Mose V, 21:23 - BAIBLO ALOO NGMAMI KLƆUKLƆU Ɔ

²³ ko ha nɛ e hi tso ɔ nɔ nɛ je nɛ na yi. A pu lɛ jamɛ a ligbi ɔ kɛ̃; ejakaa nɔ gbogboe nɛ bɛle si ngɛ tso nɔ ɔ kɛ Mawu gbiɛmi baa zugba a nɔ. Moo pu gbogboe ɔ, bɔ nɛ pee nɛ o ko ble zugba a nɛ Yawɛ, o Mawu ɔ ngɛ mo hae ɔ.

Mose V, 21:23 ပူးပေါင်းရင်းမြစ်များ

Galatabi 3:13

Wa he ɔ, Kristo ba plɛ nɔ nɛ a gbiɛ lɛ, konɛ gbiɛmi nɛ ko ba wa nɔ ngɛ mlaa a nya a, e je wɔ kɛ je mi. Ejakaa a ngma ke, “Nɔ tsuaa nɔ nɛ a sɛu lɛ ngɛ sɛumi tso nɔ ɔ, a gbiɛ lɛ.”

Yohane 19:31

Enɛ ɔ se ɔ, Yuda ma nimeli ɔmɛ ya na Pilato kaa e ngmɛ mɛ blɔ nɛ a ku nihi nɛ a gbe ɔ a nanehi, nɛ a je mɛ kɛ je sɛumi tso ɔ nɔ. Jamɛ a ligbi ɔ nɛ a dlaa he kɛ haa Hetsɔmi ɔ, lɔ ɔ he ɔ, a sume nɛ gbogboe ɔmɛ nɛ a hi sɛumi tso nɔ kɛ yaa si Hejɔɔmi ligbi ɔ, ejakaa Hejɔɔmi ligbi nguaa nitsɛ lɛ ngɛ a hɛ mi.

2 Korintobi 5:21

Kristo pee we yayami, se wa he ɔ, Mawu bu lɛ yayami peelɔ. Lɔ ɔ he ɔ, nɛ wa ba pee Kristo se nyɛɛli ɔ, wa peeɔ níhi nɛ da ngɛ Mawu hɛ mi.

Mose III, 18:25

nɛ a kɛ ble zugba a hulɔ ɔ ji nɛ ɔmɛ nɛ. Lɔ ɔ he je nɛ i ngɛ zugba a tue gblae, nɛ zugba a hu ngɛ ni ɔmɛ fiee ɔ nɛ.

Romabi 9:3

ngɛ ye nyɛmimɛ ɔmɛ a he. Ye weku li ji mɛ ngɛ he lo nya, nɛ i ko suɔ kaa ngɛ mɛɛ a he ɔ, a bu mi musutsɛ, nɛ a po mi kɛ je Kristo he.

Mose IV, 25:4

nɛ e de Mose ke, “Ngɔɔ ma nimeli ɔmɛ tsuo kɛ ya nɛ o ya sɛu mɛ ngɛ Yawɛ hɛ mi piani katakata; kɛkɛ ɔ, ye mi mi fumi nɛ nya wa a maa je Israel nɔ.”

Yoshua 8:29

Se Ai matsɛ ɔ lɛɛ Yoshua sɛu lɛ ngɛ tso nɔ, nɛ e si e gbogboe ɔ ngɛ lejɛ ɔ kɛ ya si gbɔkuɛ nya si. Benɛ pu nɔ si ɔ, Yoshua fa nɛ a ya je gbogboe ɔ kɛ je tso ɔ nɔ. A sake lɛ ngɔ fɔ ma agbo ɔ nya, nɛ a to tɛhi glekuu ngɔ pue e nɔ; nɛ tɛ ɔmɛ ngɛ lejɛ ɔ kɛ ba si mwɔnɛ ɔ.

1 Korintobi 16:22

Nɔ tsuaa nɔ nɛ sume Nyɔmtsɛ ɔ, a gbiɛ lɛ! Wa Nyɔmtsɛ, ba!

Yoshua 7:12

Enɛ ɔ he je nɛ Israel bi ɔmɛ nyɛ we a he nyɛli ɔmɛ nɛ; a ngɛ fo tue ngɛ a nya, ejakaa mɛ nitsɛmɛ hu a plɛ pee níhi nɛ sa nɛ a kpata a hɛ mi! I kɛ nyɛ be si hie hu; ja nyɛ kpata níhi nɛ i wo nyɛ mlaa ke nyɛ ko ta he ɔ a hɛ mi!

Samuel II, 21:6

Enɛ ɔ he je ɔ, á ngɔ nɔmlɔ nɛ ɔ binyumuhi kpaago ba ha wɔ nɛ waa sɛu mɛ ngɛ Yawɛ hɛ mi ngɛ Gibeon, ngɛ Yawɛ yo ɔ nɔ.” Matsɛ ɔ he nɔ ke, “Yoo, ma ngɔ mɛ ba ha nyɛ.”

Mose V, 7:26

Nyɛ ko ngɔ amaga nɛ ɔ eko kɛ ba nyɛ we ɔmɛ a mi; ke nyɛ pee ja a, gbiɛmi nɛ ngɛ amaga amɛ a nɔ ɔ maa ba nyɛ nɔ. Nyɛɛ nyɛ, nɛ nyɛɛ hie amaga amɛ, ejakaa Yawɛ gbiɛmi ngɛ a nɔ.

Samuel II, 21:10

Kɛkɛ nɛ Rizpa, Aya biyo ɔ ngɔ kpekpe kɛ pee bo tsu ngɛ tɛ sa a nɔ. Nɛ kɛ je be mi nɛ a bɔni ní kpami kɛ ya si hiɔmi bɔni nɛmi ɔ, e huɔ gbogboe ɔmɛ nyɔ kɛ pia; e ngmɛ́ blɔ nɛ lohwe pɛlitsɛmɛ ba maa a nɔ piani; nɛ nyɔ mi ɔ, e fieɔ lohwe awi yeli kɛ jeɔ a he.

Ezekiel 39:12

Israel bi ɔmɛ maa ngɔ nyɔhiɔ kpaago kɛ pu gbogboe ɔmɛ tsuo, nɛ a kɛ maa tsu zugba a he ekohu.

Mose V, 4:21

Nyɛ he ɔ, Yawɛ, nyɛ Mawu ɔ mi mi fu mi, nɛ e ka kita ke i be Yordan pa a poe kɛ ya zugba kpakpa a nɛ e ngɔ kɛ ngɛ nyɛ hae ɔ nɔ.

Mose V, 25:19

Lɔ ɔ he ɔ, ke Yawɛ, o Mawu ɔ ngɔ zugba a ngɔ ha mo, nɛ e je mo kɛ je o he nyɛli tsuo nɛ bɔle mo kɛ kpe ɔ a dɛ mi ɔ, hyɛ nɛ o gbe Amalek bi ɔmɛ tsuo, konɛ nɔ ko kó kai mɛ hu. O hɛ ko je nɔ kɔkɔɔkɔ!

Matsɛmɛ II, 10:8

Benɛ tsɔlɔ ɔ ya de Yehu ke a ngɔ matsɛ binyumu ɔmɛ a yi koklodo ɔmɛ kɛ ba a, Yehu fa ke a to mɛ kuukuu enyɔ ngɛ ma a agbo ɔ nya kɛ yaa si mɔtu.