumu komɛ kɛ a sibi nyumuhi na bɔmi kaa nyumu kɛ yo. Yuda ma a pee zo níhi, kɛ níhi nɛ a hiee po pe níhi nɛ je ma amɛ nɛ Yawɛ fie kɛ je Israel bi ɔmɛ a blɔ nɔ ɔ pee ɔ tsuo pɛpɛɛpɛ.

Mose III, 19:29

“Ko ha nɛ o biyo nɛ pee e he yaholɔ, nɛ e ba puɛ. Ke e pee ja a, yahomi kɛ musu bɔmi ma ba hiɛ ngɛ zugba a nɔ.

Matsɛmɛ I, 22:46

Nyumuhi nɛ ngɔ a he ngɔ ha ajuama bɔmi, nɛ a sɔmɔɔ ngɛ wɔ piɛ ɔmɛ a mi ngɛ Matsɛ Asa yi nɔ ɔ, Yehoshafat fie a ti ni nɛmɛ nɛ piɛ ɔ tsuo pɛpɛɛpɛ kɛ je zugba a nɔ.

Matsɛmɛ I, 15:12

E fie nyumu ɔmɛ nɛ ngɔ a he ngɔ ha ajuama bɔmi ngɛ jami kusumi ko nya a kɛ je zugba a nɔ, nɛ e je amaga amɛ tsuo nɛ e nɛmɛ ɔmɛ puɛ ɔ.

Mose V, 22:21

lɛɛ a kɛ yiheyo ɔ nɛ ba e tsɛ we ɔ agbo ɔ nya, nɛ́ e ma a mi nyumu ɔmɛ nɛ a fiaa lɛ tɛ nɛ e gbo. E tsu zo ní ngɛ wa ma mi bi ɔmɛ a kpɛti, kaa e le nyumu be mi nɛ e ngɛ e tsɛ we mi loko a ba ngɔ lɛ. Pee jã kɛ je yayami nɛ ɔ kɛ je nyɛ kpɛti.

1 Timoteo 1:10

Ni kpahi hu nɛ a woɔ mlaa ha mɛ ji nihi nɛ fiɛɔ yo kɛ nyumu yakayaka fiɛmi, nyumuhi nɛ kɛ nyumuhi hwɔɔ, nɔmlɔ juli, nihi nɛ ngɔɔ nya, nihi nɛ kaa kita kɛ yeɔ lakpa odase, kɛ nihi tsuo nɛ peeɔ níhi nɛ kɛ tsɔɔmi kpakpa a yɛ́.

1 Korintobi 6:9

Anɛ nyɛ li kaa yayami peeli be blɔ nya ko ngɛ Mawu matsɛ yemi ɔ mi lo? Nyɛ ko sisi nyɛ he! Yaholi, loo amaga jali, loo gba puɛli, loo nyumuhi kɛ yihi sɔuu nɛ kɛ a sibi peeɔ yakayaka ní,

Abɛ Womi 2:16

Ke o bu mi tue ɔ, lɛɛ yo yaholɔ ko nɛ ma hla kaa e kɛ e nya mi munyu ngɔngɔɛ ma puɛ o tue ɔ, ma je mo kɛ je e dɛ mi:

Manyadali 19:22

Benɛ a bua jɔ a he ɔ, yakayaka nyumu komɛ nɛ ngɛ ma a mi ɔ ba bɔle we ɔ kɛ kpe. A si sinya a kɛ he wami, nɛ a de nɔmoyo ɔ nɛ ji wetsɛ ɔ ke, “Nyumu ɔ nɛ ba o we ɔ mi ɔ, je lɛ ha wɔ nɛ waa kɛ lɛ nɛ hwɔ.”

Mose V, 22:29

nyumu ɔ nɛ wo yomiyo ɔ tsɛ ɔ sika hiɔ yi nyingmi enuɔ nɛ ji yo se ní ɔ; nɛ a ha nɛ e ngɔ yo ɔ, ejakaa e puɛ lɛ. E ko ngmɛɛ yo ɔ he kɛ yaa si e ma gbo.

Hiob 36:14

A gboɔ ngɛ a nihe mi, ejakaa a hyɛ we a nɔmlɔ tso ɔ nɔ saminya. A gbenɔ peeɔ hɛ mi si puemi.

Hosea 4:14

Ke nyɛ biyi ɔmɛ ya pee a he yaholi, nɛ nyɛ binyumu ɔmɛ a yi ɔmɛ ya puɛ gba a, i be a tue gblae; ejakaa nyɛ nitsɛmɛ hu nyɛ ya nyɛɛɔ yaholi nɛ ɔmɛ a se, nɛ nyɛɛ kɛ mɛ tsuo nyɛ ya sãã bɔ kɛ haa a wɔ ɔmɛ. Ejakaa ‘Ma nɛ li nɔ́ ɔ, a hɛ mi kpataa.’