Mose V, 22:21 - BAIBLO ALOO NGMAMI KLƆUKLƆU Ɔ

²¹ lɛɛ a kɛ yiheyo ɔ nɛ ba e tsɛ we ɔ agbo ɔ nya, nɛ́ e ma a mi nyumu ɔmɛ nɛ a fiaa lɛ tɛ nɛ e gbo. E tsu zo ní ngɛ wa ma mi bi ɔmɛ a kpɛti, kaa e le nyumu be mi nɛ e ngɛ e tsɛ we mi loko a ba ngɔ lɛ. Pee jã kɛ je yayami nɛ ɔ kɛ je nyɛ kpɛti.

Mose V, 22:21 ပူးပေါင်းရင်းမြစ်များ

Mose V, 13:5

Se gbalɔ, loo nlami sisi tsɔɔlɔ ko nɛ maa wo nyɛ yi mi ke nyɛɛ te si kɛ si Yawɛ, nyɛ Mawu ɔ nɛ je nyɛ kɛ je Egipt zugba a nɔ, he nɛ nyɛ ye nyɔguɛ ngɛ ɔ, nyɛɛ gbe lɛ. Kikɛmɛ a nɔmlɔ ɔ, e ji nɔmlɔ yayami nɛ ngɛ nyɛ kae kaa e maa mlɔɔ nyɛ kɛ je si himi kpakpa nɛ Yawɛ fa nyɛ ke nyɛɛ hi ɔ he. Nyɛɛ gbe lɛ, konɛ nɔ́ yayami nɛ ɔ ko hi nyɛ kpɛti hu.

Mose I, 34:7

Jamɛ a be ɔ mi nɔuu ɔ, Yakob binyumu ɔmɛ hu je nga nɔ kɛ ba. Benɛ a nu sane nɛ ba a, a mi mi fu wawɛɛ nitsɛ kaa Shekem tsu zo ní kaa kikɛ nɛ ɔ ngɛ Israel; kaa e nu Yakob biyo pani nya, nɛ e kɛ lɛ hwɔ. Nɔ́ nɛ Shekem pee nɛ ɔ, a hiɔ̃.

Manyadali 20:6

Benɛ ye plã a gbo ɔ, i poo e mi kpɔ nya kpɔ nya, nɛ i tsɔ kɛ ya ha Israel wɛtso nyɔngma kɛ enyɔ ɔmɛ tsuo kakaaka; ejakaa nimli nɛ ɔmɛ bɔ musu, nɛ a tsu zo ní ngɛ Israel.

Manyadali 20:10

Wa maa hla nyumuhi nyɔngma ngɛ nyumuhi lafa mi kɛ maa je Israel wɛtso ɔmɛ tsuo a mi; nyumuhi lafa ngɛ nyumuhi akpe mi, kɛ nyumuhi akpe ngɛ nyumuhi akpe nyɔngma mi. Nimli nɛ ɔmɛ ma ya hla niye ní kɛ ba, nɛ ma a nɛ piɛ ɔ, kɛ Gibea Benyamin bi ɔmɛ ma ya to ní saminya ngɛ zo ní nɛ a tsu ngɛ Israel ɔ he.”

Mose V, 21:21

Jehanɛ, ma a mi nyumu ɔmɛ nɛ a fiaa lɛ tɛ nɛ e gbo; kɛkɛ ɔ, o ma je yayami nɛ ɔ kɛ je nyɛ kpɛti. Nɔ tsuaa nɔ ngɛ Israel maa nu nɔ́ nɛ ba a, nɛ a maa ye gbeye.

Mose V, 19:19

a gbla e tue sisiisi kaa bɔ nɛ e susu kaa a ko pee e nyɛmi ɔ pɛpɛɛpɛ. Nyɛɛ pee jã kɛ je nɔ́ yayami nɛ ɔ kɛ je nyɛ kpɛti.

Mose V, 17:7

Odase yeli ɔmɛ nɛ a fiaa lɛ tɛ ɔ kekle, konɛ ma a tsuo nɛ fiaa nɔ ɔ tɛ ɔ; nyɛɛ pee ja kɛ je nɔ́ yayami nɛ ɔ kɛ je nyɛ kpɛti.

Mose III, 21:9

Ke osɔfo ko biyo pee e he yaholɔ ɔ, e pue e tsɛ hɛ mi si. A sã lɛ nɛ e gbo.

Mose V, 22:24

A kɛ mɛ ni enyɔ ɔmɛ tsuo nɛ je ma a mi, nɛ a ya fiaa mɛ tɛ nɛ a gbo. A gbe yiheyo ɔ, ejakaa ma a mi he nɛ a tsu zo ní nɛ ɔ ngɛ ɔ, kaa e kpa ngmlaa jinɛ ni komɛ maa nu, nɛ a ma ba je ngmlaa ha lɛ. Nyumu ɔ hu, á gbe lɛ, ejakaa e kɛ yiheyo nɛ nɔ ko bi e si ya na bɔmi. Pee jã kɛ je yayami nɛ ɔ kɛ je nyɛ kpɛti.

Mose V, 22:22

“Ke a nu nyumu ko nɛ e kɛ nɔ kpa e yo ngɛ hwɔe ɔ, á gbe mɛ ni enyɔ ɔmɛ tsuo. Pee jã kɛ je yayami nɛ ɔ kɛ je nyɛ kpɛti.

Mose V, 17:5

lɛɛ nyɛɛ ngɔ nɔ ɔ kɛ je ma a mi, nɛ nyɛ ya fiaa lɛ tɛ, nɛ e gbo, nyumu jio, yo jio.

Mose V, 13:10

Á fiaa lɛ tɛ nɛ e gbo! E hla kaa e ma puɛ o tue ngɛ Yawɛ, o Mawu ɔ nɛ kpɔ̃ mo kɛ je Egipt, he nɛ o ya ye nyɔguɛ ngɛ ɔ he.

Mose III, 24:23

Benɛ Mose kɛ Israel ma a tu munyu nɛ ɔ gbe nya a, a ngɔ nyumu ɔ nɛ bɔ musu ɔ kɛ je ma sito he ɔ, nɛ a ya fia lɛ tɛ nɛ e gbo. Bɔ nɛ Yawɛ fa Mose ɔ, ja pɛpɛɛpɛ Israel ma a pee ɔ nɛ.

Mose III, 24:16

e sa nɛ a gbe lɛ. Israel fɔfɔɛ, loo nubwɔ nɛ maa bɔ musu kaa kikɛ nɛ ɔ, ma a tsuo nɛ fia lɛ tɛ nɛ e gbo.

Mose III, 19:29

“Ko ha nɛ o biyo nɛ pee e he yaholɔ, nɛ e ba puɛ. Ke e pee ja a, yahomi kɛ musu bɔmi ma ba hiɛ ngɛ zugba a nɔ.

Manyadali 19:23

Se wetsɛ ɔ je kpo kɛ ya na mɛ, nɛ e de mɛ ke, “Dɛbi! Ye nyɛmimɛ, nyɛ ko pee yayami ko nɛ ngɛ kaa kikɛ nɛ ɔ! Nyumu nɛ ɔ, ye nubwɔ ji lɛ; nyɛ ko tsu kikɛmɛ a zo ní nɛ ɔ!

Manyadali 20:5

Nyɔ mi ɔ, Gibea bi ɔmɛ ba tua mi, a ba bɔle we ɔ he nɛ i ngɛ ɔ, nɛ a hla kaa a maa gbe mi. Kɛkɛ nɛ a ya nu ye plã a nɛ a kɛ lɛ hwɔ basabasa kɛ ya si e gbo.

Mose I, 38:24

Maa pee hlami etɛ se ɔ, nɔ ko ba de Yuda ke, “O nganyɛ Tamar ya nyɛɛ basabasa, nɛ hɔ ba e he nɛ a li hɔtsɛ.” Yuda fa ke, “A je lɛ kpo, nɛ a ya sã lɛ.”

Mose III, 20:2

e de Israel bi ɔmɛ ke, “Ke nyɛ ti nɔ ko, loo nubwɔ ko nɛ ngɛ nyɛ kpɛti ngɔ e bi kɛ ha nɛ a kɛ ja mawu ɔ nɛ a tsɛɛ Molek ɔ, ma a tsuo nɛ fia lɛ tɛ nɛ e gbo.

Mose V, 13:6

“O nyɛminyumu nɛ ji o nyɛ muklii mi bi, loo o binyumu, loo o biyo, loo o yo nɛ o suɔ lɛ, loo o huɛ nɛ nyu bi ngɛ nyɛ kpɛti po ma nyɛ maa mlɔɔ mo nɛ o ma ya ja mawu kpahi nɛ mo, loo o nɛmɛ ja we hyɛ.