Mose V, 22:9 - BAIBLO ALOO NGMAMI KLƆUKLƆU Ɔ

⁹ “Ko du nɔ́ kpa ko ngɛ ngmɔ mi he nɛ o du wai ngɛ ɔ; ke o pee ja a, o be he blɔ kaa o yeɔ wai yiblii ɔ, loo nɔ́ kpa a nɛ o du ɔ.

Mose V, 22:9 ပူးပေါင်းရင်းမြစ်များ

Mose III, 19:19

“Nyɛɛ ye ye mlaa amɛ a nɔ. Nyɛ ko ha nɛ nyɛ we mi lohwehi nɛ kuɔ henɔ kpahi nɛ a kɛ mɛ nɛ fɔ. Nyɛ ko du wu munomuno enyɔ ngɛ ngmɔ kake mi; nɛ nyɛ ko wo tade nɛ a kɛ nɔ́ slɔɔto enyɔ lo bo ɔ.

Mateo 6:24

“Nɔ ko be nyɛe ma sɔmɔ nyɔmtsɛmɛ enyɔ; eko ɔ, e maa nyɛ nɔ kake, nɛ e maa suɔ nɔ kake; aloo e maa pee nɔ kake suɔmi nya ní, nɛ nɔ kake ɔ lɛɛ e be lɛ bue fɛɛ. O be nyɛe ma sɔmɔ Mawu kɛ sika tsuo.

Mateo 9:16

“Nɔ ko ngɔɛ bo he kɛ ta we tade momo mi. Ke o pee jã a, he nɛ o ta a ma hía, nɛ puɔ ɔ ma bli mohu pe kekle ɔ.

Romabi 11:6

Nɛ ke dloomi nya a, lɛɛ pi ní tsumi ko nɛ a tsu he hu. Kaa ní tsumi ko nɛ a tsu he ɔ, jinɛ dloomi ɔ pi dloomi hu.

2 Korintobi 1:12

Nɔ́ kake nɛ wa fĩaa ngɔ fɔɔ nɔ, nɛ wa he nile hu yeɔ he odase ji kaa wa baa wa je mi saminya ngɛ he tsuaa he, titli ngɛ waa kɛ nyɛ wa bɔmi mi kaa bɔ nɛ Mawu ngɛ hlae ɔ. Wa yeɔ anɔkuale nɛ mu ko mu ko be wa he. Pi wɔ nitsɛmɛ wa nile nɛ waa kɛ peeɔ enɛ ɔ, se mohu Mawu dloomi ɔ nya.

2 Korintobi 11:3

I ngɛ gbeye yee kaa nɔ́ nɛ ba Hawa nɔ be ko ɔ maa ba nyɛ hu nyɛ nɔ. Sinɔ ya sisi Hawa, nɛ Hawa pee yayami. Jã kɛ̃ lɛ a ma puɛ nyɛ tue, nɛ nyɛ be Kristo anɔkuale yee kɛ pi si hu.

Mose V, 22:8

“Ke o po we he ɔ, moo hyɛ nɛ o wo o tsu yi bumi ɔ he aklabatsa kɛ bɔle lɛ kɛ kpe. Ke o pee ja a, lɛɛ ke nɔ ko sane kɛ je tsu ɔ yi mi kɛ ba nɔ si nɛ e gbo ɔ, tɔmi ɔ ji mo.

Yakobo 3:10

Adesa lilɛ kake ɔ, e kɛ gbaa, nɛ e kɛ gbiɛɔ nɔ hulɔ. Ye nyɛmimɛ, e sɛ́ kaa e baa jã.