Mose V, 21:5 - BAIBLO ALOO NGMAMI KLƆUKLƆU Ɔ

⁵ E hia kaa Levi bi ɔmɛ, nɛ ji osɔfo ɔmɛ hu nɛ a ya lejɛ ɔ; ejakaa mɛ lɛ a hyɛɛ mlaa sane tsuaa mlaa sane nɛ kɔɔ pɛ nɛ gbenɔ jeɔ mi ɔ mi, nɛ a buá he. Yawɛ, o Mawu ɔ nitsɛ nɛ hla mɛ, nɛ́ a sɔmɔ lɛ, nɛ́ a ngɔ e biɛ kɛ gbaa.

Mose V, 21:5 ပူးပေါင်းရင်းမြစ်များ

Kronika I, 23:13

Kohat bitɛte nɛ ji Amram ɔ lɛɛ e binyumuhi ji Aaron kɛ Mose. Aaron kɛ e nina lɛɛ a hla mɛ ngɔ to, nɛ a ngɔ Yawɛ we ɔ ní klɔuklɔu ɔmɛ ngɔ wo a dɛ. A ní tsumi ji a sã tsopa kɛ e he via kɛ ha Yawɛ, á sɔmɔ Yawɛ, nɛ á kɛ Yawɛ biɛ nɛ gbaa ma a.

Kronika II, 19:10

Ke nyɛ nyɛmimɛ kojoli ɔmɛ nɛ ngɛ ma amɛ a mi ɔ ngɔ sane ba ha nyɛ nɛ nyɛɛ hyɛ mi ɔ, muɔ si puemi sane jio, Mawu mlaa amɛ, aloo blɔ nya tomi ɔmɛ eko nɔ tɔmi sane jio, nyɛɛ tsɔɔ mɛ bɔ nɛ a ma plɛ kɛ ye sane ɔ ha, nɛ nyɛɛ piɛ a he kɛ ye sane ɔ ngɛ blɔ nɛ da nɔ. Ke nyɛ pee ja a, a be fɔ yee ngɛ Yawɛ hɛ mi; Yawɛ mi mi fumi be nyɛɛ kɛ nyɛ nyɛmimɛ ɔmɛ a nɔ bae. Bɔ nɛ nyɛ maa pee nɛ sɔ̃ be nyɛ tlooe ji nɛ ɔ nɛ.

Ezekiel 42:13

Kɛkɛ nɛ nyumu ɔ de mi ke, “Tsu enyɔ nɛ ɔmɛ ngɛ klɔuklɔu. Osɔfohi nɛ baa Yawɛ we ɔ, tsu nɛ ɔmɛ a mi a yeɔ bɔ klɔuklɔu pe kulaa a ngɛ. Tsu nɛ ɔmɛ ngɛ klɔuklɔu, nɛ a mi nɛ osɔfo ɔmɛ toɔ bɔ klɔuklɔu pe kulaa nɛ ɔmɛ ngɛ: niye ní bɔ, yayami pami bɔ, kɛ fɔ yemi bɔ.

Ezekiel 44:24

Ke sane ko ba a, osɔfo ɔmɛ nɔuu nɛ a hyɛ sane ɔ mi, nɛ á kojo ngɛ ye mlaa amɛ a nya. Mlaahi, kɛ blɔ nya tomihi nɛ kɔɔ nyami be ɔmɛ tsuo a he ɔ, a hyɛ nɛ a ye a nɔ pɛpɛɛpɛ, nɛ a pee Hejɔɔmi ligbi ɔmɛ klɔuklɔu.

Mose III, 9:22

Benɛ Aaron sã yayami pami bɔ ɔ, sami bɔ ɔ, kɛ tue mi jɔmi bɔ ɔ gbe nya a, e wo e nine nɔ ngɛ ma a nɔ nɛ e gbaa mɛ. Lɔ ɔ se ɔ, e kple si kɛ je he nɛ e sã bɔ ɔmɛ ngɛ ɔ.

Malaki 2:7

E sa kaa osɔfo ɔmɛ nɛ a tsɔɔ ma a ní, nɛ a le Mawu anɔkuale mi. E sa kaa ma a nɛ ya a ngɔ nɛ a ya kase ye suɔmi nya ní. Ejakaa imi Yawɛ Tabohiatsɛ ɔ, ye tsɔli ji osɔfo ɔmɛ ɔ nɛ.

Mose V, 10:8

Benɛ a ngɛ yoku ɔ he ɔ, Yawɛ hla Levi wɛtso ɔ mi nyumuhi, konɛ a hyɛ somi daka a nɔ, nɛ a sɔmɔ kaa osɔfohi, nɛ́ a ngɔ Yawɛ biɛ kɛ gbaa ma a. A blɔ nya ní tsumihi ji enɛ ɔmɛ kɛ mwɔɔ.

Mose V, 18:5

Levi bi ɔmɛ a wɛtso ɔ lɛ Yawɛ hla ngɛ wɛtso ɔmɛ tsuo a mi nɛ a sɔmɔ lɛ daa kaa osɔfohi.

Mose V, 19:17

mɛ ni enyɔ ɔmɛ tsuo nɛ a ngɔ a sane ɔ kɛ ya he nɛ a jaa Mawu ngɛ ɔ, kɛ ya ha osɔfo ɔmɛ kɛ kojoli ɔmɛ nɛ a ngɛ ní tsue jamɛ a be ɔ.

Mose V, 21:4

Nimeli ɔmɛ nɛ a kpaka lohwe ɔ kɛ ya kɔ̃ ko nya, he nɛ nyu bee ngɛ daa, he ko nɛ a hu we, nɛ a du we ní ngɛ hyɛ. Á ku lohwe ɔ kuɛ ngɛ lejɛ ɔ.