Mose V, 22:14 - BAIBLO ALOO NGMAMI KLƆUKLƆU Ɔ

¹⁴ Enɛ ɔ he ɔ, e po sanehi nɛ be mi kɛ fɔ yiheyo ɔ nɔ ke pi yomiyo ji lɛ, ejakaa e nɛ lɛ ngɛ we benɛ e kɛ lɛ ya hwɔ ɔ.

Mose V, 22:14 ပူးပေါင်းရင်းမြစ်များ

1 Timoteo 5:14

Lɔ ɔ he ɔ, ma suɔ mohu kaa yalɔyihi nɛ wɛ lolo ɔ, a gba nɛ a fɔ bimɛ; nɛ a hyɛ a we nɔ saminya, konɛ wa he nyɛli ko na he blɔ ko kulaa kɛ tu munyu yaya kɛ si wɔ.

Abɛ Womi 18:21

Munyu nɛ jeɔ nɔ nya mi ɔ, gbenɔ, loo wami lɛ e kɛ baa. Nihi nɛ suɔ munyu tumi ɔ, nɔ́ kpakpa, loo nɔ́ yaya ko nɛ maa je mi kɛ ba a, e sa mɛ.

Abɛ Womi 18:8

Sieku yelɔ munyu ngɛ kaa niye ní nɛ ngɔɔ. Nimli adesahi suɔ kaa a maa mi kɛ ya a muklii mi tɔɔ.

Mose V, 22:19

A ma he lɛ sika hiɔ yi lafa, aloo susumi nɔ́ nɛ a tsɛɛ kilo ɔ kake kɛ piɛ he kɛ ha yiheyo ɔ tsɛ ɔ; ejakaa nyumu ɔ wo Israel yomiyo he ní. Jehanɛ hu a ha nɛ e ngɔ yo ɔ; e be he blɔ kaa e fieɔ lɛ kɛ yaa si e ma gbo.

Mose II, 23:1

“Nɔ́ nɛ o nɛ, loo o nui ɔ, ko de. Koo piɛ dikalɔ he kɛ ye lakpa odase.

Mose II, 20:16

“Koo ye lakpa odase kɛ si o nyɛmi.

Mose V, 22:13

“Waa ngɔ lɛ kaa nyumu ko ya ngɔ yiheyo ko, nɛ benɛ e kɛ lɛ ya hwɔ ɔ, e sume lɛ hu.

Mose V, 22:15

“Ke nɔ́ ko kaa ja ba mi ɔ, yiheyo ɔ fɔli nɛ a ngɔ sa nɔ bo hiɔ kɛ e mi muɔ nɛ ayɛflo ɔ kɛ e huno ɔ hwɔ nɔ kpeemi ligbi ɔ kɛ ya tsɔɔ ma nimeli ɔmɛ ngɛ kojomi he ɔ. Enɛ ɔ a kɛ maa na anɔkuale ɔ, kaa niinɛ yomiyo ji a bi ɔ nɛ.