Mose V, 21:17 - BAIBLO ALOO NGMAMI KLƆUKLƆU Ɔ

¹⁷ E ha e bi nɔkɔtɔma ɔ nɔ́ nɛ e ma ha e bi kaketsɛ ɔ totoe enyɔ. Ejakaa bi nɔkɔtɔma nɛ ɔ ji nyumu ɔ kekleekle binyumu nɛ a fɔ ha lɛ.

Mose V, 21:17 ပူးပေါင်းရင်းမြစ်များ

Mose I, 49:3

“Ruben, mo ji ye bitɛte; mo ji ye he wami, kɛ ye nihe mi kekleekle bi. Mo ji nɔ nɛ bu ngɛ o he, nɛ o ngɛ he wami pe ye bimɛ ɔmɛ tsuo.

La 105:36

Jehanɛ, e gbe bitɛtehi nɛ ji Egipt nyumuhi a kekleekle ngmɛduhi tsuo ngɛ zugba a nɔ.

Luka 15:12

Jokuɛyo ɔ de lɛ ke, ‘Tsaatsɛ, gbosi ní nɛ wa ma na hwɔɔ se ɔ, ha mi ye blɔ fa mi nɔ́ nyɔngloo.’ Nɛ nyumu ɔ dla e ní ɔmɛ a mi ngɔ ha e binyumu enyɔ ɔmɛ.

Kpojemi 3:14

Bɔfo ɔ nɛ ngɛ asafo ɔ nya ngɛ Laodikea a, ngmaa womi nɛ ɔ ya ha lɛ ke, “Sɛ gbi nɛ je Amen, odase ɔ nɛ yeɔ anɔkuale ɔ ngɔ ji nɛ ɔ nɛ. Lɛ ji níhi tsuo nɛ Mawu bɔ ɔ sisije.

Mose V, 21:16

Lɔ ɔ lɛɛ ke be su nɛ e maa dla weto ní ha e binyumu ɔmɛ ɔ, nyumu ɔ be he blɔ kaa e ngɔɔ yo nɛ e suɔ lɛ saminya a bi ɔ ngɔ peeɔ bi nɔkɔtɔma ngɛ yo nɛ e sume lɛ ɔ bi ɔ nane mi.

Matsɛmɛ II, 2:9

Benɛ a po pa a, Eliya bi Elisha ke, “Mɛni o suɔ nɛ ma pee ha mo loko a ba ngɔ mi kɛ je o he?” Elisha he nɔ ke, “I kpa mo pɛɛ, ha mi o mumi he wami ɔ totoe enyɔ.”

Kronika II, 21:3

A tsɛ ha mɛ sika tsu, sika hiɔ, kɛ ní kpa komɛ nɛ a he jua wa babauu nitsɛ; nɛ e ngɔ mɛ ngɔ to Yuda mahi nɛ a fia gbogbo ngɔ wo a he ɔ a mi kakaaka. Se Yehoram lɛɛ akɛnɛ lɛ ji bitɛte he je ɔ, Yehoshafat ngɔ lɛ ngɔ pee nɔ nɛ maa ye tsɛ ngɛ e se.